9/19/2018
Today from Hiiraan Online:  _
Wararka Maanta- Jimco, May 18, 2012
Dagaallo Ciidamada DKMG, AMISOM iyo Xarakada Al-shabaab ku dhexmaray Degmada Dharkeynley ee Magaalada Muqdisho


Jimco, May 18, 2012 (HOL) — Dagaal u dhaxeeyay Ciidamada DKMG ah iyo kuwa Al-shabaab ayaa xalay ka dhacay degmada Dharkeenley, iyadoo dagaalka ahaa mid laga maqlayay inta badan magaalada Muqdisho la iskuna adeegsaday hub kala duwan.

Dagaalka ayaa qarxay markii xoogagga Al-shabaab ay weearro ku qaadeen xaafado ka tirsan degmada Dharkeynley oo ay saldhigyo ku leeyihiin ciidamada DKMG ah iyo kuwa AMISOM, iyadoo dagaalku socday muddo saacad ku dhow.

Lama oga khasaaraha uu dagaalkan dhaliyay, balse madaafiicdii la is-dhaafsanayay ayaa waxay ku dhaceen xaafado ay ka mid tahay Kaxda oo ay ku nool yihiin dad badan oo shacab.

"Xalay waxaa dhacay dagaal culus oo aad uga culus kuwii horay uga dhici jiray Muqdisho, cabsi weyn ayaan dareennay," ayuu yiri mid ka mid ah dadka ku nool degmada Dharkeynley ee Muqdisho.

Saraakiil u hadlay Al-shabaab ayaa sheegay in dagaalkii xalay uu ahaa mid qorsheysan oo ay la beegsadeen saldhigyada AMISOM iyo kuwa DKMG ah, inkastoo aysan sheegin khasaare ay geysteen iyo mid loo geystay.

Ma jiro hadal kasoo baxay dhinaca dowladda KMG ah oo ku saabsan dagaalkii xalay dhacay, waxaase dadka ku nool xaafadaha lagu dagaalamay ay cabsi weyn ka muujiyeen dagaalkii xalay dhacay.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/18/2012 11:45 AM EST
Ra’iisul wasaarihii hore ee Sweden ee sagaashameeyadii (90s) dowrka weyn ka ciyaaray soo dhaweyntii qaxootiga Soomaalida ahna Wasiirka Arrimaha Dibada ee Sweden, Honorable Carl Bildt, ayaa Hay’ada lagumagacaabo CANADIAN EYE ON AFRICA

5/18/2012 8:04 AM EST
Jimco, May 18, 2012 (HOL)- sanad guuradii 21aad ee ka soo wareegtay markii somaliland ka go’day soomaaliya inteedda kale 18 May 1991kii, ayaa maanta si weyn looga dabaal degay magaalooyinka waaweyn ee somaliland.

5/18/2012 7:55 AM EST
Jimco, May 18, 2012(HOL): Islaan Bashiir Islaan Cabdulle Islaan Faarax ayaa maanta si heer sara ah loogu soo dhaweeyay Garoonka diyaaradaha Caalamiga ah ee Aadan Cadde ee Magaalada Muqdisho.

5/18/2012 5:00 AM EST
Jimco, May 18, 2012 (HOL) — Maxkamadda Federaalka Itoobiya ayaa sheegtay inay maxkamadeynayso 11-qof oo lagu eedeeyay inay xiriir la leeyihiin Xarakada Al-shabaab oo ka dagaalanta Soomaaliya.

5/18/2012 4:44 AM EST
Jimco, May 18, 2012 (HOL) — Gudoomiyaha Xisbiga DADKA Saciid Ciise Maxamuud oo ka mid ah axsaabta siyaasadeed ee dalka ka jirta ayaa ku dhawaaqay inuu ka mid yahay musharaxinta u taagan doorashada madaxweynaha Soomaaliya, isagoo dhinaca kalena faahfaahin ka bixiyay waxyaabaha u qorsheysan haddii uu doorashadaas ku guuleysto iyo xaaladaha kale ee ka taagan dalka sida dastuurka.

5/18/2012 4:35 AM EST
Jimco, May 18, 2012 (HOL) — Ra'iisul wasaaraha Soomaaliya, C/weli Maxamed Cali ayaa sheegay in dastuurka loo ansixin doono qaab KMG ah inta afti dadweyne looga qaadayo, isagoo intaas ku daray in dhawaan loo gudbin doono dastuurka guddigii loogu talogalay inay ansixiyaan.

5/18/2012 4:25 AM EST
Jimco, May 18, 2012 (HOL) — Taliyaha ciidamada Itoobiya ee Baydhabo ku sugan ayaa sheegay inay qaadayaan tallaabooyin ay ku adkeynayaan ammaanka guud ee degmada Baydhabo.