2/28/2024
Today from Hiiraan Online:  _
Wararka Maanta- Khamiis, Nov 16, 2023
Dowladda Soomaaliya oo sheegtay in aanay kaligeed ku filnayn gurmadka daadadka ka dhashay roobabka
 

Khamiis, November, 16, 2023 (HOL) - Ra’iisul Wasaare Ku-xigeenka Soomaaliya Saalax Axmed Jaamac, ayaa guddoomiyay shirka guddiga heer Qaran ee gurmadka dadka ay saameeyeen daadadka ka dhashay roobabka deyrta ee ka da’aya dalka.

Ra’iisul Wasaare ku-xigeenka, ayaa sheegay muhiimadda ay leedahay in la mideeyo dedaallada socda ee gurmadka ah, isagoo sheegay in Xukuumadda ay dedaal ballaaran ugu jirto sidii gargaar loola gaari lahaa dadka roobabku ay saameeyeen.

Guddigan oo ay qeyb ka yihiin, Golaha Wasiirrada, Hay’adda SoDMA, bulshada rayidka ah iyo culimada, ayaa waxaa la isku raacay in la qabto shir-weyne bulshada Soomaaliyeed lagula wadaagayo baaxadda dhibaatada ay roobabku geysteen.

Raysal wasaare ku xigeenka, ayaa ugu baaqay dadka Soomaaliyeed ee deggan meelaha togagga ah ee webiyada u dhaw in ay taxadaraan, maadaama ay saadaashu tilmaamayso in roobab kale la filayo.

Dhinaca kale, wasiir u dowlaha caafimaadka ee dowladda Soomaaliya, Maryan Maxamed Duuliye oo katirsan guddigan ayaa sheegtay, dhibaatada ugu badan inay ka taagan yihiin degaanada Jubbaland iyo Koonfur Galbeed.

Waxay sheegtay in Doon mooyee aan gaadiid kale gudaha u gali karin degaanada ay ka dhaceen daadadka fatahaada.

Wasiir udowluhu waxay sheegtay, dowladda kaliya in aanay ku filnayn wax ka qabashada musiibada ka dhalatay daadad roobabka dalka, waxayna shacabka ugu baaqday inay qaataan kaalintooda gurmadka.












Click here
11/16/2023 9:57 AM EST
Khamiis, November, 16, 2023 (HOL) - Madaxweynaha Somaliland Muuse Biixi Cabdi iyo madaxda sare ee xisbiga mucaaradka ah ee Waddani, ayaa ka wadahadlay sidii si wada jira Somaliland loogu difaaci lahaa, iyo in la dardar galiyo geedi socodka doorashooyinka.

11/16/2023 9:01 AM EST
Khamiis, November, 16, 2023 (HOL) - Xulka kubadda Cagta ee Qaranka Soomaaliya ayaa Caawa 07:00 Fiidnimo la ciyaari doona Xulka qaranka dalka Algeria kulan ka tirsan isreeb reebka Qaaradda Afrika ee koobka Kubada Cagta Adduunka sanadka 2026.

11/16/2023 8:30 AM EST
Khamiis, November, 16, 2023 (HOL) - Hay’adda ka hortagga masiibooyinka qaranka ee SOMDA ayaa qeylo dhaan xooggan ka soo saartay khatarta roobabka mahiigaanka ah ee lagu wado in ay ka da’aan gobollada dalka toddobaadka soo socda, sida ay muujinayso saadaasha hawada ee ugu dambeysay.

11/16/2023 8:19 AM EST
Khamiis, November, 16, 2023 (HOL) - 24-kii saacadood ee lasoo dhaafay waxaa kor u sii kacay heerka biyaha wabiga Shabeelle ee ku fatahay biloowgii todobaadkaan dhamaan xaafadaha magaalada Baledweyne.

11/16/2023 4:07 AM EST
Khamiis, November, 16, 2023 (HOL) - Golaha Ammaanka ee QM ayaa ansixiyey qaraar lagu kordhinayo oggolaanshaha Hawlgalka Ku-meel-gaarka ah ee Midowga Afrika ee Soomaaliya (ATMIS) muddo lix bilood ah oo ah illaa 30-ka June, 2024-ka.

11/16/2023 12:43 AM EST
Khamiis, November, 16, 2023 (HOL) - Dowladdaha Soomaaliya iyo Burundi ayaa si wadajir ah usoo saaray war murtiyeed ka kooban 16 qodob, kadib safar shaqo oo uu madaxweyne Xasan Sheekh Maxamuud ku tagay dalkaas.