Khamiis, July, 12, 2018 (HOL) – Wararka ka imanaya gobolka Jubbada Dhexe
ayaa sheegaya in diyaarado dagaal duqeeyeen saldhig ururka Al-shabaab ay ku
leeyihiin Tuulada Xasan Kuusow oo ka tirsan gobolkaasi.
Tuulada Xasan Kuusow oo Duqeyntan ay si gaar ah
uga dhacday ayaa waxa ay u dhaxeysaa Deegaanada Jawaari iyo Raaxoole oo Jubbada
Dhexe ka tirsan.
Warar soo baxaya ayaa sheegaya duqeyntan oo
dhacday xalay 03:00 habeenimo in lala beegsaday saldhig Shabaab ay ku
tababaraan caruurta yaryar.
Goobjoogayaal ayaa warbaahinta gudaha u sheegay in duqeyntan fuliyeen
Diyaaradaha dagaalka oo loo maleynayo in laga leeyahay dalka Keny, waxaaa ayna
tilmaameen in ay maqleen dhawaqa ilaa 9 Gantaal oo lala eegtay Saldhigga.
Saraakiisha ciidamada xoogga dalka ayaa waxa ay sheegeen in duqeyntan lagu
dilay ilaa Sideed dagaalyahan oo ka tirsan Shabaab, sidoo kalena looga gubay
laba gaari oo midi uu ahaa gaadiid dagaal.
Al-shabaab oo dhinacooda ka hadlay duqeyntan ayaa waxa ay sheegeen inaanay
jirin khasaare ka dhashay Duqeyntan oo dhankooda ama shacab soo gaaray.
C/raxmaan
Diini, Hiiraan Online
[email protected]
