3/29/2024
Today from Hiiraan Online:  _
Wararka Maanta- Sabti, Jun 12, 2021
Dil naxdin leh oo ka dhacay degmada Caabudwaaq ee gobolka Galgaduud
 

Sabti, Juun, 12, 2021  (HOL) - Wararka naga soo gaaraya degmada Caabudwaaq ee gobolka Gagaduud ayaa sheegaya in halkaasi nin hubeysnaa uu dil ugu geystay nin oday ahaa oo la sheegay inuu ku sugnaa gurigiisa xiliga la dilay.

Ninka odayga ah ee lagu dhex dilay hoygiisa ayaa lagu magacaabi jiray Axmed Odawaa waxaana la sheegay inuu ka mid ahaa dadka xoogsatada ah ee ka shaqeya dhismayaasha dhagaxa ah, lama oga ilaa hadda sababta ka dambeysa dilkiisa walow ninkii dilka geystay uu isaga baxsaday goobta.

Qaar ka mid ah dadka deegaanka oo la hadlay warbaahinta ayaa sheegay in marxuumka dhintay lagu hor toogtay xaaskiisa, islamarkaana aay la yaaban yihiin sababta ka dambeysa dilkan fajaca ku abuuray dadka degan xaafada Ubax ee degmada Caabudwaaq.

Marxuumka lagu dhex toogtay hoygiisa ayaa la sheegay inuu ifka kaga tagay 8 caruur ah iyo hooyadood oo ku noola, waxa uu xoogiisa kaga soo shaqeysto dhismayaasha guryaha dhagaxa ah.

Ciidamo ka tirsan Booliiska Soomaaliya ayaa dilka kadib gaaray goobta lagu dilay Marxuum Axmed Odawaa kuwaas oo baaritaano ka bilaabay xaafada uu dilka ka dhacay iyaga oo baadi goobaya ninkii dilka geystay oo goobta isaga baxsaday.

Jamaal Cali Cabdi, Hiiraan Online
[email protected]













Click here
6/12/2021 11:55 AM EST
Sabti, Juun, 12, 2021 (HOL) - Ra’iisul Wasaaraha Soomaaliya Maxamed Xuseen Rooble ayaa magacaabay guddi soo baara cabashada waalidiin Soomaaliyeed oo sheegay in aysan war iyo wacaal ka helin carruurtoodii oo ay sheegeen in tababar loogu diray dalka Eritrea.

6/12/2021 10:58 AM EST
Sabti, Juun, 12, 2021 (HOL) - Guddoomiyaha xisbiga mucaaradka ah ee Waddani Cabdiraxman Maxamed Cabdillaahi (Cirro), ayaa sheegay in isbahaygsigu uu guul u yahay mucaaradka isla markaana aanu wax cusub ahayn.

6/12/2021 9:57 AM EST
Sabti, Juun, 12, 2021 (HOL) - Dowladda Sacuudi ayaa maanta shaacisay in Xajka sanadkan loo ogolaan doono kaliya dadka muwaadiniinta ah ee ku nool gudaha wadanka Sacuudiga.

6/12/2021 9:23 AM EST
Sabti, Juun, 12, 2021 (HOL) - Madaxweynaha Somaliland Muuse Biixi Cabdi, ayaa sheegay in uu qorshaynayo in si xanaf la’aan ah ay doorashada mayorada iyo shirgudoonka wakiiladu kusoo dhamaato.

6/12/2021 8:49 AM EST
Sabti, Juun, 12, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa maanta kulan la qaatay Wakiilka Xoghayaha Guud ee Qaramada Midoobay James Swan kaas diiradda lagu saaray xaalada dalka.

6/12/2021 6:24 AM EST
Sabti, Juun, 12, 2021 (HOL) - Puntland ayaa maanta ku dhawaqday in la qaaday xayiraadii lagusoo rogay addeega lacagaha danabaysan ee sintiyada dollarka ee ay bixiyaan shirkaddaha isgaarsiinta ee ka howlgalla deegaanadeeda.

6/12/2021 6:05 AM EST
Sabti, Juun, 12, 2021 (HOL) - Dowladda Soomaaliya ayaa ku baaqday in la sameeyo guddi isku dhaf ah oo ka shaqeeya qaababka dib loogu soo celinayo xiriirkii diblomaasiyadeed ee kala dhexeeyay Kenya.

6/12/2021 5:43 AM EST
Sabti, Juun, 12, 2021 (HOL) - Warar dheeraad ah ayaa kasoo baxaya weerar dhabo gal ah oo aay ciidamo ka tirsan dhaqdhaqaaqa Al-shabaab klu qaadeen Kolanyo gaadiid ah oo aay wateen ciidamada Kenya oo ku socdaalayay deegaano ka tirsan degmada Mandhera ee gobolka waqooyi bari Kenya.

6/12/2021 4:46 AM EST
Sabti, Juun, 12, 2021 (HOL) - Wafdi uu hoggaaminaayo Safiirka Soomaaliya u fadhiyada dalka Turkiga Jaamac Ceydiid Maxamed ayaa gaaray magaalada Baku ee Caasimaadda wadanka Azerbaijan.

6/12/2021 2:03 AM EST
Sabti, Juun, 12, 2021 (HOL) - Wararka ka imaanaya magaalada Dhuusamareeb ee Caasimada maamulka Galmudug ayaa sheegaya in halkaasi xalay uu ka dhacay weerar sababay dhimasho iyo dhaawac.