6/30/2022
Today from Hiiraan Online:  _
Wararka Maanta- Isniin, Oct 25, 2021
Banaanbax looga soo horjeedo dagaalka ka socda Guriceel oo ka dhacay magaalada Muqdisho
 

Isniin, October, 25, 2021 (HOL) - Banaanbaxaan maanta ka dhacay magaalada Muqdisho ayaa ahaa mid looga soo horjeedo dagaalka ka socda degmada Guriceel ee gobolka Galgaduud ee u dhaxeeya ciidamada dowladda iyo kuwa Galmudug oo dhinac ah iyo ciidamada Ahlu Sunna Waljameeca oo maalintii sadaxaad galay.

Dadka dhigaayay dibadbaxa ayaa u badnaa haween iyo Caruur, kuwaas oo isugu soo baxay Isgoyska Tarabuunka  ee degmada Hodan, waxayna halkaasi ku gubeen Taayarada baabuurta iyo qashin kale oo sababay inuu mudo saacado ah hakad galaan howlaha isku socodka gaadiidka dadweynaha.

Mudaaharaadayaasha waxay ku dhawaaqayeen erayo ay uga soo horjeedaan dagaalka ka socda degmada Guriceel, waxaana kamid ahaa, Qoor Qoor iyo Farmaajo doonimeyno, dhiig sokeeye doonimeyno iyo erayo kale oo la xariiray dagaalka Guriceel ka socda.

Banaanbaxayaasha qaarkood oo warbaahinta la hadlay ayaa madaxweynaha Soomaaliya Maxamed Cabdullaahi farmaajo iyo madaxweynaha Galmudug Axmed Cabdi Kaariye Qoorqoor ku eedeeyay hurinta dagaalka maalintii sadaxaad galay ee ka socda magaalada Guriceel ee gobolka Galgaduud.

Dibadbaxayaasha ayaa sidoo kale cod dheer ku dalbaday in dagaalka si sharuud la'aan ah loo joojiyo iyagoona ugu baaqay madaxda dowladda Soomaaliya iyo madaxdii horeba iney si deg deg ah uga qeyb qaataan sidii loo joojin lahaa dagaalka ka socda degmada Guriceel ee gobolka Galgaduud.

Gabagabadii banaanbaxa maanta ka dhacay magaalada Muqdisho ayaa imaanaya xili maalintii sadaxaad oo xiriir ah uu dagaal ka socdo degmada Guriceel ee gobolka Galgaduud, kaasoo geystay khasaare fara badan oo isugu jira dhimasho iyo dhaawac iyo mid hantiyadeed intaba.

Jamaal Cali Cabdi, Hiiraan Online
[email protected]













Click here
10/25/2021 3:27 PM EST
Isniin, October, 25, 2021 (HOL) - Qaramada Midoobay ayaa Baaq kasoo saartay xaaladda Bini’aadamnimada ee soo cusboonaatay magaalada Guriceel ee Dowlad Goboleedka Galmudug.

10/25/2021 10:15 AM EST
Isniin, October, 25, 2021 (HOL) - Ciidamada Booliiska Somaliland ee gobolka Sanaag, ayaa bilaabay howlgalo ay ku qab qabanayaan dadka aan Somaliland u dhalan ee gobolka ku dhaqan, khaasatan dadka kasoo jeeda maamulka Koonfur-galbeed ee Soomaaliya, iyadoo ay shalay ku ekayd mudadii ay xukuumada Somaliland u qabatay in dadkaasi gobolka kaga baxaan.

10/25/2021 7:58 AM EST
Isniin, October, 25, 2021 (HOL) - Raysal wasaraha dowladda federalka Soomaaliya, Maxamed Xuseen Rooble, ayaa Puntland iyo shacabkeeda ugu hambalyeeyay doorashada golayaasha deegaanka ee ka bilaabatay magaalooyinka Qardho, Eyl iyo Ufeyn.

10/25/2021 5:57 AM EST
Isniin, October, 25, 2021 (HOL) - Madaxweynihii hore ee maamulka Galmudug iyo wasiirkii hore ee arrimaha gudaha iyo amniga Soomaaliya, Cabdikariin Xuseen Guuleed, ayaa bogaadiyay doorashooyinka golayaasha deegaanka ee ka socda deegaannada Puntland.

10/25/2021 4:51 AM EST
Isniin, October, 25, 2021 (HOL) - Wasaaraddaha Gar-gaarka iyo maareynta masiibooyinka heer federaal, heer dowlad goboleed iyo gobolka Banaadir ayaa ka shiray xaaladaha bini’aadannimo ee ka taagan qeybo ka mid ah Soomaaliya.

10/25/2021 2:53 AM EST
Isniin, October, 25, 2021 (HOL) - Wararka ka imaanaya wadanka Suudaan ayaa sheegaya in raysal wasaarahii dalkaasi Cabdalla Xamduuk la galiyay xabsi guri saakay oo isniin sida uu baahiyay Tv-ga Alxadath ee dalkaasi.

10/25/2021 2:13 AM EST
Isniin, October, 25, 2021 (HOL) - Puntlland, waxaa saaka waaberigii ka billowday doorashooyin dadweynuhu ay codkoodu wax ku dooranayaan markii ugu horraysay 53 sano kadib, sida uu sheegay guddiga doorashooyinka Puntland.

10/25/2021 1:58 AM EST
Isniin, October, 25, 2021 (HOL) - Wararka ka imaanaya degmada Guriceel ee gobolka Galgaduud ayaa sheegaya in Saakay markale uu dib uga bilaawday dagaal xoogan oo u dhaxeeya ciidamada dowladda iyo kuwa Galmudug oo dhinac ah iyo ciidamada Ahlu Sunna Waljameeca.