3/28/2024
Today from Hiiraan Online:  _
Wararka Maanta- Jimco, Jun 22, 2012
Al-shabaab oo guulo ka sheegatay Dagaal ka dhacay Deegaanka Ceelasha Biyaha sheegtayna inay Gaadiid gubeen

Jimco, June 22, 2012 (HOL) — Xarakada Al-shabaab ayaa guulo ka sheegatay dagaal ka dhacay deegaanka Ceelasha biyaha ee duleedka Muqdisho oo gacanta ay ku hayaan ciidamada dowladda KMG ah iyo kuwa AMISOM.

Guddoomiyaha gobolka Baanadir ee Al-shabaab, Sheekh Maxamed Xasan Cumar (Abuu-Cabdi-raxmaan oo saxaafadda la hadlay ayaa sheegay in dagaalkaas ay ku dileen ciidammo badan oo kuwa dowladda ka tisran.

"Mujaahidiintu waxay weerar gaadmo ah ku qaadeen ciidammo ka tirsan kuwa DKMG ah oo marayay jidka isku xira Muqdisho iyo Afgooye, waxaana qarxay dagaal weyn oo khasaare badan ay kasoo gaartay cadowga," ayuu yiri Sheekh Abuu-C/raxmaan.

Sidoo kale, guddoomiyuhu wuxuu sheegay in dagaalkaas uu ka dhul ballaaran oo ku yaalla deegaanka Ceelasha biyaha, isagoo aan sheegin khasaare dhankooda kasoo gaartay dagaalkaas.

Dowladda KMG ah iyo AMISOM ayaan ka hadlin dagaalkaas ay Al-shabaab guusha ka sheegatay, waxaana sidoo kale ay Al-shabaab sheegatay in dagaalkaas ay ku gubeen gaadiid ay wateen ciidamada dowladda.

Ceelasha biyaha oo ay horay u deggenaayeen dadkii ka barakacay Muqdisho ayaa waxaa gacan ku haynteeeda la wareegay bishii hore ciidamada dowladda KMG ah iyo kuwa AMISOM oo sheegay inay ku adkeynayaan ammaanka Muqdisho.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/22/2012 2:47 PM EST
Jimco, June 22, 2012(HOL): Xaflad si heer sare ah loo soo agaamisay isla markaana lagu caleemo saarayay Caaqilka Beesha Digil iyo Mirifle ee Somaliland Caaqil Cali Maxamed Ibraahim “Cali Iraaqi” ayaa maanta ka dhacday Hall-ka City Center Hotel ee magaalada Hargeysa.

6/22/2012 1:07 PM EST
Jimco, June 22, 2012 (HOL) - Saxiixayaasha Roadmapka oo kala ah, Madaxweynaha Soomaaliya, Shariif Sheekh Axmed, Ra'iisul wasaare C/wali Maxamed Cali Gaas, Gudoomiyaha baarlamaanka Shariif Xassan Sheekh Aadan, Madaxweynaha Puntland C/raxmaan Sheekh Maxamed, Madaxweynaha Galmudug Maxamed Axmed Caalin iyo Wakiilka Ahlu Sunna Sheekh Maxamed Maxamuud Yuusuf ayaa shir ugu dhammaaday magaalada Nairobi.

6/22/2012 8:29 AM EST
Jimco, June 22, 2012(HOL): Magaalada Stockholm ee Caasimadda Dalka Sweden ayaa waxaa xalay lagu qabtay xaflad lagu shaacinayay musharaxnimada madaxweynenimo ee siyaasiga Jaamac Cali Jaamac.

6/22/2012 4:58 AM EST
Jimco, June 22, 2012 (HOL) — War ay Xarakada Al-shabaab soo saartay saacado ka hor ayay ku sheegtay in weerar gaadmo ah oo ka dhacay Ceelasha biyaha ay ku dileen taliyihii ciidamada dowladda KMG ah ee deegaanka Ceelasha biyaha, Afrax Cali Afrax.

6/22/2012 4:58 AM EST
Jimco, June 22, 2012 (HOL) — Madaxweynaha Soomaaliya, Sheekh Shariif Sheekh Axmed ayaa sheegay inuu yahay murashax u taagan xilka madaxnimo ee dalka Soomaaliya, kaddib kulan uu xalay kula yeeshay Nairobi Somaalida halkaas ku nool, isagoo rajo ka muujiyay inuu xilka madaxnimo ee Soomaaliya ku guuleysan karo.

6/22/2012 4:52 AM EST
Jimco, June 22, 2012 (HOL) — Qaar ka mid ah ehellada lamaanayaashii afuubka loogu haystay Soomaaliya muddada labada sano ku dhow ee shalay lasii daayay ayaa sheegay inay bixiyeen lacago madaxfurasho ah.