2/28/2024
Today from Hiiraan Online:  _
Wararka Maanta- Khamiis, Nov 16, 2023
Madaxweynaha iyo mucaaradka Somaliland oo ka shiray difaaca Somaliland iyo doorashooyinka
 

Khamiis, November, 16, 2023 (HOL) - Madaxweynaha Somaliland Muuse Biixi Cabdi iyo madaxda sare ee xisbiga mucaaradka ah ee Waddani, ayaa ka wadahadlay sidii si wada jira Somaliland loogu difaaci lahaa, iyo in la dardar galiyo geedi socodka doorashooyinka.

Kulanka oo madaxtooyada ku dhexmaray madaxweynaha iyo Musharaxa Madaxweynaha Xisbiga Waddani Cabdiraxmaan Maxamed Cabdillaahi Cirro, ayaa ugu horayn layskula soo qaaday u midoobida difaaca Somaliland.

"Waxaa kulanka la iskaga xog waraystay guud ahaan xaaladda dalka, waxaana la isla qaaday in loo midoobo difaaca qaranka, mudnaantana la siiyo midnimada iyo danaha dalka Jamhuuriyadda Somaliland" ayaa lagu yidhi warsaxaafadeed kasoo baxday madaxtooyada.

Waxa sidoo kale laga wada hadlay doorashooyinka ku soo foolka leh Somaliland, waxaana la isla qaatay in Komishanka Doorashooyinka looga dambeeyo arrimaha khuseeya doorashooyinka.

Musharax Cirro oo isna kulanka ka warbixiyay ayaa yidhi "Kulan aan maanta wada yeelannay Madaxweynaha Jamhuuriyadda Somaliland waxa aannu iska wareysannay xaaladda guud ee dalka ee dhinacyada nabadgelyada, xasilloonida, midnimada shacabka, taaba-gelinta hannaankii doorashooyinka isku sidkanaa ee lagu heshiiyey iyo dhammaystirka xeerarka barlamaanku gacanta ku hayo".

Kulanka ayaa waxa kale oo ka qaybgalay madaxda sare ee xisbiga Kulmiye, wasiiro iyo sarkaal kale oo ka socday xisbiga Waddani.












Click here
11/16/2023 9:01 AM EST
Khamiis, November, 16, 2023 (HOL) - Xulka kubadda Cagta ee Qaranka Soomaaliya ayaa Caawa 07:00 Fiidnimo la ciyaari doona Xulka qaranka dalka Algeria kulan ka tirsan isreeb reebka Qaaradda Afrika ee koobka Kubada Cagta Adduunka sanadka 2026.

11/16/2023 8:30 AM EST
Khamiis, November, 16, 2023 (HOL) - Hay’adda ka hortagga masiibooyinka qaranka ee SOMDA ayaa qeylo dhaan xooggan ka soo saartay khatarta roobabka mahiigaanka ah ee lagu wado in ay ka da’aan gobollada dalka toddobaadka soo socda, sida ay muujinayso saadaasha hawada ee ugu dambeysay.

11/16/2023 8:19 AM EST
Khamiis, November, 16, 2023 (HOL) - 24-kii saacadood ee lasoo dhaafay waxaa kor u sii kacay heerka biyaha wabiga Shabeelle ee ku fatahay biloowgii todobaadkaan dhamaan xaafadaha magaalada Baledweyne.

11/16/2023 4:07 AM EST
Khamiis, November, 16, 2023 (HOL) - Golaha Ammaanka ee QM ayaa ansixiyey qaraar lagu kordhinayo oggolaanshaha Hawlgalka Ku-meel-gaarka ah ee Midowga Afrika ee Soomaaliya (ATMIS) muddo lix bilood ah oo ah illaa 30-ka June, 2024-ka.

11/16/2023 1:45 AM EST
Khamiis, November, 16, 2023 (HOL) - Ra’iisul Wasaare Ku-xigeenka Soomaaliya Saalax Axmed Jaamac, ayaa guddoomiyay shirka guddiga heer Qaran ee gurmadka dadka ay saameeyeen daadadka ka dhashay roobabka deyrta ee ka da’aya dalka.

11/16/2023 12:43 AM EST
Khamiis, November, 16, 2023 (HOL) - Dowladdaha Soomaaliya iyo Burundi ayaa si wadajir ah usoo saaray war murtiyeed ka kooban 16 qodob, kadib safar shaqo oo uu madaxweyne Xasan Sheekh Maxamuud ku tagay dalkaas.