10/7/2022
Today from Hiiraan Online:  _
Wararka Maanta- Axad, Jan 9 , 2022
Musharax Cirro: "Waxan diyaar u ahay in aanan aqbalin arrin sharci darro ah qiima kasta oo ay tagayso"
 

Axad, January, 9, 2022 (HOL) - Musharaxa madaxweynaha xisbiga Waddani Cabdiraxmaan Maxamed Cabdillaahi Cirro, ayaa sheegay in aanu marnaba aqbalaynin qorshe uu sheegay in xukuumadu wadato, si madaxweyne Biixi mudada loogu kordhiyo.

Cirro wuxuu sheegay in madaxweyne Biixi uu furista ururada ugu gogol xaadhayo in uu mudada madaxweyne-nimada ku korodhisto.

"Muuse warkiisu wuu cadyahay, wuxuu doonayaa waa muddo kordhin, ururradan wuu ku gabanayaa, lakin u jeedadiisu sidaa maaha, ujeedadiisu waxa weeyaan in uu doorashada mudadeedii dhaafiyo, dabadeedna muddo korodhsi uu helo" ayuu yidhi Cirro.

Cirro ayaa sheegay in aanu marnaba aqbalaynin qorshaha uu sheegay in xukuumadu wadato si ay mudada u korodhsato "Waxan anigu diyaar u ahay in aanan arrin sharci darro ah aqbalin qiimo kasta haday tagayso".

Cirro waxa uu sheegay in aanu kasoo horjeedin furista ururada lakin ay tahay in sharci sax ah loo maro "Waanu caddaynay ururada furistooda in aanaan kasoo horjeedin, ururaduna waxay ku furmayaan sharci".

Waxa uu sheegay in madaxweyne Biixi uu markii hore diyaar u ahaa in uu doorashada madaxtooyada qabto, lakin uu fursad u arkay muranka soo kala dhexgalay xubnaha golaha wakiilada, oo isku khilaafsan dhaqangalnimada xeerka ururada siyaasada.

Abdilahi Geel-maal, Hiiraan Online
[email protected]












Click here
1/9/2022 9:43 AM EST
Axad, Janaayo, 9, 2022 (HOL) - Madaxda Golaha Wadatashiga Qaranka ayaa goordhaw si rasmi ah u soo gabagabeeyay shirkii uga socday magaalada Muqdisho lixdii maalmood ee lasoo dhaafay.

1/9/2022 9:06 AM EST
Axad, Janaayo, 9, 2022 (HOL) - Ciidamo ka tirsan Booliiska Maamulka Galmudug iyo ciidanka Gorgor ee dowladda Soomaaliya ayaa goordhaw ku dagaalamay degmada Guriceel ee gobolka Galgaduud.

1/9/2022 8:51 AM EST
Waxaa gobolka Minnesota laga daahfuray urur loogu ay ku midaysnaan doonaan ganacsatada gobolkaas ee laga tirada badan yahay (MINNESOTA MINORITY BUSINESS ASSOCIATION)

1/9/2022 7:44 AM EST
Axad, January, 9, 2022 (HOL) - Guddoomiyaha Xisbiga Waddani Xirsi Cali Xaaji Xasan, ayaa sheegay in uu kalsooni buuxda ku qabo in xisbigiisu uu ka dabaalan doono, hadii la qabto doorashada ururrada oo aanu marnaba ku hadhi doonin.

1/9/2022 5:28 AM EST
Axad, Janaayo, 9, 2022 (HOL) - Golaha Wadatashiga Qaranka ayaa haatan kulan la leh Midowga Musharixiinta madaxweynaha, oo ka mid ah dhinacyada ay arki doonaan madaxdu kahor intaan shirka lasoo geba-gebayn.

1/9/2022 5:22 AM EST
Axad, Janaayo, 9, 2022 (HOL) - Guddoomiyihii hore ee barlamaanka Puntland Cabdixakiin Maxamed Axmed ( Dhoobo-daareed) ayaa sheegay in loo baahan yahay colaaddii ka dhacday magaalada Bosaso in ay jirto cid masuuliyadeeda yeelata oo lagula xisaabtamo.

1/9/2022 1:58 AM EST
Axad, Janaayo, 9, 2022 (HOL) - Waxaa xalay lagu dilay degmada Warta Nabadda ee magaalada Muqdisho Ismaaciil Maxamed Aadan oo la sheegay inuu ka mid ahaa ergadii soo xushay Xildhibaanadda Baarlamaanka Soomaaliya.

1/9/2022 1:43 AM EST
Axad, Janaayo, 9, 2022 (HOL) - Guddoomiyaha maamulka gobolka Hiiraan Cali Jeyte Cismaan oo ka hadlaayay abaaraha ka jira gobolka Hiiraan ayaa si adag ugu dhalilay dowladda Soomaaliya iney indhaha ka qabsatay wax ka qabashada abaarta ka jirta Hiiraan.

1/9/2022 12:45 AM EST
Axad, Janaayo, 9, 2022 (HOL) - Ergeyga gaarka ah ee Maraykanka u qaabilsanaa Geeska Afrika, Jeffrey Feltman ayaa xilka ka tagaya. David Satterfield, oo ah safiirka Maraykanka ee Turkiga, ayaa xilkaan la wareegidoona maalmaha soo socda.

1/9/2022 12:38 AM EST
Axad, Janaayo, 9, 2022 (HOL) - Ciiddanka amniga degmada Howlwadaag ee gobolka Banaadir ayaa gacanta ku dhigay guri Lagu beerayay geedka laga sameeyo Xashiishka iyo dadkii ku lugta lahaa.