2/28/2024
Today from Hiiraan Online:  _
Wararka Maanta- Khamiis, Nov 16, 2023
SOMDA oo qeylo dhaan deg deg ah kasoo saartay Roobab mahiigaan ah oo la filayo
 

Khamiis, November, 16, 2023 (HOL) - Hay’adda ka hortagga masiibooyinka qaranka ee SOMDA ayaa qeylo dhaan xooggan ka soo saartay khatarta roobabka mahiigaanka ah ee lagu wado in ay ka da’aan gobollada dalka toddobaadka soo socda, sida ay muujinayso saadaasha hawada ee ugu dambeysay.

War-saxaafadeed rasmi ah oo ay SOMDA soo saartay ayaa lagu yidhi, “Todobada maalmood ee soo socda ee toddobaadka saddexaad ee bisha November 2023, saadaasha roobabka dayrta waxa ay muujinaysaa in roobab mahiigaan ahi ay ka da’i doonaan gobollada dalka oo dhan.

SOMDA waxa ay gobollada Gedo iyo Awdal ku tilmaantay meelaha ay u badan tahay in ay ka da'ayaan roobab laxaad leh, iyada oo saadaashana ay u dhaxayso 150-200 mm.

Gobolada Bay, Bakool, Hiiraan, Sool, Nugaal, Waqooyi Galbeed, Mudug, Galgaduud, Shabeellaha Dhexe, Shabeellaha Hoose, Jubbada Dhexe, iyo Banaadir ayaa la filayaa inay ka da'aan roobab u dhexeeya 30 ilaa 80 mm.

Qeylo dhaantaan ayaa kusoo aaday, iyadoo dowladda Soomaaliya ay walaac xooggan ka muujisay khasaaraha ay geysteen daadadka iyo fatahaadaha ka dhashay roobabka da'ay.

Illaa iyo hadda 42 qof ayaa la xaqiijiyay inay ku geeriyoodeen khasaaraha roobka ka dhashay, sidoo kale in ka badan hal milyan ayay saameeyeen waxyeelada ka dhalatay roobabku.













Click here
11/16/2023 9:57 AM EST
Khamiis, November, 16, 2023 (HOL) - Madaxweynaha Somaliland Muuse Biixi Cabdi iyo madaxda sare ee xisbiga mucaaradka ah ee Waddani, ayaa ka wadahadlay sidii si wada jira Somaliland loogu difaaci lahaa, iyo in la dardar galiyo geedi socodka doorashooyinka.

11/16/2023 9:01 AM EST
Khamiis, November, 16, 2023 (HOL) - Xulka kubadda Cagta ee Qaranka Soomaaliya ayaa Caawa 07:00 Fiidnimo la ciyaari doona Xulka qaranka dalka Algeria kulan ka tirsan isreeb reebka Qaaradda Afrika ee koobka Kubada Cagta Adduunka sanadka 2026.

11/16/2023 8:19 AM EST
Khamiis, November, 16, 2023 (HOL) - 24-kii saacadood ee lasoo dhaafay waxaa kor u sii kacay heerka biyaha wabiga Shabeelle ee ku fatahay biloowgii todobaadkaan dhamaan xaafadaha magaalada Baledweyne.

11/16/2023 4:07 AM EST
Khamiis, November, 16, 2023 (HOL) - Golaha Ammaanka ee QM ayaa ansixiyey qaraar lagu kordhinayo oggolaanshaha Hawlgalka Ku-meel-gaarka ah ee Midowga Afrika ee Soomaaliya (ATMIS) muddo lix bilood ah oo ah illaa 30-ka June, 2024-ka.

11/16/2023 1:45 AM EST
Khamiis, November, 16, 2023 (HOL) - Ra’iisul Wasaare Ku-xigeenka Soomaaliya Saalax Axmed Jaamac, ayaa guddoomiyay shirka guddiga heer Qaran ee gurmadka dadka ay saameeyeen daadadka ka dhashay roobabka deyrta ee ka da’aya dalka.

11/16/2023 12:43 AM EST
Khamiis, November, 16, 2023 (HOL) - Dowladdaha Soomaaliya iyo Burundi ayaa si wadajir ah usoo saaray war murtiyeed ka kooban 16 qodob, kadib safar shaqo oo uu madaxweyne Xasan Sheekh Maxamuud ku tagay dalkaas.