5/22/2019
Today from Hiiraan Online:  _
Wararka Maanta- Isniin, Jun 11, 2012
Golaha Wasiirada Soomaaliya oo Madaxda-dhaqanka ka dalbaday inay si dhaqso ah u soo gudbiyaan Liiska Ergada Ansixinta Dastuurka


Isniin, June 11, 2012 (HOL) — Golaha wasiirrada DKMG Soomaaliya ayaa kulan ay ku yeesheen maanta magaalada Muqdisho waxay uga dalbadeen odayaasha daqanka inay sida ugu dhaqsiyaha badan kusoo gudbiyaan liiska ergada ansixinta dastuurka.

Kulankan oo aan caadi ahayn uuna shir guddoominayay ra'iisul wasaaraha Somalia, C/weli Maxamed Cali ayaa wuxuu uga warbixiyay golaha wasiirrada safaro uu ku soo maray dalalka Turkiga, Itoobiya, Jabuuti iyo Kenya, isagoo sheegay in madaxdii uu la kulmay oo dhan ay isla garteen in la taageero dowladda Soomaaliya.

"Dowladda Mareykanka waxay DKMG ah ku amaantay hormarka baaxadda leh ee laga sameeyey amniga iyo dhameystirka Roadmap-ka, waxayna ugu baaqay in lasoo afjaro xilliga KMG ah bisha Ogoosto ee sannadkan 2012. waxayna sheegeen inay diyaar u yihiin inay sii labo-laabaan kaalmada ay siiyaan shacabka Soomaaliyeed," ayuu ra'iisul wasaaruhu ka sheegay kulanka maanta ay golaha wasiirradu yeesheen.

Ra’iisul wasaaraha Soomaaliya ayaa golaha wasiirrada ku dhiirri-geliyay inay sida ugu dhaqsiyaha badan loo gudo-galo dhameystirka xilliga KMG ah iyo in la dhaqan-geliyo qorshaha heshiiskii Addis Ababa si loo hubiyo in xilliga KMG ah lasoo afjaro ka hor bisha Ogoosto ee sannadkan.

Intaas kaddib golaha wasiirrada waxay isku raaceen in madax-dhaqameedka ay si deg-deg ah u soo gudbiyaan guddigii xalinta khilaafaadka si ay u soo afjaraan khilaafka yar ee beelaha qaarkood ka dhex-jira.

Sidoo kale, golaha wasiirradu waxay isku raaceen in si deg-deg ah loo magacaabo guddi farsamo ee ka kooban 27 xubnood oo Soomaali ah, laba xubnood oo UNPOS ah iyo toddoba xubnood oo ka socda beesha caalamka si ay goobjoogayaal ah. Sidoo kale goluhu wuxuu isku raacay in madax-dhaqameedka looga baahan yahay inay sida ugu dhaqsiyaha badan u soo gudbiyaan liiska ergada ansaxinta dastuurka oo ka kooban 825 oo ay 30% yihiin dumar yihiin.

Golaha wasiirrada waxay dhageysteen warbixin ku saabsan xaaladda goobihii Al-shabaab laga qabsaday iyo sidii loo hubin lahaa in dadka deegaanadaas ay sameystaan maamul ay soo doorteen, isla markaana ay u sameysan lahaayeen guddi amni iyo sidii ay dib-u-heshiisiin dhab ah u dhex-mari laheyd beelaha deegaannadaas ku nool.

Ugu dambeyn, shirka waxaa laga sheegay in siyaasadda dowladda KMG ah ay tahay in shacabku uu sameysto maamul uu ku kalsoon yahay, si loo hubiyo sidii ay shacabku aaayahooda uga tashan lahaayeen.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/11/2012 12:54 PM EST
Isniin, June 11, 2012(HOL): Munaasabadaan oo ay soo abaabuleen dad ka soo jeeda deeganada uu maamulka Azaaniya ku magacaaban yahay islamarkaasina taageersan oo ka dhacday magaalada Minneapolis ee Gobolka Minnesota, ayaa waxaa goobjoog ka ahaa guud ahaan qeybaha bulshada sida, haween, dhalinyaro, waxgarad, aqoonyahano iyo waliba siyaasiin caan ah oo ka jeedaa dalka Kenya.

6/11/2012 6:46 AM EST
Isniin, June 11, 2012 (HOL) — Ergayga gaarka ah ee Midowga Afrika u qaabilsan arrimaha Soomaalia, Danjire Abuubakar Diarra ayaa dowladda iyo shacabka Kenya uga tacsiyeeyay geeridii wasiirka amaanka gudaha dalkaas, ku xigeenkiisii iyo afar qof oo shalay ay diyaaradi kula dhacday dhuleeka Kenya.

6/11/2012 6:20 AM EST
Isniin, June 11, 2012 (HOL) — Kooxo hubeysan ayaa maanta baqadii waxay xoog ku galeen xarunta shirkadda xawaaladda Jubba Express ee suuqa bakaaraha, halkaasoo ay ka qaateen lacago fara badan sida ay warbaahinta u sheegeen qaar ka mid ah shaqaalaha shirkaddaas.

6/11/2012 5:13 AM EST
Isniin, June 11, 2012 (HOL) — Dabley hubaysan ayaa salaadii hore ee saaka ku toogtay Guddoomiyihii Maxkamadda gobolka Hargeysa Cabdirashiid Maxamuud Duraan xaafadda New Hargeysa ee degmada Gacan-libaax ee Bariga magaaladda Hargeysa.

6/11/2012 3:30 AM EST
Isniin, June 11, 2012 (HOL) — Maamulka Puntland ayaa warsaxaafadeed ay soo saareen ku sheegay inay jiraan kooxo dano gaar ah leh oo doonaya inay leexiyaan qorshaha geeddi-socodka nabadda ee Soomaaliya.

6/11/2012 3:16 AM EST
Isniin, June 11, 2012 (HOL) — Xarakada Al-shabaab ayaa warbixin ay ku daabaceen boggooda Twitter waxay ku sheegeen inay soo dhaweynayaan geeridii wasiirkii amniga Qaranka Kenya, George Saitoti, ku xigeenkiisii iyo afar qof oo kale oo ay ku jireen ilaaladooda oo ku dhintay shil diyaaradeed oo shalay ka dhacay duleedka Nairobi.

6/11/2012 2:58 AM EST
Isniin, June 11, 2012 (HOL) — Ra'iisul wasaaraha Soomaaliya, C/weli Maxamed Cali ayaa sheegay in dhawaan ay bilaabanayaan wadahadallo dhexmara Dowladda KMG ah iyo maamulka Somaliland, taasoo qayb ka ahayd qodobbadii kasoo baxay shirkii horraantii sannadkan lagu qabtay magaalada London ee dalka Britain.

6/11/2012 2:44 AM EST
Isniin, June 11, 2012 (HOL) — Xukuumadda Mareykanka ayaa ku hanjabtay inay ku soo rogayso xayiraaddo ay ka mid yihiin kuwa safarrada iyo dhaqaalaha cid walba oo ka hortimaadda fulinta heshiiska Roadmap-ka, dastuurka cusub iyo weliba in madaxweyne la doorto.