9/21/2017
Today from Hiiraan Online:  _
Wararka Maanta- Khamiis, Dec 15, 2011
MUDANE MADOOBE NUUNOW: "Xilkii laga qaaday Shariif Xasan waxay qayb ka tahay dib u habeynta Baarlamaanka"


Khamiis, December 15, 2011 (HOL) − Xildhibaan Madoobe Nuunow Maxamed oo ay xildhibaannada baarlamaanka qaarkood u doorteen guddoomiye ku meel gaar ah oo ay ku bedeleen afhayeenka baarlamaanka, Shariif Xasan Sheekh Aadan ayaa markii ugu horreysay ka hadlay xil ka qaadista lagu sameeyay Shariif Xasan.

Madoowe-Nuunow.jpgMudane Madoobe Nuunow ayaa sheegay in xil ka qaadista lagu sameeyay Shariif Xasan ay qayb ka tahay heshiiskii Kampala oo qodobbadiisa ay ka mid ahaayeen in dib u habeyn lagu sameeyo baarlamaanka, tanina ay qayb ka tahay dib u habeynta baarlamaanka.

"Howshii aan qabannay ee aan xilka uga qaadnay Shariif Xasan waa qodob ka mid ah heshiiskii Kampala oo dhigayay in dib u habeyn lagu sameeyo baarlamaanka," ayuu yiri xildhibaan Madoobe Nuunow, oo sheegay in dib u habeynta baarlamaanka aysan ahayn in xubno laga dhimo baarlamaanka ama lagu kordhiyo oo keliya.

Guddoomiyaha KMG ah wuxuu intaas ku daray in go'aankii ay gaareen uu sidoo kale qayb ka yahay heshiiskii uu baarlamaaka Soomaaliya gaaray bishii Feberaayo ee sannadkan oo dhigayay in dib u habeyn lagu sameeyo baarlamaanka, isagoo intaa ku daray inay sii wadi doonaan howlaha ay dib ugu habeynayaan baarlamaanka.

"Dib u habeynta baarlamaanka wuxuu sidoo kale saameyn ku yeelanayaan xubnaha baarlamaanka, waana qodob ka mid ah heshiiskii lagu gaaray Kampala," ayuu xildhibaan Madoobe Nuunow ku daray hadalkiisa.

Sidoo kale, wuxuu ugu baaqay Shariif Xasan inuu u hoggaansamo sharciga, haddii kale uu la kulmi doono culeys ka badan mid ka uu hadda la kulmay. isagoo sheegay in Shariif Xasan ay doorteen xildhibaannada baarlamaanka ay iyaguna xilkii mar kale ka qaadeen.

"Waxaan ugu baaqayaa guddoomiyaha baarlamaanka inuu ku qano go'aankii ay gaareen xildhibaannada baarlamaanka Soomaaliya, haddii uu u hanqal-taago kursiga wuxuu la kulmi doonaa culeysyo dhinaca sharciga ah," ayuu hadalkiisa ku daray.

Ma jirto wax hadal ah oo weli kasoo baxay guddoomiyaha la sheegay in xilka laga qaaday, balse madaxweynaha Soomaaliya ayaa sheegay inay baaritaanno ku sameyn doonaan sababta keentay inay xildhibaannadu xilka qaadaan Shariif Xasan.

Dhanka kale, mudanayaasha baarlamaanka ee xilka ka qaaday Shariif Xasan ayaa waxay sheegeen inay sidoo kale shaqadiisii si KMG ah uga joojiyeen guddoomiye ku xigeenka baarlamaanka, iyagoo ku eedeeyay inuu fowdo ka abuuray baarlamaanka.

Maxamed Xaaji Xuseen, Hiiraan Online
[email protected]
Muqdisho, Soomaaliya





Post your comments

12/15/2011 9:31 AM EST
Khamiis, December 15, 2011 Ciyaaryahan Cabdi Nageeye waa wiil Soomaaliyeed oo degan magaalada Nijmegen ee dalka Holland, islamarkaana u orda dalka Holland oradada dhaadheer .

12/15/2011 8:42 AM EST
Khamiis, December 15, 2011 (HOL) − Guddoomiyaha Baarlamaanka Soomaaliya, Shariif Xasan Sheekh Aadan oo ku sugan dalka Talyaaniga ayaa sheegay inaysan jirin wax xil ah oo laga qaaday, isagoo xildhibaannadii xilka ka qaaday ku tilmaamay kuwo kasoo horjeeda Roadmap-ka oo doonaya inay fowdo abuuraan.

12/15/2011 8:24 AM EST
Khamiis, December 15, 2011 (HOL) − Shir ay maanta Muqdisho ku yeesheen golaha wasiirada dowladda Soomaaliya ayaa uuna shir guddoominayay ra’iisul wasaare Dr Cabdiweli Maxamed Cali ayaa looga hadlay qodobbo ay ka mid yihiin xoojinta amniga dalka, gaar ahaana Muqdisho, waxqabadka xukuumada, miisaaniyad-sanadeedka dowladda, shirka wadatashiga ee lagu ka dhici doona Garoowe iyo warbixin halka uu marayo gargaarka barakacayaasha.

12/15/2011 8:19 AM EST
Khamiis, December 15, 2011 (HOL) − Saddex kun iyo shan boqol oo qof oo Qaxooti Itoobiyaan ah ayaa si weyn uga cawday hay’adda UNHCR, taas oo ay ku eedeeyeen inay ka jareen raashin iyo waxyaalihii nolosha u aasaasiga ahaa in lagu noolaado oo ay hore u siin jirtay balse afar sanadood aanay arag caawimadii loogu talogalay qaxotoogin oo ay sheegeen in laga jaray.

12/15/2011 7:15 AM EST
Khamiis, December 15, 2011 (HOL) − Hay'adda samofalka Yardim Eli oo Turki ah ayaa sheegtay inay billowday mashruuc cusub oo loogu magac-daray "Walaaleynta Qoysaska" kaasoo lagu caawinayo qoysaska Soomaaliyeed ee dhibaatada badan soo maray.

12/15/2011 7:09 AM EST
Khamiis, December 15, 2011 (HOL) − Saraakiishii horay uga soo goostay Xarakada Al-shabaab oo ku biiray DKMG ah ee Soomaaliya oo maanta shir jaraa'id ku qabtay x taliskii ciidamada badda Soomaaliya ee Muqdisho oo ay ku xareysan yihiin ayaa iska fogeeyay inay ka dambeeyaan qaraxyada isdaba-joogga ah ee ka dhacaya magaalada Muqdisho.

12/15/2011 5:59 AM EST
Khamiis, December 15, 2011 (HOL) − Shir balaadhan oo lagaga hadlayo nabadgalyada, horumarka, waxbarashada iyo khilaafkii dhaqan ee gobolka Awdal ka jiray ayaa shalay ka furmay Hotel Rays ee magaaladda Boorama.

12/15/2011 5:54 AM EST
Khamiis, December 15, 2011 (HOL) − Dowladda Kenya ayaa ugu baaqday hay’adaha samafalka in ay gargaar biniaadanimo gaarsiiyaan dadka ku dhibaateeysan goobihii ay dhawaan kala wareegeen xoogaga Alshabaab ee gobollada Jubooyinka iyo Gedo.

12/15/2011 5:51 AM EST
Khamiis, December 15, 2011 (HOL) − Maamulka Xarakada Al-shabaab ee magaalada Kismaayo ee xarunta gobbolka jubada hoose ayaa maanta isugu yeeray qeybaha kala duwan ee ganacsatada magaaladaasi, iyadoona ay masuulyiinta sar-sare ee maamulka Al-shabaab ee Kismaayo iyo ganacsatadu ay maanta kulamo ku leeyihiin xarunta maamulka degmada ee Kismaayo.

12/15/2011 5:51 AM EST
Khamiis, December 15, 2011 (HOL) − Raisul wasaare ku xigeenka xukuumadda KMG ah ee Soomaaliya, ahna wasiirka gaashaandhigga, Xuseen Carab Ciise ayaa shir guddoomiyay shir laba maalmood socday oo looga hadlay arrimo la xiriira ammaanka Soomaliya kaasoo ka dhacay magaalada Nairobi ee dalka Kenya labadii.

12/15/2011 5:30 AM EST
Khamiis, December 15, 2011 (HOL) − Wafdi ka socda dawlada ingiriiska ayaa gaaray degmada dolow ee gobolka Gedo, iyadoo wafdigu la kulmay maamulka degmadaas oo uu ugu horreeyo guddoomiyaha Cabdirashiid Janan waxayna kawada hadleen arrimaha gargaarka.

12/15/2011 5:12 AM EST
Khamiis, December 15, 2011 (HOL) − Muhaajiriin Soomaaliyeed oo ay tiradoodu gaarayso 168 dhallinyaro ah, kana kooban 114 rag ah iyo 54 dumar ah, ayaa shalay laga sii daayay Xabsiga weyn ee ku yaalla Magaalada Tripoli ee dalka Libya.

12/15/2011 2:01 AM EST
Khamiis, December 15, 2011 (HOL) − Ciidamada dalka Kenya ayaa waxay labadii maalmood ee ugu dambeeyay saxafiyiin ka socda hay'ado warbaahineed geynaysay deegaannada ay kaga sugan yihiin ciidamadooda iyo kuwa dowladda KMG ah koonfurta gobolka Jubbada hoose.

12/15/2011 1:51 AM EST
Khamiis, December 15, 2011 (HOL) − Arbaca, December 14, 2011 (HOL)-Xisbiga Mucaaradka ah ee UDUB ayaa u mudeeyey dadka hunguri ka hayo inay isku soo sharaxaan Madaxweynaha iyo Madaxweyne ku xigeenka xisbigaasi inay ku keenaan araajidooda ay ku codsanayaan inay jagooyinkaasi u tartamayaan.

12/15/2011 1:46 AM EST
Khamiis, December 15, 2011 (HOL) − Carwo Ganacsi balaadhan oo Caalami ah ayaa maalinta sabtida ee soo socota laga furi doonaa Somaliland, gaar ahaan magaaladda Hargeysa, sida ay shaaciyeen guddida qabanqaabadda carwadan.

12/15/2011 1:41 AM EST
Khamiis, December 15, 2011 (HOL) − Barakacayaasha ku jira kaamamka Muqdisho qaarkood ayaa waxay sheegeen in muddo bil ah aysan helin wax gargaar ah iyagoo sheegay inay lasoo gudboonaadeen culeysyo dhinaca nolosha ah.