12/1/2022
Today from Hiiraan Online:  _
Wararka Maanta- Sabti, Aug 13, 2022
Madaxweynaha Puntland oo amray in la joojiyo iibinta buugaagta manhajka waxbarashada dugsiyada sare
 

Sabti, Agoosto, 13, 2022 (HOL) - Madaxweynaha Puntland Siciid Cabdullaahi Deni, ayaa amray in la joojiyo in la iibiyo buugaagta manhajka waxbarashada dusgiyada sare ee Puntland, inta dib loo eegayo si loo saxo khaladaadka jira hadda, sida uu sheegay.

Madaxweyne Deni ayaa ayaa faray masuuliyiinta wasaaradda waxbarashada iyo tacliinta sare ee Puntland, in la fuliyo amarkan laga billaabo maanta 13 August 2022 illaa amar danbe.

Amarka madaxweyne Deni ayaa kusoo aaday, iyadoo aad looga cabanayay lacag $55 oo ay wasaaradda waxbarashadu kusoo rogtay  qaadashada buugaagta manhajka waxbarashada.

Wasiirka waxbarashada, Cabdullaahi Axmed Xasan ayaa dhowaan sheegay inay waalidiinta ka qafiifiyeen lacagta buugaagta, isagoo sheegay in si tartiib ah uu isaga bixin karo waalidkii aan awoodin inuu buugaagta halmar iibsado.

Cabashada waalidiinta ayaa gaartay madaxweynaha Puntland, kadib markii baraha bulshada ay kasoo muuqdeen waalidiin danyar ah oo aad uga cabanayay inaysan bixin karin lacagaha buugaagta lagu iibsanayo.

Arrimahan oo idil ayaa kusoo aaday, xilli in ka badan 6,000 oo arday ay waxbarashada uga hareen saameynta abaaraha Puntland, kadib markii waalidiintu awoodi waaayeen inay bixiyaan qarashka waxbarashada carruurtooda.












Click here
8/13/2022 12:39 PM EST
Sabti, Agoosto, 13, 2022 (HOL) - Maxkamadda racfaanka gobolka Bari ee Puntland, ayaa xukun dil ah ku riday shabakad ka kooban afar nin oo horey loogu xukumay dil toogasho, kuwaas oo katirsanaa ururka Daacish.

8/13/2022 10:48 AM EST
Sabti, Agoosto, 13, 2022 (HOL) - Wasiirka Wasaaradda Dekedaha Xukuumadda Fedaraalka Soomaaliya Cabdullaahi Axmed Jaamac Ilkajiir oo ay wehlinayeen wasiru dowlaha Xafiiska Raysal wasaaraha Soomaaliya Xirsi Jaamac Gaani, Xoghayaha Joogtada ee Xafiiska Raysal Wasaare Xamse, Maxamed Abuukar Zubeyr iyo masuuliyiin kale ayaa Maanta la wareegay deeq raashin oo ka timid dowladda Imaaraadka Carabta.

8/13/2022 10:45 AM EST
Sabti, Ogosto, 13, 2022 (HOL) - Madaxweynaha Somaliland Muuse Biixi Cabdi, ayaa qaabilay wafti Maraykan ah oo ka kooban diblumaasiyiin, saraakiil ciidan iyo saraakiil ka socda akaadamiyada Heritage Foundation oo safar shaqo ku jooga Somaliland.

8/13/2022 9:46 AM EST
Sabti, Agoosto, 13, 2022 (HOL) - Hoggaamiyaha ruug cadaaga ah ee mucaaradka Raila Odinga ayaa hoggaaminaya tartanka madaxtinimada Kenya, sida ay muujisay natiijada rasmiga ah ee doorashada ee soo baxday Sabtida maanta.

8/13/2022 7:46 AM EST
Sabti, Ogosto, 13, 2022 (HOL) - Xildhibaannada kasoo jeeda xisbiyada mucaaradka Somaliland ee ka tirsan golaha wakiilada, ayaa wax laga xumaado ku tilmaamay habkii ciidamada booliisku ula dhaqmeen mudaharaayaasha mucaaradka bannaanbixii 11 August.

8/13/2022 7:14 AM EST
Sabti, Ogosto, 13, 2022 (HOL) - Xisbiga mucaaradka Somaliland ee UCID, ayaa madaxweynaha Somaliland Muuse Biixi Cabdi, ku eedeeyay in uu u hamuum qabo in uu daadiyo dhiiga shacabka.

8/13/2022 3:28 AM EST
Sabti, Agoosto, 13, 2022 (HOL) - Waxaa wali ka soconaya deegaanada u dhaxeeya magaalooyinka Matabaan, Maxaas iyo Baledweyne howlgalada ay iska kaashanayaan ciidanka dowladda Soomaaliya iyo kuwa deegaanka ee loo yaqaano Macawiisleyda.

8/13/2022 1:40 AM EST
Sabti, Agoosto, 13, 2022 (HOL) - Markab gargaar oo laga leeyahay Imaaraadka ayaa ku soo xirtay dekedda magaalada Muqdisho si uu u gaarsiiyo 1,000 tan oo sahay cunto ah oo loogu talagalay ku dhawaad 2.5 milyan oo qof oo ay saameeyeen abaaraha ka jira dalka.

8/13/2022 1:12 AM EST
Sabti, Ogosto, 13, 2022 (HOL) - Nin aan haybtiisa la aqoonsan oo afka soo duubtay, ayaa 2 qof ku dhaawacay degmada Maxamuud Haybe ee magaalada Hargaysa, kadib markii uu rasaas ku furay.