3/29/2024
Today from Hiiraan Online:  _
Wararka Maanta- Jimco, Sept 16, 2022
Duqii hore ee Garowe oo sharci darro ku tilmaamay kala dirista golaha deegaanka Garowe
 

Jimco, September, 16, 2022 (HOL) - Duqii hore ee degmada Garowe Axmed Barre ayaa sharci darro ku tilmaamay go'aankii madaxweynaha Puntland uu ku kala diray golaha deegaanka ee Garowe, inkastoo uu aqbalay xil ka qaadistiisii.

Qoraal uu bartiisa facebooga soo dhigay ayuu wax lala yaabo ku tilmaamay in madaxweyne Deni uu ku takrifal hantiyeed ku eedeeyo. Wuxuu sheegay in madaxweynaha Puntland isagu uu masuul ka yahay duruufaha Puntland haatan ka jira.

"Ma hamiyeyn, mana fileyn waana la yaabay in Madaxweyne Deni uu cid kale Ku takrifal hantiyeed ku eedeeyo iyadoo la ogyahay duruufaha Puntland ka jira iyo cidda gayeysiiyey. Xog badan oo jirta gadaal baan u dhigtay, waxaan idinla wadaagi doonaa xilliga ay ku haboonaato," ayuu yiri duqa xilka wareejinaya.

Axmed Barre wuxuu sheegay dhammaan qodobada ku qoran warqadda kala dirista golaha deegaanka ee Garoowe in si qaldan loo isticmaalay, " ayuu yiri.

Xalay ahayd markii madaxweynaha uu kala diray golaha deegaanka ee degmada Garowe isagoo guddoomiye cusub u magacaabay. Sidoo kale madaxweyne Deni ayaa sidoo kale guddoomiyayaal u magacaabay degmooyinka Bosaso iyo Gaalkacyo.

Madaxweyne Deni ayaa lagu eedeeyay in kala dirista golaha deegaanka Garowe uusan u marin hannaan sharci ah oo waafaqsan xeerka golayaasha deegaanka, kaasoo qeexaya siyaabaha lagu kala diri karo golaha deegaanka ee degmada Garowe.

Halkaan hoose ka akhriso xeerka sida uu dhigayo xeerka golaha deegaanka.













Click here
9/16/2022 8:44 AM EST
Jimco, September, 16, 2022 (HOL) - Madaxweyanaha Somaliland Muuse Biixi Cabdi, oo la hadlayay shacabka Oodwayne, ayaa sheegay in uu diyaar u yahay in uu qabto doorashada madaxtooyada wakhtiga ugu horeeya ee ay suuragasho.

9/16/2022 8:31 AM EST
Jimco, September, 16, 2022 (HOL) - Guddoomiyaha Xisbiga mucaaradka Somaliland ee UCID Faysal Cali Waraabe, ayaa madaxweynaha Soomaaliya ku eedeeyay in uu ka shaqaynayo burburinta xidhiidhka bilawga ah ee Somaliland iyo Maraykanka.

9/16/2022 8:23 AM EST
Jimco, September, 16, 2022 (HOL) - Dowladda Mareykanka ayaa bogaadisay dadaallada uu Madaxweyne Xasan Sheekh Maxamuud ku galay dagaalka ka dhanka ah kooxda Alshabaab. Waxayna ballan qaaday in ay sii wadayaan taageerada ay ku xaqiijinayaan nabadda iyo xasilloonida dalka Geeska Afrika..

9/16/2022 3:31 AM EST
Jimco, September, 16, 2022 (HOL) - Dowladda Soomaaliya ayaa ugu baaqday Al-Shabaab in ay isku soo dhiibaan ciidamada ammaanka si looga fogaado in la dilo, waxayna dowladdu wacad ku martay in ay kordhin doonto weerarada ka dhanka ah Alshabaab.

9/16/2022 3:28 AM EST
Jimco, September, 16, 2022 (HOL) - Wasiirka Batroolka iyo Macdanta ee Jamhuuriyadda Federaalka Soomaaliya, Cabdirisaaq Maxamed Cumar, ayaa si rasmi ah uga qeyb galaya toddobaadka saliidda Afrika ee 2022 3-7 October, kaasoo ka dhacaya bartamaha magaalada Cape Town ee dalka Koonfur Afrika.

9/16/2022 2:41 AM EST
Jimco, September, 16, 2022 (HOL) - Madaxweynaha dowladda Soomaaliya Xasan Sheekh Maxamuud ayaa kulan kula qaatay magaalada Washington, xoghayaha difaaca dalka Maraykanka, Lloyd James Austin.

9/16/2022 2:38 AM EST
Jimco, September, 16, 2022 (HOL) - Kornayl David Peddle oo ah sarkaal howlgab ah oo horay uga tirsanaan jiray ciidamada milateriga ee dalalka Koonfur Afrika iyo Ingiriiska ayaa xaqiijiyay in kooxda Al Shabaab ay si aad ah u adeegsadaan diyaaradaha aan duuliyaha lahayn ee loo yaqaanno Drones.

9/16/2022 2:37 AM EST
Jimco, September, 16, 2022 (HOL) - Xisbiga mucaaradka Somaliland ee Waddani ayaa sheegay in ay iska diwaangalinayaan xarunta Guddida Diwaangalinta Urrurada, si lamid ah urrurada cusub.