9/22/2018
Today from Hiiraan Online:  _
Wararka Maanta- Arbaco, May 16, 2012
MSF oo wax ka badaleysa gargaarka caafimaad ee ay ka bixisa Galgaduud xaaladda amaanka oo sii xumaneysa awadeed


Arbaco, May 16, 2012 (HOL) — Xaaladda ammaanka oo sii xumaaneysa awadeed ayay hay'adda MSF waxay sameysay go’aan adag oo ah inay xirto mashruucyada degmooyinka Dhuusa-mareeb iyo Xiin-dheere kuwaasoo la furay sanadihii 2006-dii iyo 2008-kii.

Hay'addu dhaqaatiirta aan xuduudda lahayn ee MSF waxay sidoo kale intaas dheer in wax laga badali doono taageerada ay siiso isbitaalka Istarliin ee degmada Guricel.

"Xaaladda ammaanka ee degmooyinkan oo sii xumaaneysa ayaan u fasixi Karin MSF inay howlgalkeedi u sii wado sidii caadiga ahayd ee ay kormeeridda ku sameyn jireen shaqaalaha caalamiga ah oo caawinaya kuwa maxaliga ah," ayuu yiri Bertrand Parrochet oo ah madaxa hay’adda MSF ee mashruucyada Soomaaliya.

"Laakiin waxaan rajeyneynaa in shaqaalaheenna sida fiican u tababaran ay dadka deegaanka u sii wadi karaan bixinta adeeg asaasi ah ee caafimaadka oo heer sara ah," ayuu mar kale yiri madaxa mashaariicda MSF ee Soomaaliya.

Sanadihii la soo dhaafay hay'adda MSF waxay si weyn u maal-gelisay tababarka ay siiso shaqaalaha isbitaalka Istarliin ee degmada Guriceel iyo bixinta adeegyada caafimaad ee casriga ah ee meel fog laga hago iyadoo la adeegsanaayo qalabka lagu wada xiriiro.

"Iyadoo la isticmaalayo qaabka cusub ee ismaamul ah shaqaalaha caalamiga ah ee MSF waxay la-talin caafimaad bixin doonaan iyagoo goob fog ku sugan; waxayna sidoo kale caawin doonaan shaqaalaha maxaliga ee ka howlgala isbitaalka Istarlin," ayaa lagu yiri warbixin ay soo saartay MSF.

Hay'adda MSF waxay si joogta ah uga shaqeynaysay dalka Somalia tan iyo sanadkii 1991di. MSF waxay ku tiirsan tahay deeqaha shakhsiyaadka ay bixiyaan si ay u maal-gelisa howlaheeda Soomaaliya, iyadoo an wax-deeq ah ka qaadanin dowladaha.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/16/2012 6:51 AM EST
Arbaco, May 16, 2012 (HOL) - Taliyeyaaasha ciidamada milatariga iyo wasiiradda arrimaha gudaha iyo Gaashaandhiga Somaliland, ayaa faah-faahin ka bixiyey qaabka uu dagaalkii shalay ka dhacey Xero Ciidan oo ku taalla bariga magaaladda Hargeysa, gaar aana xaafadda New Hargeys iyo khasaaraha dhimasho iyo dhaawac ee labaddii dhinac ee dagaalamayey soo kala gaadhay.

5/16/2012 6:45 AM EST
Arbaco, May 16, 2012 (HOL) — Askari ka tirsan ciidamada DKMG ah ee Soomaaliya ayaa barqonimadii maanta lagu toogtay gudaha suuqa weyn ee Bakaaraha iyadoo sidoo kale uu iska-horimaad u dhexeeya ciidamada dowladda KMG ah uu ka dhacay maanta degmada Wardhiigley.

5/16/2012 6:28 AM EST
Arbaco, May 16, 2012 (HOL) — Wareegto kasoo baxday xafiiska guddoomiyaha gobolka Banaadir ee dowladda KMG ah, Maxamuud Axmed Nuur (Tarsan) ayaa lagu magacaabay afhayeen cusub oo uu yeesho maamulka gobolka Banaadir, kaddib markii xilka laga qaaday afhayeenkii hore.

5/16/2012 6:14 AM EST
Arbaco, May 16, 2012 (HOL) — Ergayga xoghayaha guud ee Qaramada Midoobay u qaabilsan arrimaha Soomaaliya, dajire Augustine Mahiga ayaa ka dalbaday beesha calaamka in la bixiyo tageero dhaqaale oo suuro-gelin kara dhameystirka nidaamka qariidadda nabadda ee looga baxayo xilliga KMG ah ka hor bisha Ogoosto.

5/16/2012 5:52 AM EST
Arbaco, May 16, 2012 (HOL) — Xildhibaan Ibraahim Xabeeb Nuur oo ka mid ahaa guddigii baarlamaanka bariga Afrika ee kormeerayay doorashadii baarlamaanka dalka Al-jeeriya ayaa sheegay in doorashada baarlamaan ee dalkaas ay u dhacday si cad oo cadaalad ah.

5/16/2012 5:39 AM EST
Arbaco, May 16, 2012 (HOL) — Dhaq-dhaqaaqyadaan iyo xiisadahana dagaal ayaa yimid kadib markii Ciidamada huwanta ah ee dowladda KMG, Raaskaambooni iyo Kenyan ay saaka ka soo dhaqaaqeen fariisimihii ay ku lahaayeen deegaanka Qooqaani ee gobolka Jubbada Hoose.

5/16/2012 3:36 AM EST
Arbaco, May 16, 2012 (HOL) — Booliiska dalka Kenya ayaa sheegay in hal qof uu ku dhintay, shan qof oo kaelna ay ku dhaawacmeen weerar saddex bambaano oo lagu weeraray xalay hoteel lagu caweeyo oo ku yaalla magaalada Mombassa ee dalka Kenya.

5/16/2012 3:21 AM EST
Arbaco, May 16, 2012 (HOL) — Ku xigeenka xoghayaha arrimaha Afrika ee dalka Mareykanka, Donald Yamamoto oo maanta oo Arbaco ah shir jaraa’id ku qabtay magaalada Minneapolis ee gobolka Minnesota ayaa kaga hadlay dhowr arrimood oo ku saabsan xaaladda Soomaaliya oo ay ka mid tahay waqtiga u harsan dowladda KMG iyo hirgalinta qodobbada qariirada nabadda "Raodmap".

5/16/2012 3:15 AM EST
Arbaco, May 16, 2012 (HOL) — Munaasabadaan oo ay isla soo qaban-qaabiyeen wasaaraada dhalinyarada, isboortiga, shaqada iyo shqaalaha iyo ururka SYL II iyo Ururka dhalinyarda Qaranka NYC ayaa ka dhacday shalay hoolka Madaxtooyada Soomaaliya, waxaana ka qaybgalay masuuliyiin sarsare oo isugu jira xildhibaanno, wasiiro, ururrro dhaliyaro iyo haween.

5/16/2012 3:08 AM EST
Arbaco, May 16, 2012 (HOL) — Xoogagga Al-shabaab ayaa xalay weerar ku qaaday degmada Garbahaarey ee xarunta gobolka Gedo, halkasoo ay gacanta ku hayaan ciidamada dowlada KMG ah ee Soomaaliya.

5/16/2012 3:07 AM EST
Arbaco, May 16, 2012 (HOL) — Ciidamada Kenya ayaa lagu eedeeyay inay dhac u geysteen suuqa xerada Qoxootiga ee dhagaxley oo ka mid ah xeryaha ku yaalla deegaanka Dhadhaab ee dalka Kenya.