12/1/2022
Today from Hiiraan Online:  _
Wararka Maanta- Sabti, Aug 13, 2022
Xildhibaannada Golaha Wakiilada Somaliland oo cambaareeyay xukuumada Somaliland
 

Sabti, Ogosto, 13, 2022 (HOL) - Xildhibaannada kasoo jeeda xisbiyada mucaaradka Somaliland ee ka tirsan golaha wakiilada, ayaa wax laga xumaado ku tilmaamay habkii ciidamada booliisku ula dhaqmeen mudaharaayaasha mucaaradka bannaanbixii 11 August.

Xildhibaan Maxamed Abiib ayaa sheegay in madaxweynaha Somaliland qaldanyahay, isla markaana loo baahanyahay in la saxo, isagoona xukuumada ku eedeeyay in ay sharcigii baal martay.

"Rasuulku waxa uu yidhi marka uu walaalkaa saxanyahayna waa in aad quwayso, marka uu qaldanyahayna waa in aad qabato, waaxdii fulinta ee golahani uu dheeli tirayay, way xad gudubtay" ayidhi xildhibaan Abiib.

Waxa uu sheegay in qawaaniintii Somaliland ay xukuumadu ka gudubtay, isla markaana ay mudaharaadayaasha gacan kulul kala hortagtay, waxa uu intaa ku daray in dhamaan dadka dhintay ay ku dhinteen dhulkii loo asteeyay in uu mudaharaadku ka dhaco.

Xildhibaan Mustafe Khayreeye oo isna goobta ka hadlay, ayaa sheegay in booliisku anay mar marsiyo ka dhigan karin dhagax ayaa laygu soo tuuray.

"Hadii askariga inan yar oo miskiin ah oo dhowr iyo toban jir ahi, uu dhagax ku dhufto ma xabad ayuu ku dhufanaya?" Ayuu yidhi Khayreeye, waxa uu intaa ku daray in anay ahayn in ciidan shacabka tooganaya loo diro goobta mudaharaadka, lakiin booliiska rabshadaha ka hortaga la howlgaliyo.

Waxa ay xildhibaannadu sheegeen in ay dib iskugu noqon doonaan, oo ay xaalada wax ka qaban doonaan, waxay madaxweynaha usoo jeediyeen in uu xaalada dajiyo madaama oo uu yahay odaygii umada.

Abdilahi Geel-maal, Hiiraan Online
[email protected]












Click here
8/13/2022 12:39 PM EST
Sabti, Agoosto, 13, 2022 (HOL) - Maxkamadda racfaanka gobolka Bari ee Puntland, ayaa xukun dil ah ku riday shabakad ka kooban afar nin oo horey loogu xukumay dil toogasho, kuwaas oo katirsanaa ururka Daacish.

8/13/2022 10:48 AM EST
Sabti, Agoosto, 13, 2022 (HOL) - Wasiirka Wasaaradda Dekedaha Xukuumadda Fedaraalka Soomaaliya Cabdullaahi Axmed Jaamac Ilkajiir oo ay wehlinayeen wasiru dowlaha Xafiiska Raysal wasaaraha Soomaaliya Xirsi Jaamac Gaani, Xoghayaha Joogtada ee Xafiiska Raysal Wasaare Xamse, Maxamed Abuukar Zubeyr iyo masuuliyiin kale ayaa Maanta la wareegay deeq raashin oo ka timid dowladda Imaaraadka Carabta.

8/13/2022 10:45 AM EST
Sabti, Ogosto, 13, 2022 (HOL) - Madaxweynaha Somaliland Muuse Biixi Cabdi, ayaa qaabilay wafti Maraykan ah oo ka kooban diblumaasiyiin, saraakiil ciidan iyo saraakiil ka socda akaadamiyada Heritage Foundation oo safar shaqo ku jooga Somaliland.

8/13/2022 9:46 AM EST
Sabti, Agoosto, 13, 2022 (HOL) - Hoggaamiyaha ruug cadaaga ah ee mucaaradka Raila Odinga ayaa hoggaaminaya tartanka madaxtinimada Kenya, sida ay muujisay natiijada rasmiga ah ee doorashada ee soo baxday Sabtida maanta.

8/13/2022 7:30 AM EST
Sabti, Agoosto, 13, 2022 (HOL) - Madaxweynaha Puntland Siciid Cabdullaahi Deni, ayaa amray in la joojiyo in la iibiyo buugaagta manhajka waxbarashada dusgiyada sare ee Puntland, inta dib loo eegayo si loo saxo khaladaadka jira hadda, sida uu sheegay.

8/13/2022 7:14 AM EST
Sabti, Ogosto, 13, 2022 (HOL) - Xisbiga mucaaradka Somaliland ee UCID, ayaa madaxweynaha Somaliland Muuse Biixi Cabdi, ku eedeeyay in uu u hamuum qabo in uu daadiyo dhiiga shacabka.

8/13/2022 3:28 AM EST
Sabti, Agoosto, 13, 2022 (HOL) - Waxaa wali ka soconaya deegaanada u dhaxeeya magaalooyinka Matabaan, Maxaas iyo Baledweyne howlgalada ay iska kaashanayaan ciidanka dowladda Soomaaliya iyo kuwa deegaanka ee loo yaqaano Macawiisleyda.

8/13/2022 1:40 AM EST
Sabti, Agoosto, 13, 2022 (HOL) - Markab gargaar oo laga leeyahay Imaaraadka ayaa ku soo xirtay dekedda magaalada Muqdisho si uu u gaarsiiyo 1,000 tan oo sahay cunto ah oo loogu talagalay ku dhawaad 2.5 milyan oo qof oo ay saameeyeen abaaraha ka jira dalka.

8/13/2022 1:12 AM EST
Sabti, Ogosto, 13, 2022 (HOL) - Nin aan haybtiisa la aqoonsan oo afka soo duubtay, ayaa 2 qof ku dhaawacay degmada Maxamuud Haybe ee magaalada Hargaysa, kadib markii uu rasaas ku furay.