8/18/2022
Today from Hiiraan Online:  _
Wararka Maanta- Axad, May 15, 2022
Natiijada Wareega koowaad ee Doorashada Madaxweynaha oo la shaaciyay
 

Axad, May, 15, 2022 (HOL) - Waxaa goordhaw si rasmi ah usoo gabagaboobay tirinta natiijada codadka wareega koowaad ee tartanka doorashada Madaxweynaha 10-aad ee Jamhuuriyadda Fedaraalka Soomaaliya.

In ka badan 30 Musharax ayaa ku tartantay wareega koowaad ee doorashada madaxweynaha Soomaaliya waxaana wareega koowaad noqday afarta Musharax ee ugu horeysa tartanka Musharaxiinta kala ah Saciid Cabdullaahi Deni, Maxamed Cabdullaahi Farmaajo, Xasan Sheekh Maxamuud iyo Xasan Cali Kheyre.

Afarta musharax ee ugu codadka badan, islamarkaana u gudbaya wareega labaad ee tartanka ayaa kala ah Saciid Cabdullaahi Deni oo helay 65 cod, halka Maxamed Cabdullaahi Farmaajo uu helay 59 Cod, Xasan Sheekh Maxamuud ayaa isna helay 52 Cod, halka Xasan Cali Kheyre uu isna helay 47 Cod.

Wareega koowaad ee tartanka doorashada madaxweynaha waxa ku haray Musharaxiin caan ah oo ay ka mid yihiin Sheekh Shariif Sheekh Axmed oo helay wareegii koowaad 39 cod iyo Cabdiraxmaan Cabdishakuur oo helay 15 cod.


Musharaxiinta kale ee waeeega koowaad ku haray waxaa ka mid ah Cabdullaahi Axmed Cadow Cali Gees oo helay 8 cod, Cabduqaadir Cosoble oo helay 12 cod, Bashiir Xaaji oo helay 2 cod, Ablaal 2 cod, Cabdinuur Sheekh 2 cod, halka Musharaxiinta kala ahaa Cabdiraxmaan Maxamed Cali, Axmed Ducale Geelle Xaaf, Fowsiya Xaaji iyo Taabid Cabdi Maxamed ay wada helay min hal cod kaliya, waxaana halaabay codad ku dhaw 15 cod, waxaana xusid mudan in musharaxiin badan aysan helin wax cod ah.

Wareega labaad ee tartanka doorashada madaxweynaha waxaa u gudbaya afarta musharax ee ugu codadka badan oo kala ah Saciid Cabdullaahi Deni, Maxamed Cabdullaahi Farmaajo, Xasan Sheekh Maxamuud iyo Xasan Cali Kheyre, sida uu ku dhawaaqay guddoomiyaha Golaha shaxabka Sheekh Aadan Madoobe, waxaa goordhaw bilaabanaya wareega labaad ee tartanka doorashada Madaxweynaha Soomaaliya.

Jamaal Cali Cabdi, Hiiraan Online












Click here
5/15/2022 5:26 PM EST
Axad, May, 15, 2022 (HOL) - Xasan Sheikh Maxamuud ayaa ku guulaystay xilka madaxweynaha dowladda federalka Soomaaliya, kadib markii wareeggii saddexaad ee doorashada uu kaga guulaystay madaxweyne Farmaajo.

5/15/2022 2:54 PM EST
Axad, May, 15, 2022 (HOL) - Wareeggii labaad ee doorashada madaxweynaha ayaa lasoo gabagabeeyay, iyadoo labada musharrax ee ugu codadka badan ay u gudbayaan wareegga ugu dambeeya ee doorashada.

5/15/2022 1:04 PM EST
Axad, May, 15, 2022 (HOL) - Wareegga labaad ee doorashada madaxweynaha ayaa goor dhowayd billaabatay, iyadoo ay ku tartamayaan afarta musharrax ee usoo gudubtay wareegga labaad, kuwaas oo kala ah, Madaxweyne Farmaajo, Xasan Sheikh Maxamuud, Siciid Deni iyo Xasan Cali Kheyre.

5/15/2022 9:38 AM EST
Axad, May, 15, 2022 (HOL) - Waxaa Maanta hakad ku jira dhamaan duulimaadyadii uu sameyn jiray garoonka diyaaradaha Aadan Cadde ee magaalada Muqdisho.

5/15/2022 7:56 AM EST
Axad, May, 15, 2022 (HOL) - Doorashada madaxweynaha Soomaaliya ayaa hadda ka billaabatay magaalada Muqdisho gaar ahaan teendhada Afisyooni, halkaas oo ay ku sugan yihiin in ka badan 300 xildhibaan oo dooran doona madaxweynaha Soomaaliya hoggaamin doona afarta sano ee soo socota.

5/15/2022 6:40 AM EST
Axad, May, 15, 2022 (HOL) - Dib u dhac ayaa ku yimid codaynta doorashada madaxweynaha Soomaaliya oo lagu waday inay billaabato 11 ka barqanimo ee maanta sida uu sheegay guddoomiyaha guddiga doorashada madaxweynaha.

5/15/2022 6:34 AM EST
Axad, May, 15, 2022 (HOL) - Warbaahinta madaxa bannaan ee loogu talo galay in ay soo tebiyaan doorashada madaxweynaha, ayaa sheegay in loo diiday inay hoolka doorashada la galaan Mobaylada iyo Kambuutarada ay ku shaqeynayaan.

5/15/2022 6:28 AM EST
Axad, May, 15, 2022 (HOL) - Xilli saacaddaha soo socda lagu wado inay bilaaabato doorashada madaxweynaha Soomaaliya, ayaa qaar kamid ah musharraxiinka u sharraxan madaxweynaha waxay hoolka doorashada ka dhex wadaan olole siyaasadeed oo ay codad kaga raadinaayan xildhibaannada.

5/15/2022 5:40 AM EST
Axad, May, 15, 2022 (HOL) - Guddoomiyihii hore ee gobolka Mudug, Xildhibaan Cabdiladiif Muuse Nuur Sanyare ayaa sheegay tallaabada ugu horreysa ee laga rabo barlamaanka cusub inay tahay meel marinta sharciga la dagaalanka Argagixisada.

5/15/2022 2:15 AM EST
Axad, May, 15, 2022 (HOL) - Guddoomiyaha Aqalka sare ee Itoobiya Agenyahu Teshager oo la hadlayay Wakaaladda Wararka ee Itoobiya ayaa sheegay in kooxda TPLF ay isu diyaarinayso in mar kale ay dagaal soo qaado.

5/15/2022 2:01 AM EST
Axad, May, 15, 2022 (HOL) - Kooxo bastoolo ku hubeysnaa ayaa Xalay magaalada Baledweyne ee xarunta gobolka Hiiraan waxay ku dileen nin dhalinyaro ah oo ka mid ahaa Ergadi dooratay kursiga tirsigisu yahay HOP 058.

5/15/2022 1:46 AM EST
Axad, May, 15, 2022 (HOL) - In ka badan 300 oo xildhibaan ayaa maanta isku diyaarinaya doorashada madaxweynaha Soomaaliya, iyadoo magaalada Muqdisho oo doorashadu ay ka dhacayso uu saaran yahay bandow.