9/26/2022
Today from Hiiraan Online:  _
Wararka Maanta- Arbaco, May 4 , 2022
Jigjiga : Xukuumadda degaanka Soomaalida oo cafis u fidisay 221 maxaabiis ah
 

Arbaco, May, 4, 2022 (HOL) - Sida uu Warbaahinta u sheegay Wasiirka Cadaaladda dowlad degaanka Soomaalida Axmed Xaaji Samater, waxa uu Madaxwayne Mustafe cagjar cafis u fidiyay 221 maxaabiis, kuwaas oo ku kala jira jeelasha kala duwan ee Degaanka Soomaalida.

Wasiirka ayaa sidoo kale sheegay in maxaabiista uu Madaxwaynuhu cafiska u fidiyay ay yihiin kuwo buuxiyay shuruudiihii looga baahnaa, sida in markii lasoo daayo aysan khatar ku ahaanayn amniga degaanka iyo bulshadaba, in uu yahay qof ka saxmay wixii loo soo xiray iyo waliba inuu yahay qof waayeel ah oo da'wayn, waa siduu hadalka u dhigay Wasiirka Cadaaladdu.

Waxa kale oo Wasiirku sheegay in maxaabiistan la cafiyayay ay sidoo kale ahaayeen kuwo xukunaa, oo horey xukun ugu dhacay, oo aysan ku jirin kuwa aan wali xukun ku dhicin.

Cafisyada inta badan ay xukuumaddu u fidiso maxaabiista ayaa ku beegnaada munaasabadaha Ciidaha iyo sannadka cusub, iyadoo maxaabiista haatan cafiska loo fidiyay ay siidayntoodu ku soo hagaagtay munaasabadda Ciidul fidriga ee sannadan 2022.

Horey iyo xukuumadihii hore ee degaanka Soomaalida iyo dalkaba ka talin jiray, waxaa cafis loo fidin jiray ama u badnaa dadka la cafinayo maxaabiista Siyaasad u xiran, balse wixii isbaddalka ka dambeeyay maxaabiista lacafiyo kuma jiraan wax siyaasad u xiran, waxayna xukuumaddu in badan ku celcelisay in haatan aan degaanka Soomaalida laga helayn dad Siyaasad u xiran.

Abdilahi Jawhar, Hiiraan Online
[email protected]












Click here
5/4/2022 4:42 PM EST
Arbaco, May, 4, 2022 (HOL) - Guddoomiyaha barlamaanka Soomaaliya, Sheikh Aadan Maxamed Nuur Madoobe ayaa soo dhameystiray sadddex xubnood oo ka dhimanaa guddiga qaban qaabada doorashada madaxweynaha Soomaaliya.

5/4/2022 9:59 AM EST
Arbaco, May, 4, 2022 (HOL) - Guddoomiyaha Golaha Shacabka Baarlamaanka 11-aad ee dalka Soomaaliya Sheekh Aadan Maxamed Nuur Madoobe ayaa magacaabay guddiga qaban qaabada doorashada madaxweynaha dowladda Fedaraalka Soomaaliya.

5/4/2022 8:01 AM EST
Arbaco, May, 4, 2022 (HOL) - Guddoomiyaha aqalka sare, Cabdi Xaashi Cabdullaahi ayaa maanta magacaabay guddi ka kooban 6 xubnood oo ah guddiga doorashada madaxweynaha dowladda federalka Soomaaliya.

5/4/2022 7:52 AM EST
Arbaco, May, 4, 2022 (HOL) - Guddoomiyaha Golaha Shacabka Baarlamaanka Soomaaliya Sheekh Aadan Maxamed Nuur Madoobe ayaa Maanta shir guddoomiyay kulanka Golaha Shacabka ay uga arrinsanayeen hanaanka loo wajahayo doorashada madaxweynaha 10-aad ee dalka Soomaaliya ayaa sheegay in shaqada ugu weyn ee hortaala Baarlamaanka Soomaaliya ay tahay doorashada madaxweynaha in loo qabto si deg deg ah.

5/4/2022 5:49 AM EST
Arbaco, May, 4, 2022 (HOL) - Safiirka xilka kasii dagaya ee safaaradda Soomaaliya ee Roma, Danjire Cabdiraxmaan Sheikh Ciise, ayaa iska fogeeyay eedeymo kasoo yeeray wasaaradda arrimaha dibadda oo ku saabsan inuu ku takrifal awoodeed ku sameeyay maamulka safaaradda.

5/4/2022 5:30 AM EST
Arbaco, May, 4, 2022 (HOL) - Dr Abuukar Aaden Cabdulle Cusmaan (Aadan Cadde) oo u taagan xilka madaxweynaha Soomaaliya ayaa lagusoo dhoweeyay magaalada Muqdisho, isagoo doonaya inuu ka qeyb galo doorashada madaxweynaha Soomaaliya.

5/4/2022 3:14 AM EST
Arbaco, May, 4, 2022 (HOL) - Dowladda Soomaaliya ayaa war saxafadeed ay soo saartay waxay ku cambaareysay weerarkii Al-shabaab ay Shalay ku qaadeen Sadhiga ciidamada Burundi ay ku leeyihiin deegaanka Ceelbaraf ee gobolka Sh/dhexe, kaasoo geystay khasaare badan oo isugu jira dhimasho iyo dhaawac soo gaaray askar ka tirsan ciidanka Burundi.

5/4/2022 12:51 AM EST
Arbaco, May, 4, 2022 (HOL) - Madaxweynaha Soomaaliya Maxamed Cabdullaahi Farmaajob ayaa joojiyey dhammaan go’aammada ku saabsan isbeddelada maamul iyo shaqaale ee Hay’adaha Dowladda, inta lagu guda jiro dhammeystirka doorashooyinka.

5/4/2022 12:47 AM EST
Arbaco, May, 4, 2022 (HOL) - Labada aqal ee barlamaanka Soomaaliya ayaa maanta yeelandoona kulan wadajir oo ku saabsan doorashada guddiga isku dhafka ah ee qaban qaabada doorashada madaxweynaha Soomaaliya.

5/4/2022 12:44 AM EST
Arbaco, May, 4, 2022 (HOL) - Gabadh reer Hargaysa ah, oo u dalxiistagtay magaalo xeebeeda Berbera, ayaa dhimatay kadib markii ay ku qarqoontay badda oo ay ku dabaalanaysay.