3/29/2024
Today from Hiiraan Online:  _
Wararka Maanta- Khamiis, Sept 30, 2021
Doorashada kuraasta Aqalka sare ee gobolada Waqooyi oo maanta lasoo gabagabeyn doono
 

Khamiis, September, 30, 2021 (HOL) - Waxaa maanta lagu wadaa in Teendhada Afisyooni ee magaalada Muqdisho ay ka dhacdo doorashada shan ka mid ah kuraasta Aqalka sare xubnaha ku matalaya gobolada Waqooyi oo gabagaba u noqonaya tirada guud ee kuraasta aqalka sare ee Somaliland oo ka kooban 11 xubnood, iyadoo shalayna la doortay lix Senatar.

Mushqraxiinta ku tartameysa shanta kursi ee maanta doorashadoodu dhaceyso ayaa xalay si weyn looga dareemayay ololahooda doorashada maanta ay galayaan oo ka dhaceysa Teendhada Afisyooni ee magaalada Muqdisho.

Kursiga koowaad ee maanta doorashadiisa dhaceyso waxaa ku wada tartamaya musharaxiinta kala ah Saciid Cabdi Xasan iyo Jaamac Cabdullaahi Maxamed.

Kursiga labaadna waxaana ku wada tartami doono ilaa sadax dumar ah oo ay ka mid tahay Muna Cumar Xasan oo aheyd Senataradii afartii sano ee lasoo dhaafay kursiga ku fadhisay, Naciima Xasan Xaaji Maxamuud iyo Sucaad Xasan Maxamed.

Kursiga sadaax ee doorashada maanta dhaceysa waxaa ku tartami doona sadax Musharax oo kala ah Cabdirisaaq Axmed Cali, Xasan Cabdi Gaas iyo Axmed Maxamed Saciid.

Kursiga afaraad ayaa waxaa sidoo kale ku wada tartami doona laba Musharax oo kala ah Axmed Ibraahin Maxamed Qorane iyo Baashe Maxamed Ismaaciil.

Kursiga shanaad ee noqonaya maanta midka ugu dambeeya kuraasta lagu tartami doono iyo guud ahaan doorashada kuraasta aqalka sare ee gobolada Waqooyi ee Somaliland oo lagu dooranaayo magaalada Muqdisho, waxaa ku tartami doona laba dumar ah oo kala ah, Deeqa Xasan Xuseen iyo Hodan Abukar Xasan.

Doorashada kuraasta 11-ka ka kooban ee Senatarada gobolada Waqooyi uga mid noqonaya Baarlamaanka Soomaaliya ayaa sida qorshu yahay maanta soo gabagaboobeysa hadii shanta kursi lawada doorto.


Jamaal Cali Cabdi, Hiiraan Online
[email protected]












Click here
9/30/2021 9:21 AM EST
Khamiis, September, 30, 2021 (HOL) - Faahfaahin dheeraad ah ayaa kasoo baxaysa iska hor imaad deegaanka Bohol oo 20km u jirta Dhuuso-mareeb, ku dhexmaray ciidamada dowladda federalka Soomaaliya iyo kuwa Ahlusunna Waljameeca.

9/30/2021 7:30 AM EST
Khamiis, September, 30, 2021 (HOL) - Ergeyga Qaramada Midoobay u qaabilsan Soomaaliya, James Swan, ayaa ku boorriyay Dowladda Federaalka, Dowlad Goboleedyada iyo Guddiyada Doorashooyinka ee Heer Federaal iyo Heer Dowlad Goboleed inay sida ugu dhaqsiyaha badan u soo dhameystiraan doorashooyinka Golaha Wakiilada.

9/30/2021 5:28 AM EST
Khamiis, September, 30, 2021 (HOL) - Waxaa goordhaw si rasmi ah usoo gabagaboowday doorashada shan kursi oo ka harsaneyd kuraasta Aqalka sare ee gobolada Waqooyi ee Somaliland ku matalaya Baarlamaanka Fedaraalka Soomaaliya.

9/30/2021 4:21 AM EST
Khamiis, September, 30, 2021 (HOL) - Askari katirsan ciidanka Puntland ayaa xalay magaalada Garowe ku dilay sarkaal dhallinyaro ah oo katirsanaa ciiddanka badda Puntland ee loo yaqaan PMPF.

9/30/2021 2:31 AM EST
Khamiis, September, 30, 2021 (HOL) - Wararka naga soo gaaraya magaalada Jowhar ee xarunta gobolka Sh/dhexe ayaa sheegaya halkaasi lagu xirxiray afar dhalinyaro ah oo ka mid ahaa dadka ku dhaqan magaalada Jowhar.

9/30/2021 1:39 AM EST
Khamiis, September, 30, 2021 (HOL) - Maanta oo Khamiis ah ayaa waxaa guud ahaan Dowlad Degaanka Soomaalida Itoobiya ka bilaabantay cod bixinta doorashada 6aad oo dalka horey uga qabsoontay.