3/28/2024
Today from Hiiraan Online:  _
Wararka Maanta- Arbaco, May 16, 2012
Dhaq-Dhaqaaqyo iyo xiisado dagaal oo maanta ka taagan tuulada Xayo ee duleedka degmada Afmadow

Arbaco, May 16, 2012 (HOL) — Dhaq-dhaqaaqyadaan iyo xiisadahana dagaal ayaa yimid kadib markii Ciidamada huwanta ah ee dowladda KMG, Raaskaambooni iyo Kenyan ay saaka ka soo dhaqaaqeen fariisimihii ay ku lahaayeen deegaanka Qooqaani ee gobolka Jubbada Hoose.

Deegaanka Xayo oo qiyaastii 20km dhanka galbeed kaga beegan degmada Afmadow ayaa waxa gacanta ku hayo xoogagga Al-shabaab, waxaana mudooyinkii u danbeeyay duleedka deegaankaasi ka dhacayay dagaallo u dhexeeya xoogagga Al-shabaab iyo ciidamada huwanta ah.

Xaalada deegaanka Xayo ayaa maanta aad u kacsan, waxaana laga cabsi qabaa in uu halkaasi ka qarxo dagaal sida ay ku soo waramayaan dadka deegaanka.

Warar hoose oo ay HOL ka heshay gobolka Jubada Hoose ayaa sheegay in ciidamada Dowladda iyo kuwa ururka Raaskaambooni oo kaashanaya Militariga Kenya ay qorsheynayaan in ay gacanta ku dhigaan degmada Afmadow oo ay ku xooggan yihiin dagaalyahannada Al-shabaab.

Dhanka kale Masuuliyiinta dowladda KMG iyo kuwa Raaskaambooni ee ku sugan gobolka Jubada Hoose ayaa sheegay in ay gacanta ku dhigeen sargaal katirsan Al-shabaab, kaasoo ay sheegeen in ku qabteen dagaal xooggan oo shalay ka dhacay duleedka deegaanka Qooqaani.

Sarkaal katirsan ciidamada dowladda oo warbaahinta la hadlay ayaa sheegay in ninka la qabtay lagu magacaabo Abshir C/laahi islamarkaasina uu ahaa Sargaal Al-shabaab u qaabilsanaa dhanka dacwada ee gobolka jubada Hoose.

Dhanka Al-shabaab ilaa imika ma jiro wax war ah oo ku saabsan sargaalka ay ciidamada huwanta ah sheegeen in ay ku qabteen dagaal shalay ka dhacay duleedka deegaanka Qooqaani ee gobolka Jubada Hoose.

Xasan Nuur, Hiiraan Online
[email protected]
Kismaayo, Soomaaliya













Click here
5/16/2012 6:51 AM EST
Arbaco, May 16, 2012 (HOL) - Taliyeyaaasha ciidamada milatariga iyo wasiiradda arrimaha gudaha iyo Gaashaandhiga Somaliland, ayaa faah-faahin ka bixiyey qaabka uu dagaalkii shalay ka dhacey Xero Ciidan oo ku taalla bariga magaaladda Hargeysa, gaar aana xaafadda New Hargeys iyo khasaaraha dhimasho iyo dhaawac ee labaddii dhinac ee dagaalamayey soo kala gaadhay.

5/16/2012 6:45 AM EST
Arbaco, May 16, 2012 (HOL) — Askari ka tirsan ciidamada DKMG ah ee Soomaaliya ayaa barqonimadii maanta lagu toogtay gudaha suuqa weyn ee Bakaaraha iyadoo sidoo kale uu iska-horimaad u dhexeeya ciidamada dowladda KMG ah uu ka dhacay maanta degmada Wardhiigley.

5/16/2012 6:37 AM EST
Arbaco, May 16, 2012 (HOL) — Xaaladda ammaanka oo sii xumaaneysa awadeed ayay hay'adda MSF waxay sameysay go’aan adag oo ah inay xirto mashruucyada degmooyinka Dhuusa-mareeb iyo Xiin-dheere kuwaasoo la furay sanadihii 2006-dii iyo 2008-kii.

5/16/2012 6:28 AM EST
Arbaco, May 16, 2012 (HOL) — Wareegto kasoo baxday xafiiska guddoomiyaha gobolka Banaadir ee dowladda KMG ah, Maxamuud Axmed Nuur (Tarsan) ayaa lagu magacaabay afhayeen cusub oo uu yeesho maamulka gobolka Banaadir, kaddib markii xilka laga qaaday afhayeenkii hore.

5/16/2012 6:14 AM EST
Arbaco, May 16, 2012 (HOL) — Ergayga xoghayaha guud ee Qaramada Midoobay u qaabilsan arrimaha Soomaaliya, dajire Augustine Mahiga ayaa ka dalbaday beesha calaamka in la bixiyo tageero dhaqaale oo suuro-gelin kara dhameystirka nidaamka qariidadda nabadda ee looga baxayo xilliga KMG ah ka hor bisha Ogoosto.

5/16/2012 5:52 AM EST
Arbaco, May 16, 2012 (HOL) — Xildhibaan Ibraahim Xabeeb Nuur oo ka mid ahaa guddigii baarlamaanka bariga Afrika ee kormeerayay doorashadii baarlamaanka dalka Al-jeeriya ayaa sheegay in doorashada baarlamaan ee dalkaas ay u dhacday si cad oo cadaalad ah.

5/16/2012 3:36 AM EST
Arbaco, May 16, 2012 (HOL) — Booliiska dalka Kenya ayaa sheegay in hal qof uu ku dhintay, shan qof oo kaelna ay ku dhaawacmeen weerar saddex bambaano oo lagu weeraray xalay hoteel lagu caweeyo oo ku yaalla magaalada Mombassa ee dalka Kenya.

5/16/2012 3:21 AM EST
Arbaco, May 16, 2012 (HOL) — Ku xigeenka xoghayaha arrimaha Afrika ee dalka Mareykanka, Donald Yamamoto oo maanta oo Arbaco ah shir jaraa’id ku qabtay magaalada Minneapolis ee gobolka Minnesota ayaa kaga hadlay dhowr arrimood oo ku saabsan xaaladda Soomaaliya oo ay ka mid tahay waqtiga u harsan dowladda KMG iyo hirgalinta qodobbada qariirada nabadda "Raodmap".

5/16/2012 3:15 AM EST
Arbaco, May 16, 2012 (HOL) — Munaasabadaan oo ay isla soo qaban-qaabiyeen wasaaraada dhalinyarada, isboortiga, shaqada iyo shqaalaha iyo ururka SYL II iyo Ururka dhalinyarda Qaranka NYC ayaa ka dhacday shalay hoolka Madaxtooyada Soomaaliya, waxaana ka qaybgalay masuuliyiin sarsare oo isugu jira xildhibaanno, wasiiro, ururrro dhaliyaro iyo haween.

5/16/2012 3:08 AM EST
Arbaco, May 16, 2012 (HOL) — Xoogagga Al-shabaab ayaa xalay weerar ku qaaday degmada Garbahaarey ee xarunta gobolka Gedo, halkasoo ay gacanta ku hayaan ciidamada dowlada KMG ah ee Soomaaliya.

5/16/2012 3:07 AM EST
Arbaco, May 16, 2012 (HOL) — Ciidamada Kenya ayaa lagu eedeeyay inay dhac u geysteen suuqa xerada Qoxootiga ee dhagaxley oo ka mid ah xeryaha ku yaalla deegaanka Dhadhaab ee dalka Kenya.