2/28/2024
Today from Hiiraan Online:  _
Wararka Maanta- Arbaco, Nov 15, 2023
Baarlamaanka Puntland oo mar kale qaadaya tallaabo mucaaradka Puntland ka caraysiin karta

Arbaco, November, 15, 2023 (HOL) - Baarlamaanka maamulka Puntland ayaa lagu wadaa inuu isniinta todobaadka soo socda oo ku beegan 20-ka November, meel mariyo xeerka wax beddelka doorashooyinka, xeerkaas oo uu soo saaray guddiga doorashooyinka.

Shalay ayaa baarlamaanka loo gudbiyay xeerkan, kaasoo sheegaya in doorashada waqtigeeda laga dhigo dhammaadka bisha febraayo, laguna qabto hab ay madaxweynaha iyo baarlamaanku dooranayaan shacabka Puntland.

Golaha musharraxiinta ayaa horey ugaga digay baarlamaanku inuu qaado tallaabo mar kale horseedi karta xasilooni darro amni, iyagoo sheegay in lagula xisaabtami doono ka shaqaynta damac siyaasadeed ee Deni, sida ay sheegeen.

Labaatankii bishii June ee sanadkan ayay ahayd markii in ka badan 30 qof ay ku geeriyoodeen magaalada Garowe, ka dib qalalaase ka dhashay go’aan uu baarlamaanku ku meel mariyay oo ah in la furo dastuurka oo wax laga bedelo qodobo.

Mucaaradka ayaa hadda mar kale ka digaya inuu baarlamaanku mar kale qaado tallaabo mugdi galin karta doorashada siddeeda January 2024.












Click here
11/15/2023 11:08 AM EST
Arbaco, November, 15, 2023 (HOL) - Wasiirkii Maalgashiga Somaliland ee uu madaxweynuhu shalay xilka ka qaaday Cabdi Cismaan Dhagawayne, ayaa sheegay in uu ku faraxsanyahay in xilka laga qaado xili uu ku hawlana wax ka qabashada tabashooyinka reer Awdal.

11/15/2023 9:56 AM EST
Arbaco, November, 15, 2023 (HOL) - Madaxweynaha dowadda Federaalka Soomaaliya Xasan Sheekh Maxamuud ayaa maanta safar shaqo ku tagay dalka Burundi, halkaas oo uu kulamo kula qaadanayo dhigiisa dalka Burundi Évariste Ndayishimiye.

11/15/2023 8:57 AM EST
Arbaco, November, 15, 2023 (HOL) - Wabiga Shabeelle ayaa maanta ku fatahay qeybo ka mid xaafadaha degmada Buulaburte ee gobolka Hiiraan.

11/15/2023 8:11 AM EST
Arbaco, November, 15, 2023 (HOL) - Madaxweynaha dalka Kenya, William Ruto ayaa sagootiyay danjirihii dowladda Soomaaliya u fadhiya dalka Kenya Maxamuud Nuur Tarsan, wuxuuna uga mahadceliyey howlihii uu u soo qabtay.

11/15/2023 7:11 AM EST
Arbaco, November, 15, 2023 (HOL) - Ra'iisal wasaaraha Itoobiya Abiyi Axmed ayaa mar uu la hadlayay baarlamaanka dalkiisa waxa uu ka hadlay arrimaha badda cas iyo sida ay Itoobiya ugu baahan tahay inay hesho bad, waxa uu sheegay Abiyi Axmed in uu dalkiisu marnaba uusan dagaal qaadayn si uu bad u helo, balse qaab sharciga waafaqsan uu ku raadsanayo badda.

11/15/2023 3:36 AM EST
Arbaco, November, 15, 2023 (HOL) - Madaxweynihii hore ee Puntland, Cabdiweli Maxamed Cali Gaas ayaa ka digay saamaynta ka dhalan karta ismariwaaga u dhaxeeya madaxweyne Deni iyo kooxaha mucaaradka.

11/15/2023 3:22 AM EST
Arbaco, November, 15, 2023 (HOL) - Waxa sii kordhaya tirada dadka ku geeriyooday fatahaada Wabiga Shabeelle uu ka geystay xaadafaha magaalada Baledweyne ee xarunta gobolka Hiiraan.