2/28/2024
Today from Hiiraan Online:  _
Wararka Maanta- Arbaco, Nov 15, 2023
Madaxweyne Xasan Sheekh iyo Wafdi uu hoggaaminaayo oo gaaray dalka Burundi
 

Arbaco, November, 15, 2023 (HOL) - Madaxweynaha dowadda Federaalka Soomaaliya Xasan Sheekh Maxamuud ayaa maanta safar shaqo ku tagay dalka Burundi, halkaas oo uu kulamo kula qaadanayo dhigiisa dalka Burundi Évariste Ndayishimiye.

Madaxweyne Xasan Sheekh iyo wafdi uu hoggaaminaayay ayaa si weyn loogu soo dhaweeyey qasriga Madaxtooyada dalka Burundi.

Ujeedka safarka madaxweynaha Soomaaliya uu ku tagay dalka Burundi ayaa lagu sheegay iney la xariirto sidii loo xoojin lahaa iskaashiga iyo abaabulka dagaalka ka dhanka kooxda Al-shabaab, maadaama dalka Burundi uu ka mid yahay dalalka ciidamada ka joogaan Soomaaliya.

Madaxweyne Xasan Sheekh ayaa sidoo kale la tilmaamay inuu dhigiisa dalka Burundi oo ah guddoomiyaha dalladda Bulshada Bariga Afrika (EAC) inuu kala hadli doono arrimo la xariira dadajinta ku biirista daladan ee Soomaaliya.

"Madaxweyne Xasan Xasan Sheekh ayaa kala hadlaya dhiggiisa dalka Burundi Mudane Évariste Ndayishimiye oo ah guddoomiyaha dalladda Bulshada Bariga Afrika (EAC) sidii loo dadajin lahaa dhameystirka galka Jamhuuriyadda Federaalka Soomaaliya ee ku aaddan ku biirista dalladdan oo fursad u noqonaysa ganacsiga iyo isu-socodka dadka Soomaaliyeed" ayaa lagu yiri war kasoo baxay Madaxtooyada Soomaaliya.

Gabagabadii dowladda Soomaaliya ayaa mudo badan dadaal ugu jirta sidii ay Soomaaliya uga mid noqon laheyd dalladda Bulshada Bariga Afrika (EAC), taasoo fursad weyn ka heli doonaan ganacsatada Soomaaliyeed.












Click here
11/15/2023 11:08 AM EST
Arbaco, November, 15, 2023 (HOL) - Wasiirkii Maalgashiga Somaliland ee uu madaxweynuhu shalay xilka ka qaaday Cabdi Cismaan Dhagawayne, ayaa sheegay in uu ku faraxsanyahay in xilka laga qaado xili uu ku hawlana wax ka qabashada tabashooyinka reer Awdal.

11/15/2023 8:57 AM EST
Arbaco, November, 15, 2023 (HOL) - Wabiga Shabeelle ayaa maanta ku fatahay qeybo ka mid xaafadaha degmada Buulaburte ee gobolka Hiiraan.

11/15/2023 8:11 AM EST
Arbaco, November, 15, 2023 (HOL) - Madaxweynaha dalka Kenya, William Ruto ayaa sagootiyay danjirihii dowladda Soomaaliya u fadhiya dalka Kenya Maxamuud Nuur Tarsan, wuxuuna uga mahadceliyey howlihii uu u soo qabtay.

11/15/2023 7:11 AM EST
Arbaco, November, 15, 2023 (HOL) - Ra'iisal wasaaraha Itoobiya Abiyi Axmed ayaa mar uu la hadlayay baarlamaanka dalkiisa waxa uu ka hadlay arrimaha badda cas iyo sida ay Itoobiya ugu baahan tahay inay hesho bad, waxa uu sheegay Abiyi Axmed in uu dalkiisu marnaba uusan dagaal qaadayn si uu bad u helo, balse qaab sharciga waafaqsan uu ku raadsanayo badda.

11/15/2023 3:56 AM EST
Arbaco, November, 15, 2023 (HOL) - Baarlamaanka maamulka Puntland ayaa lagu wadaa inuu isniinta todobaadka soo socda oo ku beegan 20-ka November, meel mariyo xeerka wax beddelka doorashooyinka, xeerkaas oo uu soo saaray guddiga doorashooyinka.

11/15/2023 3:36 AM EST
Arbaco, November, 15, 2023 (HOL) - Madaxweynihii hore ee Puntland, Cabdiweli Maxamed Cali Gaas ayaa ka digay saamaynta ka dhalan karta ismariwaaga u dhaxeeya madaxweyne Deni iyo kooxaha mucaaradka.

11/15/2023 3:22 AM EST
Arbaco, November, 15, 2023 (HOL) - Waxa sii kordhaya tirada dadka ku geeriyooday fatahaada Wabiga Shabeelle uu ka geystay xaadafaha magaalada Baledweyne ee xarunta gobolka Hiiraan.