3/28/2024
Today from Hiiraan Online:  _
Wararka Maanta- Khamiis, Dec 8 , 2022
Ciidanka dowladda Soomaaliya oo helay xabaalo wadareedyo lagu aasay maydadkii Shabaab
 

Khamiis, December, 8, 2022 (HOL) - Saraakiisha hoggaaminaysa howglgalkii Al Shabaab looga xoreeyay degmada Aadan Yabaal ayaa sheegay inay heleen Xabaalo wadareedyo ah lagu aasay maydadkii Shabaab ee lagu dilay weeradii ka dhacay gobolka Shabeellada dhexe.

Ciidanka dowladda ayaa deegaanka Ciidciidka Jimbilow oo dhul kayn ah ku arkay godad xabaalo wadareedyo ah oo Shabaab ay ku gureen maydadkoodii, waxaana qaar kamid ah maydadku kasoo muuqdeen godadka, taasoo keentay inay ciidamada xoogga dalku si quman u aasaan.

Sarkaal katirsan ciidanka milatariga ayaa sheegay inay Shabaab si arxan darro ah godad ugu shubeen maydadkoodii, kaddib markii uu sheegay in lagu jebiyay dagaalladii lagu xoreeyay Shabeellada dhexe iyo Hiiraan.

“Meeshaan waxaa ku duugan maydad aad u tiro badan, oo loo duugay si arxan darro ah. Waligay ma arag wax nuucaan oo kale loo duugay,” ayuu yiri sarkaal katirsan ciidanka dowladda Soomaaliya, oo is dultaagay god kamid ah godadka lagu aasay maydadka.

Saraakiisha ciidanka ayaa horey u sheegay inay Alshabaab si khasab ah dagaalada usoo galiso dad shacab ah. Waxaana dhawaan gobolka Hiiraan lagu arkay maydadka dagaalamayaal katirsan Alshabaab oo lugaha lagasoo xiray, kadibna hal meel lagu wada laayay.












Click here
12/8/2022 2:14 PM EST
Khamiis, December, 8, 2022 (HOL) - Madaxweynaha dowlad goboleedka Puntland Siciid Cabdullaahi Deni ayaa maanta magaalada Garowe kusoo dhoweeyay madaxweynaha Koonfur Galbeed, Cabdicasiis Xasan Maxamed (Lafta gareen).

12/8/2022 9:39 AM EST
Khamiis, December, 8, 2022 (HOL) - Golaha Wasiiradda Xukuumadda Fedaraalka Soomaaliya ayaa Maanta kulankooda todobaadlaha ah oo uu shir guddoominaayay Raysal wasaaraha Soomaaliya Xamse Cabdi Barre waxaa lagu ansixiyay laba hindise sharciyeed oo muhiim ah.

12/8/2022 5:36 AM EST
Khamiis, December, 8, 2022 (HOL) - Hay'adda lacagta adduunka ee IMF ayaa warbixin cusub oo ay maanta soo saartay waxay ku sheegtay in dowladda Soomaaliya ay buuxisay dhammaan sharuudihii looga baahnaa, si looga cafiyo deymaha badan ee lagu leeyahay dalka.

12/8/2022 5:11 AM EST
Khamiis, December, 8, 2022 (HOL) - Kooxo hubeysan oo dhalinyaro ah ayaa toogasho ku dilay isku duwahii Wasaarada Caafimaadka degmada Buurhakaba ee maamulka Koonfur Galbeed Soomaaliya, xili uu ku sugnaa Isbitaal kuyaala degmada Buurhakaba ee gobolka Baay.

12/8/2022 1:19 AM EST
Khamiis, December, 8, 2022 (HOL) - Warar dheeraad ah ayaa kaasoo baxaya dagaal xoogan oo saakay aroornimadii hore ku dhexmaray deegaanka Beerxaano ciidamada deegaanka ee loo yaqaano Macawiisleey iyo kuwa Ururka Al-shabaab.

12/8/2022 1:10 AM EST
Khamiis, December, 8, 2022 (HOL) - Isku duwaha gargaarka bini'aadantinimo ee Qaramada Midoobay ee Soomaaliya ayaa ka digay wuxuu ugu yeeray xaalad degdeg ah oo masiibo ah oo ka jirta Soomaaliya oo ay sabab u tahay abaaraha soo noqnoqday.