Sabti, April 24, 2010 (HOL) Ugu yaraan laba askari ayaa ku dhintay mid kalena wuu ku dhaawacmay qarax miino oo ciidamo ka tirsan Dowladda Soomaaliya lagula beegsaday maanta agagaarka Isgoyska Ex-koontarool Afgooye ee Muqdisho.
Askarta dhintay iyo kuwa midka dhaawacmay ayaa waxay ka mid ahaayeen ciidamo saldhig ku leh jidka warshadaha, waxaana qaraxaas mas'uuliyaddiisa sheegatay Xarrakatul Shabaabul Mujaahidiin.
Sarkaal ka tirsan Dowladda Soomaaliya oo sheegay in lala beegsaday qaraxaas oo ka badbaaday ayaa sheegay in miinada qaraxa sameysay la geliyay jidka dhiniciisa, lana doonayay in lagu dilo isaga.
"Qaraxa waxaa lagu dilay laba askari, mid kalena waa lagu dhaawacay, ma jirto cid kale oo ay waxyeello kasoo gaartay" ayuu yiri Max'ed Qatatow oo ah taliyaha lala beegsaday qaraxa, iyadoo saraakiil u hadlay Xarrakatul Shabaab ay sheegeen inay qaraxa ku dileen saraakiil ka tirsan Dowladda Soomaaliya.
Halka uu qaraxu ka dhacay ayaa waxaa ku dhow laba saldhig oo ay ciidamada Dowladdu leeyihiin kuwaasoo furay markii uu qaraxu dhacay rasaas badan, balse aan geysan khasaare, iyadoo kooxihii fuliyay weerarka ay baxsadeen.
Dhanka kale, dagaal kooban oo ku dhexmaray degmada Dharkeynley ee Muqdisho ciidamo Madani ah iyo kooxo hubeysan ayaa sababay dhimashada ugu yaraan hal qof oo ahayd haweeney, waxaana ku dhaawacmay hal qof.
Maxamed Xaaji Xuseen, Hiiraan Online
[email protected]
Muqdisho, Soomaaliya
Qarax lagu weeraray ciidamo ka tirsan Dowladda Soomaaliya oo sababay dhimasho iyo dhaawac
More News
- Soomaaliya oo usoo baxday wareega 2-aad ee CAF U 17
- Ciidamada Amaanka Deegaanka Saakow oo gacanta ku dhigay Nin ku eedeysnaa in uu geystay Fal Dil ah.
- Kooxda Kubadda Cagta Soomaaliyeed ee da'doodu ka yartay 17 oo u gudbay wareega labaad
- Maamulka Al-shabaab ee Goballka Hiiraan oo sheegay in uu isku soo dhiibay mid ka mid ah gadiidka dagaallka Xoogagga Ahlu Sunna Waljameeca.
- Ciidamada AMISOM oo saldhig ka sameystay Bankigii Ganacsiga Muqdisho iyo Hotel Curuba oo laga saaray dad barakayaal ah
- SHEEKH AADAN MADOOBE: "Waxaan ahayn guddoomiyaha sharciga ah ee Baarlamaanka Soomaaliya, mana jirto sabab igu kalifaysa inaan iscasilo"
- Taliska Boliska Puntland oo Sheegay in Maxkamada La soo Taagayo Ragg loo Haysto Falal argagaxiso.
- Saraakiisha Culima'udiinka Ahlu Sunna Waljamee ka hadashay is balaarinta A-shabaab ee Goballka Galgaduud.
- Baarlamaanka dalka Musambiik oo ka codsaday dowladdooda inay ciidamo nabad ilaalin ah u dirto dalka Soomaaliya
- Wasiirka Maaliyadda Soomaaliya Shariif Xasan oo lagu eedeeyay inuu mas'uul ka yahay khilaafka u dhexeeya Xildhibaannada Baarlamaanka
- Guddiga Dabagalka Xuquuqda Aadanaha ee Sharmoc oo cambaareeyay falalkii lagu dilay shaqaale dayactir ka yahay Baarlamaanka Soomaaliya