5/23/2019
Today from Hiiraan Online:  _
Wararka Maanta- Isniin, Jun 11, 2012
Ra'iisul Wasaaraha Soomaaliya oo sheegay in dhawaan uu billaabanayo Wadahadal dhexmara DKMG ah iyo Somaliland


Isniin, June 11, 2012 (HOL) — Ra'iisul wasaaraha Soomaaliya, C/weli Maxamed Cali ayaa sheegay in dhawaan ay bilaabanayaan wadahadallo dhexmara Dowladda KMG ah iyo maamulka Somaliland, taasoo qayb ka ahayd qodobbadii kasoo baxay shirkii horraantii sannadkan lagu qabtay magaalada London ee dalka Britain.

Mudane C/weli Gaas ayaa sheegay in si wadahadalka ay sida ugu dhaqsiyaha badan ku billaaban doonaan ayna rajeynayaan inay kasoo baxaan qodobbo ay ku farxaan shacabka Soomaaliyeed.

"Wadahadallo dhexmara DKMG ah iyo Somaliland ayaan rajeynayaan inay dhawaan billlowdaan si ay Soomaaliya dib ugu midowdo, ma sheegi karo hadda goobta lagu qaban doono iyo xilliga la qaban doono, laakiin waxaan caddeyn karaa inay sida ugu dhaqsiya badan ku billaaban doonaan," ayuu yiri ra'iisul wasaaraha Soomaaliya.

Sidoo kale, ra'iisul wasaaruhu oo ka jawaabayay su'aalo ku saabsan howlaha ay qabatay xukuumadda KMG ah muddadii ay jirtay oo ka baxayay telefishinka DKMG ah ayaa wuxuu sheegay inay wax badan ka qabteen ammaanka dalka.

"Markii aan xilka qabanayay dowladda waxay ka talinayay meelo yar oo Muqdisho ka tirsan, waxaana ciidamada ku booqday jidka wadnaha, hadda waxay ka tallaabeen Muqdisho iyagoo gaaray degmada Afgooye, sidoo kale waxay gaareen Afmadow iyo meelo kale oo ay ka mid yihiin: Baydhabo, Xudur, Baladweyne," ayuu yiri C/weli Gaas.

Ra'iisul wasaaraha Soomaaliya wuxuu hoosta ka xariiqay inay ka go'an tahay inay ka saaraan Al-shabaab inta aan la gaarin bisha Ogoosto deegaannada iyo gobollada kale ee ay dalka uga sugan yihiin; si looga gudbiyo buu yiri xilliga KMG ah.

Ugu dambeyn, C/weli Gaas wuxuu sheegay in Soomaaliya ay u gudbayso xilli ay ka taliso dowlad dhameystiran, wuxuuna sheegay in isku-dayga ka bixitaanak KMG-ka uu noqon doono kii ugu horreeyay oo lagu guuleysto.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/11/2012 12:54 PM EST
Isniin, June 11, 2012(HOL): Munaasabadaan oo ay soo abaabuleen dad ka soo jeeda deeganada uu maamulka Azaaniya ku magacaaban yahay islamarkaasina taageersan oo ka dhacday magaalada Minneapolis ee Gobolka Minnesota, ayaa waxaa goobjoog ka ahaa guud ahaan qeybaha bulshada sida, haween, dhalinyaro, waxgarad, aqoonyahano iyo waliba siyaasiin caan ah oo ka jeedaa dalka Kenya.

6/11/2012 7:27 AM EST
Isniin, June 11, 2012 (HOL) — Golaha wasiirrada DKMG Soomaaliya ayaa kulan ay ku yeesheen maanta magaalada Muqdisho waxay uga dalbadeen odayaasha daqanka inay sida ugu dhaqsiyaha badan kusoo gudbiyaan liiska ergada ansixinta dastuurka.

6/11/2012 6:46 AM EST
Isniin, June 11, 2012 (HOL) — Ergayga gaarka ah ee Midowga Afrika u qaabilsan arrimaha Soomaalia, Danjire Abuubakar Diarra ayaa dowladda iyo shacabka Kenya uga tacsiyeeyay geeridii wasiirka amaanka gudaha dalkaas, ku xigeenkiisii iyo afar qof oo shalay ay diyaaradi kula dhacday dhuleeka Kenya.

6/11/2012 6:20 AM EST
Isniin, June 11, 2012 (HOL) — Kooxo hubeysan ayaa maanta baqadii waxay xoog ku galeen xarunta shirkadda xawaaladda Jubba Express ee suuqa bakaaraha, halkaasoo ay ka qaateen lacago fara badan sida ay warbaahinta u sheegeen qaar ka mid ah shaqaalaha shirkaddaas.

6/11/2012 5:13 AM EST
Isniin, June 11, 2012 (HOL) — Dabley hubaysan ayaa salaadii hore ee saaka ku toogtay Guddoomiyihii Maxkamadda gobolka Hargeysa Cabdirashiid Maxamuud Duraan xaafadda New Hargeysa ee degmada Gacan-libaax ee Bariga magaaladda Hargeysa.

6/11/2012 3:30 AM EST
Isniin, June 11, 2012 (HOL) — Maamulka Puntland ayaa warsaxaafadeed ay soo saareen ku sheegay inay jiraan kooxo dano gaar ah leh oo doonaya inay leexiyaan qorshaha geeddi-socodka nabadda ee Soomaaliya.

6/11/2012 3:16 AM EST
Isniin, June 11, 2012 (HOL) — Xarakada Al-shabaab ayaa warbixin ay ku daabaceen boggooda Twitter waxay ku sheegeen inay soo dhaweynayaan geeridii wasiirkii amniga Qaranka Kenya, George Saitoti, ku xigeenkiisii iyo afar qof oo kale oo ay ku jireen ilaaladooda oo ku dhintay shil diyaaradeed oo shalay ka dhacay duleedka Nairobi.

6/11/2012 2:44 AM EST
Isniin, June 11, 2012 (HOL) — Xukuumadda Mareykanka ayaa ku hanjabtay inay ku soo rogayso xayiraaddo ay ka mid yihiin kuwa safarrada iyo dhaqaalaha cid walba oo ka hortimaadda fulinta heshiiska Roadmap-ka, dastuurka cusub iyo weliba in madaxweyne la doorto.