3/29/2024
Today from Hiiraan Online:  _
Wararka Maanta- Isniin, Aug 8 , 2022
Ciidanka dowladda Soomaaliya oo Maanta la wareegay deegaano ka tirsan gobolka Hiiraan
 

Isniin, Agoosto, 8, 2022 (HOL) - Ciidamada dowladda Soomaaliya ayaa Maanta la wareegay deegaano dhowr ah oo ka tirsan degmooyin Matabaan iyo Maxaas ee gobolka Hiiraan, kadib howlgalo balaaran oo saacadihii ugu dambeeyay ay sameeyeen ciidanka Xoogga dalka Soomaaliyeed.

Deegaanada ciidanka xoogga dalka Soomaaliyeed ay Maanta la wareegeen ayaa waxaa ka mid ah Bukure, Laassaban, Coomaad, Bacda, Qabno iyo tuulooyin kale, waxaana howlgaladaasi hoggaaminaayay guddoomiyaha maamulka gobolka Hiiraan Cali Jeyte Cismaan.

Deegaanada qaar ee Maanta la wareegeen ciidanka dowladda waxaa ka mid ahaa deegaano shalay dyaaradaha dagaalka dowladda Itoobiya ay ka fuliyeen duqeymo culus oo la sheegay iney la eegteen Saldhigyo Al-shabaab ku lahayeen deegaanada Qanbo iyo Buurta surtaag oo ah deegaano hoostaga degmada Matabaan.

Saraakiisha ciidanka xoogga dalka qeybta 27-aad ayaa waxay sheegeen in ciidanka ay sii wadi doonaan howlgalada culus oo ay kula dagaalamayaan Shabaab, xili Al-shabaab shalay galinkii dambe ay gubeen ilaa 7 tuulo oo ka mid ah tulooyinka hoostaga degmada Maxaas ee gobolka Hiiraan, islamarkaana ay qarxiyeen Ceelashii biyaha ka cabayeen dadka iyo duunyada ku noola deegaanadaasi.

Gudoomiyaha gobolka Hiiraan Cali jeyte oo hoggaaminaayo ciidamo aad u fara badan ayaa mudo laba bilood ku dhaw waxay ku sugan yihin inta u dhaxeysa magaalooyinka Maxaas, Matabaan iyo Baledweyne, iyagoo sheegay iney wadaan howlgalo ka dhan ah Al-shabaab, hayeeshee Al-shabaab ayaa wali ku sugan deegaanadii ay horay u joogeen mana jirto wax isbadal ah oo ay soo kordhiyeen howlgalada labada bilood qaatay ee cidanka dowladda iyo guddoomiye Jeyte ay ka wadaan inta u dhaxeysa Baledweyne, Matabaan iyo Maxaas.

Jamaal Cali Cabdi, Hiiraan Online
[email protected]












Click here
8/8/2022 1:10 PM EST
Isniin, Agoosto, 8, 2022 (HOL) - Madaxweynaha Koonfur galbeed Soomaaliya, Cabdicasiis Laftagareen iyo Wafdi uu hoggaaminayo ayaa maanta ka degey magaalada Jigjiga ee caasimadda dowlad degaanka Soomaalida, iyadoo garoonka diyaaradaha ee Magaalada Jigjiga uu kusoo dhaweeyay Madaxweynaha dowlad degaanka Soomaalida Mustafe cagjar iyo qaar kamid ah golihiisa Wasiirada.

8/8/2022 1:03 PM EST
Isniin, Agoosto, 8, 2022 (HOL) - Ciidanka Liyuu Booliska degaanka Soomaalida ayaa sheegay in Ururka Al Shabaab laga qabtay Miinooyin.

8/8/2022 10:04 AM EST
Isniin, Agoosto, 8, 2022 (HOL) - Madaxweyne ku xigeenka koowaad ee maamulka Jubbaland Maxamuud Sayid Aadan ayaa soo dhaweeyay ansixinta Xukuumadda cusub ee Raysal wasaare Xamse Cabdi Barre oo uu horay u dhaliilay dhismaheeda.

8/8/2022 9:38 AM EST
Isniin, Ogosto, 8, 2022 (HOL) - Wasiiro, wasiir ku xigeeno iyo masuuliyiin kale oo ka tirsan xukuumada Somaliland, ayaa shacabka ugu baaqay in ay nabada ilaaliyaan, mucaaradkana usoo jeediyay in ay dabaqaan sharciga.

8/8/2022 8:27 AM EST
Isniin, Agoosto, 8, 2022 (HOL) - Lix Kun oo arday ayaa waxbarashadii ugu haray saameynta ka dhalatay abaaraha ka jira Puntland, sida lagu sheegay war-saxaafadeed kaso baxay wasaaradda waxbarashada maamulka Puntland.

8/8/2022 8:18 AM EST
Isniin, Ogosto, 8, 2022 (HOL) - Xisbiga mucaaradka Somaliland ee Waddani, ayaa diiday kulan uu ka dalbaday wasiirka arrimaha gudduhu, kadib ogaysiiskii mudaharaad ee ay shalay u gudbiyeen, xili xukuumadu xabsiga dhigtay masuuliyiin ka tirsan mucaaradka.

8/8/2022 7:36 AM EST
Isniin, Agoosto, 8, 2022 (HOL) - Madaxweynaha dowladda Federaalka Soomaaliya Xasan Sheekh Maxamuud iyo wafdi uu hoggaaminayo ayaa Maanta u ambabaxay dalka Uganda, kadib martiqaad rasmi ah oo uu ka helay madaxweynaha dalka Uganda Yoweri Museveni.

8/8/2022 3:14 AM EST
Isniin, Agoosto, 8, 2022 (HOL) - Wararka ka imaanaya degmada Maxaas ee gobolka Hiiraan ayaa sheegaya in dagaalmayaasha Al-shabaab ay dab qabad siiyeen ilaa 7 tuulo oo ka mid ah tuulooyinka hoostaga degmada Maxaas ee gobolka Hiiraan.

8/8/2022 2:11 AM EST
Isniin, Agoosto, 8, 2022 (HOL) - Madaxweynaha Turkiga Recep Tayyip Erdoğan ayaa khadka taleefoonka kula hadlay Madaxweynaha Soomaaliya Xasan Sheekh Maxamuud, xalay oo Axad ahayd.

8/8/2022 1:58 AM EST
Isniin, Agoosto, 8, 2022 (HOL) - Maamulka Jubbland ayaa xaqiijiyay inay ciidmo Itoobiyaan ah oo kasoo gudbay xadka labada dal ay gaareen qeybo kamid ah gobolka Gedo, maalmo kadib dagaalladii Itoobiya Alshabaab kula gashay gobolka Bakool iyo xadka.