3/28/2024
Today from Hiiraan Online:  _
Wararka Maanta- Jimco, Sept 16, 2022
Xisbiga Waddani oo iska diwaangalin doona xarunta guddida diwaangalinta urrurada
 

Jimco, September, 16, 2022 (HOL) - Xisbiga mucaaradka Somaliland ee Waddani ayaa sheegay in ay iska diwaangalinayaan xarunta Guddida Diwaangalinta Urrurada, si lamid ah urrurada cusub.

Xogeeyaha Guud ee Xisbiga Waddani Khadar Xuseen Cabdi oo waraysi siiyay Galaydh Media, ayaa sheegay in ay sharci tahay in 10-kii sannoba mar dib loo diwaangaliyo urruro cusub, isla markaana ayna furista urrurada kasoo horjeedin.

"Nidaamka urruradu, waa nidaam sax ah oo sharci ah, 10-kii sanno in mar doorashadaas la galo, arrin khilaafi ah na maaha, oo sida loo sawirayo arrin laysku haysto maaha, waxa laysku haystaa, doorashooyinku habkee ayay usoo kala horaynayaan" ayuu yidhi Khadar.

Waxa uu sheegay in sidii madaxweynaha Somaliland sheegay in xisbiyada hada joogaa ay dabayaaqada bisha  iska diwaangalin doonaan xarunta guddida diwaangalinta urrurada, isla markaana ay si lamid ah urrurada cusub is xaadirin doonaan.

"Anagu xisbi ahaan waan la shaqaynaynaa guddida diwaangalinta, wixii nagu xidhan ee sharci ah ee ay nooga baahanyihiina waanu fulinaynaa" ayuu yidhi Khadar.

Xogeeyuhu waxa uu sheegay in isdiwaangalintoodu ayna ka turjumayn in ay ka noqdeen fikirkoodii ay doorasho madaxweyne ku doonayeen, oo ay wali aaminsanyihiin in doorashada madaxweynuhu ay soo horayso.

Dhinaca kale waxa uu sheegay in ay sii wadayaan bannaanbaxyo nabadgalyo ah "Anagu markasta waxaanu doonaynaa mudaharaad nabada, dadku dareenkooda ay cabiraan".

Abdilahi Geel-maal, Hiiraan Online
[email protected]












Click here
9/16/2022 1:01 PM EST
Jimco, September, 16, 2022 (HOL) - Duqii hore ee degmada Garowe Axmed Barre ayaa sharci darro ku tilmaamay go'aankii madaxweynaha Puntland uu ku kala diray golaha deegaanka ee Garowe, inkastoo uu aqbalay xil ka qaadistiisii.

9/16/2022 8:44 AM EST
Jimco, September, 16, 2022 (HOL) - Madaxweyanaha Somaliland Muuse Biixi Cabdi, oo la hadlayay shacabka Oodwayne, ayaa sheegay in uu diyaar u yahay in uu qabto doorashada madaxtooyada wakhtiga ugu horeeya ee ay suuragasho.

9/16/2022 8:31 AM EST
Jimco, September, 16, 2022 (HOL) - Guddoomiyaha Xisbiga mucaaradka Somaliland ee UCID Faysal Cali Waraabe, ayaa madaxweynaha Soomaaliya ku eedeeyay in uu ka shaqaynayo burburinta xidhiidhka bilawga ah ee Somaliland iyo Maraykanka.

9/16/2022 8:23 AM EST
Jimco, September, 16, 2022 (HOL) - Dowladda Mareykanka ayaa bogaadisay dadaallada uu Madaxweyne Xasan Sheekh Maxamuud ku galay dagaalka ka dhanka ah kooxda Alshabaab. Waxayna ballan qaaday in ay sii wadayaan taageerada ay ku xaqiijinayaan nabadda iyo xasilloonida dalka Geeska Afrika..

9/16/2022 3:31 AM EST
Jimco, September, 16, 2022 (HOL) - Dowladda Soomaaliya ayaa ugu baaqday Al-Shabaab in ay isku soo dhiibaan ciidamada ammaanka si looga fogaado in la dilo, waxayna dowladdu wacad ku martay in ay kordhin doonto weerarada ka dhanka ah Alshabaab.

9/16/2022 3:28 AM EST
Jimco, September, 16, 2022 (HOL) - Wasiirka Batroolka iyo Macdanta ee Jamhuuriyadda Federaalka Soomaaliya, Cabdirisaaq Maxamed Cumar, ayaa si rasmi ah uga qeyb galaya toddobaadka saliidda Afrika ee 2022 3-7 October, kaasoo ka dhacaya bartamaha magaalada Cape Town ee dalka Koonfur Afrika.

9/16/2022 2:41 AM EST
Jimco, September, 16, 2022 (HOL) - Madaxweynaha dowladda Soomaaliya Xasan Sheekh Maxamuud ayaa kulan kula qaatay magaalada Washington, xoghayaha difaaca dalka Maraykanka, Lloyd James Austin.

9/16/2022 2:38 AM EST
Jimco, September, 16, 2022 (HOL) - Kornayl David Peddle oo ah sarkaal howlgab ah oo horay uga tirsanaan jiray ciidamada milateriga ee dalalka Koonfur Afrika iyo Ingiriiska ayaa xaqiijiyay in kooxda Al Shabaab ay si aad ah u adeegsadaan diyaaradaha aan duuliyaha lahayn ee loo yaqaanno Drones.