12/5/2022
Today from Hiiraan Online:  _
Wararka Maanta- Arbaco, Aug 3 , 2022
Booliiska Kenya oo qabtay nin aad loo doon doonayay oo madaxiisa la dul dhigay hal milyan dollar
 

Arbaco, Agoosto, 3, 2022 (HOL) - Hay’adda dambi baarista dalka Kenya ayaa waxay gacanta ku dhigtay nin si aad ah looga baadi goobayay Kenya.

Cabdi Xuseen Axmed oo loo yaqaan Abu Khadi, ayaa lagu xiray gobolka Meru ka dib markii ay booliisku heleen xog sir ah oo ku saabsan halka uu ku dambeeyay.

Ninkaan ayaa dowladda Maraykanka waxay madaxiisa dul dhigtay lacag dhan 119 milyan oo shilinka dalka Kenya ah.

Waxaa loo haystaa inuu ka ganacsado daroogada. Isaga iyo kooxdiisa waxaa lagu helay inay qeybin jireen daroogada nuuca loo yaqaano heroin, taasoo uu ku mutaysan karo toban sano oo xabsi ah.

Waxaa sidoo kale lagu daray liiska dadka sida aadka ah loo doon doonayo ka dib markii lagu eedeeyay inuu ku lug lahaa ugaarsi sharci darro ah oo loo geystay in ka badan 35 wiyil iyo 100 maroodi ah.

Booliiska Kenya ayaa sidoo kale bishii June ee lasoo dhaafay qabtay nin kale oo isagana uu Maraykanku doon doonayay.

Badru Cabdul Casiis Salax ayaa laga soo qabtay deegaanka Liboi ee ismaamulka Garissa xili uu doonayay inuu u gudbo dhanka Soomaaliya, sida laga soo xigtay ilo ka tirsan booliska.

Markii la qabtay waxay ahayd afar maalmood uun ka dib markii Agaasinka Danbi barista ee Kenya iyo Safaaradda Maraykanka ee Nairobi ay soo bandhigeen sawirkiisa, kaas oo si weyn loogu faafiyay warbaahinta.












Click here
8/3/2022 11:14 AM EST
Arbaco, Ogosto, 3, 2022 (HOL) - Xisbiga mucaaradka Somaliland ee UCID, ayaa Booliiska Somaliland ku eedeeyay in uu baal maray xeerka booliiska lagu dhaqo.

8/3/2022 9:38 AM EST
Arbaco, Agoosto, 3, 2022 (HOL) - Xildhibaanada Baarlamaanka Maamul goboleeda Hirshabeelle oo Maanta kulan ku yeeshay magaalada Jowhar ayaa ansixiyay xubnaha Golaha Wasiiradda Hirshabeelle oo laba cesho ka hor uu magacaabay madaxweynaha Maamulkaasi Cali Guudlaawe Xuseen.

8/3/2022 8:44 AM EST
Arbaco, Agoosto, 3, 2022 (HOL) - Culimada dowlad deegaanka Soomaalida, ayaa kullan ay isugu yimaadeen oo uu goob joog ka ahaa madaxweyne Mustafe Cagjar, waxay ku cambaareeyeen duullaankii ururka Alshabaab uu kusoo qaaday gobolka Afdheer.

8/3/2022 7:23 AM EST
Arbaco, Ogosto, 3, 2022 (HOL) - Xukuumada Somaliland ayaa xisbiyada mucaaradka uga digtay in ay dhigaan mudaharaad anay ogolaansho u haysan.

8/3/2022 7:16 AM EST
Arbaco, Ogosto, 3, 2022 (HOL) - Xukuumada Somaliland ayaa beenisay war ay warbaahinta Somali Dispatch, ku sheegtay in xukuumada Somaliland si qasab ah ku masaafurisay 34 qof oo Itoobiyaan ah.

8/3/2022 5:32 AM EST
Arbaco, Agoosto, 3, 2022 (HOL) - Wararka ka imaanaya deegaanka Golweyn oo ka mid ah deegaanada hoostaga degmada Buulo mareer ee gobolka Sh/hoose ayaa sheegaya in Saakay uu halkaasi ka dhacay dagaal xoogan oo dhexmaray ciidanka ATMIS gaar ahaan kuwa ka socda dalka Uganda iyo dagaalamayaal ka tirsan Al-shabaab.

8/3/2022 2:42 AM EST
Arbaco, Agoosto, 3, 2022 (HOL) - Warbaahinta caalamka ayaa si weyn u hadal haysa in Mukhtaar Roobow Abuu Mansuur oo horey uga tirsanaan jiray Alshabab, uu kamid noqdo golaha cusub ee wasiiradda Soomaaliya.

8/3/2022 2:16 AM EST
Arbaco, Agoosto, 3, 2022 (HOL) - Haweeney Soomaali ah, oo haysata dhalashadsa Holland ayaa lagu xukumay saddex sano oo xarig ah, kadib markii lagu soo eedeeyay inay lacago boqolaal dollar ah ugu deeqday kooxda Al-Shabaab.