3/19/2024
Today from Hiiraan Online:  _
Wararka Maanta- Talaado, Feb 22, 2022
Dowladda Soomaaliya oo shaacisay xilliga uu billaabanayo howlgalka cusub ee lagu beddelayo AMISOM
 

Talaado, Febraayo, 22, 2022 (HOL) - Dowladda Soomaaliya ayaa sheegtay in howlgalka cusub ee nabad ilaalinta Midowga Afrika ee Soomaaliya ee loosoo gaabiyo ATMIS, uu billaabanayo bisha abril ee sannadkan.

Dowladda Soomaaliya iyo Midowga Afrika ayaa kowda bisha March howlgalka cusub u gudbin doona golaha ammaanka, si ay waajibaadkooda ugu meel mariyaan.

Agaasimaha wasaaradda gaashaandhigga Soomaaliya, Xasan Maxamed Siciid Samatar ayaa sheegay inuu howlgalkani ku eg yahay dhammaadka sannadkan 2022, isagoo sheegay in ciidamada  Soomaaliya ay kadib la wareegayaan masuuliyadda amni ee dalka.

Agaasimuhu wuxuu sheegay muddada uu heshiisku socdo in Soomaaliya laga caawinayo dib u dhiska ciidamada qalabka iyo in laga qaado cuna-qabataynta hubka ee saaran ee Soomaaliya.

Samtaar wuxuu sheegay howgalka ATMIS, inuu yahay howlgal ay dowladda Soomaaliya kaalin buuxda ku leedahay soo magacaabida taliyayaasha howlgalka, halka uu sheegay in AMISOM aysan Soomaaliya wax talo ah ku lahayn sida uu u shaqeeyo.

Midowga Yurub ayaa maalgalin doona howlgalkan, waxaana laga yaabaa inuu qaato muddo saddex sano ah, waa haddii daruufaha ku xeeran dib u dhiska ciidamada Soomaaliya lagu xallin waayo muddadaas loo qabtay ee sannadka ah.

Abdiweli M. Sheikh, Hiiraan Online












Click here
2/22/2022 9:13 AM EST
Talaado, Febraayo, 22, 2022 (HOL) - Afhayeenka ciidanka Booliiska Soomaaliyeed ayaa sheegay iney gacanta kusoo dhigeen kooxo weerar bambaanoyinka nooca gacanta laga tuuro ah ku qaaday qaar ka mid Saldhigyada degmoyinka gobolka Banaadir.

2/22/2022 7:29 AM EST
Talaado, Febraayo, 22, 2022 (HOL) - Waxaa goor dhowayd magaalada Kismaayo qarax ka dhacay lagu dilay Allaha u naxariistee, Sh, Cabdinaasir Xaaji Axmed oo ka mid ah culimada waaweyn ee Soomaaliyeed ee fadhigiisu ahaa magaalada Laascaanood ee gobolka Sool.

2/22/2022 5:35 AM EST
Talaado, Febraayo, 22, 2022 (HOL) - Guddoomiyihii hore guddiga doorashada Soomaaliya Maxamed Xasan Cirro ayaa ku eedeeyay guddoomiyaha guddiga heer federal ee doorshooyinka inuu abuurayo xasarad cusub oo lagu jahwareerinayo doorashada golaha shacabka.

2/22/2022 5:16 AM EST
Talaado, Febraayo, 22, 2022 (HOL) - Waxaa Maanta lagu doortay magaalada Kismaayo ee xarunta gobolka Jubbada Hoose 5 kursi oo ka mid ah kuraasta Golaha Shacabka Baarlamaanka 11-aad ee dalka kuwaas oo deegaan doorashadoodu tahay Jubbaland.

2/22/2022 1:06 AM EST
Talaado, Febraayo, 22, 2022 (HOL) - Madaxwaynaha dowlad degaanka Soomaalida Mustafe cagjar ayaa ka hadlay Maxaabiista Soomaalida ah ee ku xidhan xabsiyada heer fadaraal, iyo waxa ay dowladdiisu ka damacsan tahay maxaabiistaas.

2/22/2022 12:43 AM EST
Talaado, Febraayo, 22, 2022 (HOL) - Kooxda Al-Shabaab ee ka dagaalanta Soomaaliya ayaa sanad walba 24 milyan oo doolar ku kharash gareeya soo iibsashada hubka, sida lagu sheegay warbixin cusub oo soo baxday.

2/22/2022 12:28 AM EST
Talaado, Febraayo, 22, 2022 (HOL) - Guddiga doorashada maamulka Koonfur Galbeed Soomaaliya ayaa ka horyimid go'aankii guddiga doorashada heer Fedaraal ay ku hakiyeen natiijada doorashada kuraasta kala ah HOP 103 iyo HOP154.

2/22/2022 12:19 AM EST
Talaado, Febraayo, 22, 2022 (HOL) - Madaxweynaha dowlad degaanka Soomaalida Mustafe cagjar, ayaa mar uu ka hadlayay kulankii xildhibaannada, waxa uu ka hadlay arrin inta badan laga hadlo oo ah arrinta xorriyadda hadalka.