3/28/2024
Today from Hiiraan Online:  _
Wararka Maanta- Axad, Nov 20, 2022
Madaxweynaha Koonfur Galbeed oo soo dhoweeyay baaqa shirka dib u heshiisiinta Koonfur Galbeed
 

Axad, November, 20, 2022 (HOL) - Madaxweynaha maamulka Koonfur Galbeed, Cabdicasiis Lafta Gareen, ayaa soo dhoweeyay shirka dib u heshiisiinta ee uu shalay ku baaqay guddoomiyaha barlamaanka Soomaaliya, Aadan Madoobe.

War-saxaafadeed kasoo baxay madaxtooyada Koonfur Galbeed ayaa lagu sheegay, in madaxweynuhu isagoo tixgalinaya danaha Koonfur Galbeed uu aqbalay baaqa guddoomiyaha barlamaanka Soomaaliya.

Madaxweyne Lafta Gareen wuxuu sheegay inuu soo gudbindoono waqtiga uu shirku furmidoono.

Doorashadii xildhibaannada labada aqal iyo qalaalasihii ka dhashay doorashadii uu ku yimid madaxweyne Lafta Gareen, ayaa Koonfur Galbeed dhaxal siisay kala qeybsanaan siyaasadeed oo weyn.

Lafta Gareen ayaa siyaasiyiin muddo dheer ku fadhiyay kuraasta barlamaanka aqalka hoose, meesha ka saaray, isagoo kusoo beddelay wajiyo ku cusub siyaasada.

Taas waxay keentay in maamulku uu yeesho mucaarad xooggan oo ku doodaya in doorashada madaxweynaha Koonfur Galbeed ay dhacdo December sannadkan, halka barlamaanka Koonfur galbeed uu hal sano u kordhiyay madaxweyene Lafta Gareen.













Click here
11/20/2022 1:53 PM EST
Axad, November, 20, 2022 (HOL) - Madaxweynaha Soomaaliya Xasan Sheekh Maxamuud ayaa soo saaray wareegto uu ku magacaabay guddoomiye ku xigeenada iyo xoghayaha guud ee gobolka Banaadir.

11/20/2022 12:36 PM EST
Shalay Sabti ahayd waxaa magaalada Phoenix ee Gobolka Arizona Masjidka Al Rahma lagu soo gabgabeeyey shirkii Jimciyadda Islaamiga ee Waqooyiga America, Islamic Association of North Ameica (IANA).

11/20/2022 10:20 AM EST
Axad, November, 20, 2022 (HOL) - Waqti aad u kooban kaliya ayaa ka harsan iney bilaabato munaasabadda furitaanka koobka kubadda cagta Aduunka oo ay sanadkaan 2022-ka ay marti galineyso wadanka Qatar.

11/20/2022 9:01 AM EST
Axad, November, 20, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud iyo wafdi uu hoggaaminaayo ayaa Maanta gaaray magaalada Baledweyne ee xarunta gobolka Hiiraan, halkaasoo si weyn loogu soo dhaweeyay.

11/20/2022 7:56 AM EST
Axad, November, 20, 2022 (HOL) - Xukuumada Somaliland ayaa sheegtay in lagu leeyahay dayn dhan $45 milyan, dayntaasi oo aan hore loo ogayn.

11/20/2022 7:45 AM EST
Axad, November, 20, 2022 (HOL) - Xisbiga mucaaradka Somaland ee UCID, ayaa waxan suuragal ahayn ku tilmaamay sharciyadii shalay golaha fulinta ee xisbiga Kulmiye sheegeen in ay kala noqdeen xisbiyada mucaaradka.

11/20/2022 5:08 AM EST
Axad, November, 20, 2022 (HOL) - Wararka naga soo gaaraya magaalada Baledweyne ee xarunta gobolka Hiiraan ayaa sheegaya in goordhaw gabi ahaanba uu istaagay dhamaan dhaqdhaqaaqyadii kala duwana ee ganacsiga iyo isku socodka dadka iyo gaadiidka, islamarkaana wadooyinka waa weyn lasoo dhoobay ciidamo aad u farabadan.

11/20/2022 4:45 AM EST
Axad, November, 20, 2022 (HOL) - Waxaa god dahabka laga qado oo kuyaala deegaanka Milxo oo katirsan degmada Laasqoray ee gobolka Sanaag laga soo saaray maydka nin dhallinyaro ah oo shalay uu la dumay god uu dahab ka baarayay.

11/20/2022 4:00 AM EST
Axad, November, 20, 2022 (HOL) - Souef Mohamed El-Amine oo ah Dublamaasi u dhashay dalka Comoros, ayaa la wareegay inuu noqdo madaxa howlgalka Midowga Afrika ee Soomaaliya (ATMIS), ku dhawaad 7 bilood ka dib markii ay dowladda Soomaaliya cayrisay ergaygii hore ee Francisco Madeira.

11/20/2022 1:24 AM EST
Axad, November, 20, 2022 (HOL) - Wasiirka gaadiidka iyo duulista hawada Xukuumadda Federaalka Soomaaliya, Xil. Fardowsa Cusmaan Cigaa iyo Safiirka Kenya u jooga Soomaaliya, Thomas Chepkoto, ayaa wada hadal ka yeeshay xoojinta iskaashiga duulimaadka ee labada dhinac, ansixinta heshiisyada gaadiidka iyo duullimaadka iyo dib u soo celinta duulimaadyada Kenya Airways.

11/20/2022 1:18 AM EST
Axad, November, 20, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud oo shalay safaro ku tagay deegaano ka kala tirsan gobolada Hiiraan, Galgaduud iyo Mudug ayaa Xalay ku hoyday magaalada Dhuusamareeb ee xarunta maamulka Galmudug.