8/18/2022
Today from Hiiraan Online:  _
Wararka Maanta- Jimco, Jun 24, 2022
Faysal Cali Waraabe oo Beesha caalamka kala hadlay khilaafka doorashooyinka Somaliland
 

Jimco, Juun, 24, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, oo waraysi gaar ah siiyay Universal TV, ayaa sheegay in ergo beesha caalamka ka socota oo uu Nairobi kula kulmay, uu uga warbixiyay mawqif mucaaradka, ee ku aadan in aanay aqbalayn doorashada urrurada siyaasada.

Gudduumiyaha ayaa dhinaca kale, waxa uu sheegay in warbixinta ay Madaxtooyada Somaliland kasoo saartay kulanka dhexmaray dibulumaasiyiinta reer Yurub iyo madaxweynaha Somaliland, anay sax ahayn, isla markaana anay axsaabtu marnaba ogolaan furista urrurada.

"Beesha caalamka ayaanu meesha ay taagantahay la wadaagnay, madaxweynahana kulan fogaan arag ah ayay la yeesheen inkasta oo aanan odhan karin madaxweynuhu siduu uga warramay sax ayay ahayd, kalmada uu yidhi axsaabta ogolaatay furista urrurada  siyaasada manaan ogolaan anagu" ayuu yidhi Waraabe.

Waxa kale oo uu ka dayriyay khilaaafka siyaasadeed ee Somaliland ku jirto, isaga oo sheegay in, muddo 30 sanno kadib ah uu madaxweyne Biixi Somaliland khal khal galiyay.

"Somaliland marxaladii ugu xumayd 30 sanno ka bacdi ayay ku jirta, in maanta Muqdisho ay wadadii toosnayd ku hagaagtay, anaguna khal khal aan loo baahnayn oo madaxweynaha meesha fadhiyaa abuuray, kiiyoo distoorkii ka tagay ayaa keenay" ayuu yidhi Waraabe.

Ergada beesha caalamka ee kulanka la yeeshay guddoomiyaha, oo madaxweynaha Somaliland kulan fogaan arag ah la qaatay Khamiistii, ayay madaxtooyadu sheegtay in laysku afgartay in doorashooyinka la amba qaado, iyaguna gacan ka gaystaan.



Abdilahi Geel-maal, Hiiraan Online
[email protected]












Click here
6/24/2022 5:43 PM EST
Jimco, Juun, 24, 2022 (HOL) - Xukuumada Somaliland ayaa wax aan la aqbali karin ku tilmaantay, go'aanka shirkadaha korontadu ku sheegeen in ay korontadu maqnaan doonto habeenkasta saacadaha u dhexeeya 1:00 ilaa 400 habeenimo laga bilaabo 1 August.

6/24/2022 8:45 AM EST
Jimco, Juun, 24, 2022 (HOL) - Madaxweynaha Soomaaliya Xasan Sheikh Maxamuud ayaa laga helay caabuqa COVID-19, baaritaan uu maray kadib markii uu maanta dalka dib ugusoo laabtay.

6/24/2022 7:31 AM EST
Jimco, Juun, 24, 2022 (HOL) - Maxamed Cali Maxamed oo reer Hargaysa ah, ayaa Ciidanka Booliiska Somaliland ku eedeeyay in ay u gaysteen jidhdil sababay in mid kamid ah xiniinyihiisu ay dhimato, intii uu socday mudaharaadkii 9 Juun.

6/24/2022 7:14 AM EST
Jimco, Juun, 24, 2022 (HOL) - Booliiska dalka Mozambique ayaa xiray 5 qof oo Soomaali ah oo looga shakisan yahay inay ka tirsan yihiin shabakad isku xiran oo falal isugu jira afduub iyo ganacsi ka sameeya maandooriyaha magaalada xeebta ku taal ee Beira ee gobolka Sofala.

6/24/2022 5:08 AM EST
Jimco, Juun, 24, 2022 (HOL) - Ciiddanka PSF-ta Puntland ayaa gacanta kusoo dhigay saddex xubnood oo katirsan kooxda Daacish, kuwaas oo dhalasho ahaan kasoo jeeda Qowmiyadda Oromada ee dalka Ethiopia.

6/24/2022 3:11 AM EST
Jimco, Juun, 24, 2022 (HOL) - Wasaaradda amniga maamulka Koonfur galbeed ayaa digniin u dirtay siyaasiyiin ay ku eedeysay inay qalqal amni ka abuurayaan deegaannada Koonfur Galbeed.

6/24/2022 12:53 AM EST
Jimco, Juun, 24, 2022 (HOL) - Telefishinka Channel 4 ee laga leeyahay dalka UK, ayaa la kulmay in ka badan 100 cabasho ah oo ka dhan ah barnaamij weriye Jamaal Cismaan uu dhawaan ka diyaariyay ururka Al-Shabaab.

6/24/2022 12:39 AM EST
Jimco, Juun, 24, 2022 (HOL) - Ergayga madaxweynaha Soomaaliya uqaabilsan arrimaha abaaraha, Cabdiraxmaan Cabdishakuur Warsame, ayaa soo jeediyay in hoos loo dhigo xuska maalmaha xorriyada dalka, isagoo sheegay dalku inuu ku jiro xaalad aan mudnayn dabaal deg.

6/24/2022 12:26 AM EST
Jimco, Juun, 24, 2022 (HOL) - Shidaal yaraan dhacday awgeed korontada, ayaa habeenkasta magaalooyinka Somaliland ka maqnaandoonta saacadaha u dhexeeya 11:00 ilaa 4:00 habeenimo marka la gaadho 1 August.