9/30/2022
Today from Hiiraan Online:  _
Wararka Maanta- Jimco, Jun 24, 2022
Muwaadin reer Somaliland ah oo sheegay in booliisku jidh dil u gaysteen
 

Jimco, Juun, 24, 2022 (HOL) - Maxamed Cali Maxamed oo reer Hargaysa ah, ayaa Ciidanka Booliiska Somaliland ku eedeeyay in ay u gaysteen jidhdil sababay in mid kamid ah xiniinyihiisu ay dhimato, intii uu socday mudaharaadkii 9 Juun.

Maxamed oo Saab TV waraysi siiyay isaga oo yaala isbitaal ku yaala Hargaysa, ayaa sheegay in mid kamid ah askarta Saldhiga Dhexe ee Hargaysa, uu xiniinyaha kaga tuntay, kadib markii uu isku dayay in uu ka rido gabadh ay ciidanku garaacayeen, intii mudaharaadkii ay mucaaradku soo abaabuleen socday.

"Inantii ay booliisku dilayeen ayaan ka reebay, waar xiniinyaha aad inanta nagaga reebtay xageed ka keentay, ayuu igu yidhi Nin Mukhtaar la yidhaa oo Saldhiga Dhexe danbi baadhe ka ah, xiniinta isaga igaga tuntay, xiniintaydii imikana way dhimatoo waa layga saaray" ayuu yidhi Maxamed.

Maxamed waxa uu booliiska ku eedeeyay in ay mudo 9 cisho ah ku hayeen saldhiga booliiska ka hor intii anay dhakhtargaynin, taasina ay keentay in ay xiniintiisu dhimato.

"Xiniintaydu waxay dhimatay intii aan saldhiga ku jiray, 9 cisho ayay saldhiga igu hayeen, oo anan wax dhakhtar ah arag, hal-mar ayay dhakhtar i geeyeen, dhakhtarkii wuxuu ku yidhi waa xaalad deg deg ah oo waala qalaya, kadibna saldhiga ayay igu soo celiyeen" ayuu yidhi Maxamed.

Booliiska ayaa dhankooda beeniyay in ay wax dhibaato ah u gaysteen Maxamed, waxayna sheegeen in xiniintu ay hore u bugtay, oo nin kale wax kaga dhuftay wakhti hore, iyaga oo baahiyay codad ay sheegeen in ay caddaymo yihiin, waxa kale oo ay sheegeen in ay isbitaal  geeyeen.

Maxamed oo kamid ah taageerayaasha xisbiga Waddani, ayaa horey iskaga soo duubay muuqaalo uu quri sito, oo uu madaxweynaha ugu hanjabayo in uu qori-caaradii madaxtooyada kaga soo saari doono.



Abdilahi Geel-maal, Hiiraan Online
[email protected]












Click here
6/24/2022 5:43 PM EST
Jimco, Juun, 24, 2022 (HOL) - Xukuumada Somaliland ayaa wax aan la aqbali karin ku tilmaantay, go'aanka shirkadaha korontadu ku sheegeen in ay korontadu maqnaan doonto habeenkasta saacadaha u dhexeeya 1:00 ilaa 400 habeenimo laga bilaabo 1 August.

6/24/2022 8:45 AM EST
Jimco, Juun, 24, 2022 (HOL) - Madaxweynaha Soomaaliya Xasan Sheikh Maxamuud ayaa laga helay caabuqa COVID-19, baaritaan uu maray kadib markii uu maanta dalka dib ugusoo laabtay.

6/24/2022 7:14 AM EST
Jimco, Juun, 24, 2022 (HOL) - Booliiska dalka Mozambique ayaa xiray 5 qof oo Soomaali ah oo looga shakisan yahay inay ka tirsan yihiin shabakad isku xiran oo falal isugu jira afduub iyo ganacsi ka sameeya maandooriyaha magaalada xeebta ku taal ee Beira ee gobolka Sofala.

6/24/2022 5:08 AM EST
Jimco, Juun, 24, 2022 (HOL) - Ciiddanka PSF-ta Puntland ayaa gacanta kusoo dhigay saddex xubnood oo katirsan kooxda Daacish, kuwaas oo dhalasho ahaan kasoo jeeda Qowmiyadda Oromada ee dalka Ethiopia.

6/24/2022 4:54 AM EST
Jimco, Juun, 24, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, oo waraysi gaar ah siiyay Universal TV, ayaa sheegay in ergo beesha caalamka ka socota oo uu Nairobi kula kulmay, uu uga warbixiyay mawqif mucaaradka, ee ku aadan in aanay aqbalayn doorashada urrurada siyaasada.

6/24/2022 3:11 AM EST
Jimco, Juun, 24, 2022 (HOL) - Wasaaradda amniga maamulka Koonfur galbeed ayaa digniin u dirtay siyaasiyiin ay ku eedeysay inay qalqal amni ka abuurayaan deegaannada Koonfur Galbeed.

6/24/2022 12:53 AM EST
Jimco, Juun, 24, 2022 (HOL) - Telefishinka Channel 4 ee laga leeyahay dalka UK, ayaa la kulmay in ka badan 100 cabasho ah oo ka dhan ah barnaamij weriye Jamaal Cismaan uu dhawaan ka diyaariyay ururka Al-Shabaab.

6/24/2022 12:39 AM EST
Jimco, Juun, 24, 2022 (HOL) - Ergayga madaxweynaha Soomaaliya uqaabilsan arrimaha abaaraha, Cabdiraxmaan Cabdishakuur Warsame, ayaa soo jeediyay in hoos loo dhigo xuska maalmaha xorriyada dalka, isagoo sheegay dalku inuu ku jiro xaalad aan mudnayn dabaal deg.

6/24/2022 12:26 AM EST
Jimco, Juun, 24, 2022 (HOL) - Shidaal yaraan dhacday awgeed korontada, ayaa habeenkasta magaalooyinka Somaliland ka maqnaandoonta saacadaha u dhexeeya 11:00 ilaa 4:00 habeenimo marka la gaadho 1 August.