3/28/2024
Today from Hiiraan Online:  _
Wararka Maanta- Arbaco, Dec 7 , 2022
Madaxweyne Xasan Sheikh: Dowladdu qabaa’il ma hubayn, laakiin waxay ku taageertay inay deegaanadooda ka xoraystaan Alshabaab
 

Arbaco, December, 7, 2022 (HOL) - Madaxweyne Xasan Sheikh Maxamuud ayaa sheegay, dowladda Soomaaliya in aysan marnaba ku talo galin inay hubayso qabaa’ilada Soomaaliyeed, hase ahaatee wuxuu sheegay dowladdu inay qabaailada ku taageertay inay deegaanadooda ka xoraystaan kooxda Alshabaab.

Madaxweyne Xasan Sheikh oo khudbad ka jeedinayay shirka aragti wadaaga Soomaalida ee Heritage ee ka socda dalka Jabuuti, ayaa sheegay dowladdu inay taageertay oo dhiirri galisay inay dadku kacaan oo deegaanadoodii dib ugu laabtaan, si ay isaga dulqaadaan dhibaatada Alshabaab ku hayaan.

“Qabaail baa la hubaynayaa. Mushkilad qabiil baa la galayaa. Mushkilad qabiil waan soo marnay. Laakiin tanoo kale ma ahayn, wax la isbarbar dhigi karana ma ay ahayn,” ayuu yiri madaxweyne Xasan Sheikh.

Madaxweynuhu wuxuu Alshabaab ku tilmaamay Kansar madaxa gala oo aan dawo lahayn oo u baahan in la cirirbtiro. Wuxuu sidoo kale mushkiladda qabiil ku sifeeyay arrin dadka Soomaaliyeed ay xal u heli karaan oo aan u cuslays lahayn sida Alshabaab oo kale.

Wuxuu sheegay madaxweynuhu inay haatan Soomaaliya ka fikerayso, Shabaab gadaashiis sida dalka dib u dhis loogu sameyn lahaa oo loo heli lahaa Soomaaliya oo ka madax bannaan fikirkii xagjirnimo ee Shabaab.












Click here
12/7/2022 9:26 AM EST
Arbaco, December, 7, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud iyo wafdi uu hoggaaminaayo oo ku sugan dalka Jabuuti ayaa Maanta kulan kula qaatay Madaxtooyada dalka Jabuuti madaxweynaha dalkaas Ismaaciil Cumar Geelle.

12/7/2022 8:23 AM EST
Arbaco, December, 7, 2022 (HOL) - Ergeyga gaarka ah ee madaxweynaha Soomaaliya u qaabilsan arrimaha bani’aadantinimada iyo gurmadka abaaraha ayaa bogaadiyay taageerada dowladda Imaaraadka ay u fidisay dadka ay saameeyeen abaaraha Soomaaliya.

12/7/2022 6:14 AM EST
Arbaco, December, 7, 2022 (HOL) - Xisbiyada mucaaradka Somaliland oo la kulmay dibu-lumaasiyiin ka socda Norwey iyo Turkiga, oo doonayay in dib loo furo wada-hadaladii Somaliland iyo Soomaaliya, ayaa u sheegay in anay wakhtihan haboonayn in wada-hadalada dib loo furo.

12/7/2022 5:22 AM EST
Arbaco, December, 7, 2022 (HOL) - Maxkamadda ciidamada qalabka sida ee Soomaaliya ayaa xabsi daa’in ku xukuntay Ismaaciil Xasan Salaad Nuur, oo ahaa darawal mooto Bajaaj oo katirsan Alshabaab una qaabilsanaa gurmadka iyo kala gudbinta hubka iyo qaraxyada.

12/7/2022 3:30 AM EST
Arbaco, December, 7, 2022 (HOL) - Ciidamada dowladda Soomaaliya oo garabsanaya kuwa dadka deegaanka ayaa Maanta la wareegay gacan ku heynta deegaanka Buurweyn oo ka mid ah deegaanada hoostaga degmada Buulaburte ee gobolka Hiiraan.

12/7/2022 12:42 AM EST
Arbaco, December, 7, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa sheegay in madaxweyne Biixi aanu haysan sharciyad uu ku matalo shacabka Somaliland oo uu kula hadlo Soomaaliya.