3/29/2024
Today from Hiiraan Online:  _
Wararka Maanta- Axad, May 15, 2022
Duulimaadyadii Garoonka Diyaaradaha Aadan Cadde ee Magaalada Muqdisho oo Maanta hakad ku jira

Axad, May, 15, 2022 (HOL) - Waxaa Maanta hakad ku jira dhamaan duulimaadyadii uu sameyn jiray garoonka diyaaradaha Aadan Cadde ee magaalada Muqdisho.

Hakadka Maanta ee duulimaadyadii diyaaradaha garoonka Aadan Cadde ayaa la xariira bandow dowladda Soomaaliya ay kusoo rogtay magaalada Muqdisho, sababo la xariira amniga doorashada madaxweynaha 10-aad ee Jamhuuriyadda Fedaraalka Soomaaliya oo Maanta ka socota teendhada afisyooni ee magaalada Muqdisho.

14-kii bishaan May oo ku beegneyd shalay Sabtigii ayay aheyd markii ay soo baxday warqad qoraal ah oo cadeyneysa in shaqadii garoonka diyaaradaha Aadan Cadde ay hakad gali doonto ilaa 16-ka bishaan May oo ku beegan berito oo Isniin ah, waxaana qoraalka lagu shaaciyay in shaqada garoonka Aadan Cadde ay dib u bilaaban doonto 16-ka bishaan May saacadu markey tahay 06:00 oo ah lixda aroornimo xiliga Soomaaliya .

Garoonka Aadan Cadde ayaa maalin walba waxa uu sameyn jiray duulimaadyo fara badan oo isugu jira gudaha dalka iyo kuwa dibadda ah, waxaana hakadka duulimaadyada ay saameyn ku yeelatay dadweyne farabadan oo u kala safri lahaa dalka gudahiisa iyo dibadiisaba.

Doorashada madaxweynaha Soomaaliya oo haatan ka socota Teendhada Afisyooni ee magaalada Muqdisho, maysan saameynin shaqada garoonka diyaaradaha kaliya ee waxaa Maanta bandow ah guud ahaan magaalada Muqdisho oo aysan jirin wax dhaqdhaqaaq ganacsi iyo mid dadweyne ah, waxaana bandowga uu ku eg yahay aroornimada hore ee berito oo Isniin ah.

Jamaal Cali Cabdi, Hiiraan Online












Click here
5/15/2022 5:26 PM EST
Axad, May, 15, 2022 (HOL) - Xasan Sheikh Maxamuud ayaa ku guulaystay xilka madaxweynaha dowladda federalka Soomaaliya, kadib markii wareeggii saddexaad ee doorashada uu kaga guulaystay madaxweyne Farmaajo.

5/15/2022 2:54 PM EST
Axad, May, 15, 2022 (HOL) - Wareeggii labaad ee doorashada madaxweynaha ayaa lasoo gabagabeeyay, iyadoo labada musharrax ee ugu codadka badan ay u gudbayaan wareegga ugu dambeeya ee doorashada.

5/15/2022 1:04 PM EST
Axad, May, 15, 2022 (HOL) - Wareegga labaad ee doorashada madaxweynaha ayaa goor dhowayd billaabatay, iyadoo ay ku tartamayaan afarta musharrax ee usoo gudubtay wareegga labaad, kuwaas oo kala ah, Madaxweyne Farmaajo, Xasan Sheikh Maxamuud, Siciid Deni iyo Xasan Cali Kheyre.

5/15/2022 12:01 PM EST
Axad, May, 15, 2022 (HOL) - Waxaa goordhaw si rasmi ah usoo gabagaboobay tirinta natiijada codadka wareega koowaad ee tartanka doorashada Madaxweynaha 10-aad ee Jamhuuriyadda Fedaraalka Soomaaliya.

5/15/2022 7:56 AM EST
Axad, May, 15, 2022 (HOL) - Doorashada madaxweynaha Soomaaliya ayaa hadda ka billaabatay magaalada Muqdisho gaar ahaan teendhada Afisyooni, halkaas oo ay ku sugan yihiin in ka badan 300 xildhibaan oo dooran doona madaxweynaha Soomaaliya hoggaamin doona afarta sano ee soo socota.

5/15/2022 6:40 AM EST
Axad, May, 15, 2022 (HOL) - Dib u dhac ayaa ku yimid codaynta doorashada madaxweynaha Soomaaliya oo lagu waday inay billaabato 11 ka barqanimo ee maanta sida uu sheegay guddoomiyaha guddiga doorashada madaxweynaha.

5/15/2022 6:34 AM EST
Axad, May, 15, 2022 (HOL) - Warbaahinta madaxa bannaan ee loogu talo galay in ay soo tebiyaan doorashada madaxweynaha, ayaa sheegay in loo diiday inay hoolka doorashada la galaan Mobaylada iyo Kambuutarada ay ku shaqeynayaan.

5/15/2022 6:28 AM EST
Axad, May, 15, 2022 (HOL) - Xilli saacaddaha soo socda lagu wado inay bilaaabato doorashada madaxweynaha Soomaaliya, ayaa qaar kamid ah musharraxiinka u sharraxan madaxweynaha waxay hoolka doorashada ka dhex wadaan olole siyaasadeed oo ay codad kaga raadinaayan xildhibaannada.

5/15/2022 5:40 AM EST
Axad, May, 15, 2022 (HOL) - Guddoomiyihii hore ee gobolka Mudug, Xildhibaan Cabdiladiif Muuse Nuur Sanyare ayaa sheegay tallaabada ugu horreysa ee laga rabo barlamaanka cusub inay tahay meel marinta sharciga la dagaalanka Argagixisada.

5/15/2022 2:15 AM EST
Axad, May, 15, 2022 (HOL) - Guddoomiyaha Aqalka sare ee Itoobiya Agenyahu Teshager oo la hadlayay Wakaaladda Wararka ee Itoobiya ayaa sheegay in kooxda TPLF ay isu diyaarinayso in mar kale ay dagaal soo qaado.

5/15/2022 2:01 AM EST
Axad, May, 15, 2022 (HOL) - Kooxo bastoolo ku hubeysnaa ayaa Xalay magaalada Baledweyne ee xarunta gobolka Hiiraan waxay ku dileen nin dhalinyaro ah oo ka mid ahaa Ergadi dooratay kursiga tirsigisu yahay HOP 058.

5/15/2022 1:46 AM EST
Axad, May, 15, 2022 (HOL) - In ka badan 300 oo xildhibaan ayaa maanta isku diyaarinaya doorashada madaxweynaha Soomaaliya, iyadoo magaalada Muqdisho oo doorashadu ay ka dhacayso uu saaran yahay bandow.