10/21/2021
Today from Hiiraan Online:  _
Wararka Maanta- Sabti, Jun 12, 2021
Puntland oo xayiraadii ka qaaday lacagaha dabaneysan ee sintiyada dollarka
 

Sabti, Juun, 12, 2021 (HOL) - Puntland ayaa maanta ku dhawaqday in la qaaday xayiraadii lagusoo rogay addeega lacagaha danabaysan ee sintiyada dollarka ee ay bixiyaan shirkaddaha isgaarsiinta ee ka howlgalla deegaanadeeda.

Go’aankaan ayaa ka dambeeyay kadib markii dadweynuhu walaac xooggan ka muujiyeen go’aankan oo markii hore qorshaha laga lahaa uu ahaa in lagu socod siiyo isticmaalka shilin Soomaaliga.

Wasiir ku xigeenka maaliyadda Puntland, Cabdi Ibraahim Warsame (qowdhan) oo shir jaraa'id ku qabtay Garowe ayaa sheegay sababta loo qaaday xayiraada in ay tahay in lagu guulaystay in %70 la xareeyay lacagihii shilin Soomaaliga ee suuqa ku jiray.

Wasiirku wuxuu sheegay in hadda la isku miisaamay lacagaha dollarka iyo lacagaha shilin Soomaaliga ee suuqa yaal.

Waa markii labaad oo Puntland ka laabato xayiraad ay kusoo rogtay lacagaha danabaysan ee sintiyada dollarka muddo dhowr billood gudaheed, waxaana dadka qaarkood ay u sababeeyeen in ay shaqeyn waayeen isbedelkii laga filayay awaamiirtaan.

Go’aanadan waxay aad u saameeyeen dadka danyarta ah oo aad u isticmaali jiray lacagaha jajabka dollarka, waxaana ka dhashay sicir barar xooggan oo ku yimid qiimaha maciishada.

Abdiweli M. Sheikh, Hiiraan Online












Click here
6/12/2021 11:55 AM EST
Sabti, Juun, 12, 2021 (HOL) - Ra’iisul Wasaaraha Soomaaliya Maxamed Xuseen Rooble ayaa magacaabay guddi soo baara cabashada waalidiin Soomaaliyeed oo sheegay in aysan war iyo wacaal ka helin carruurtoodii oo ay sheegeen in tababar loogu diray dalka Eritrea.

6/12/2021 10:58 AM EST
Sabti, Juun, 12, 2021 (HOL) - Guddoomiyaha xisbiga mucaaradka ah ee Waddani Cabdiraxman Maxamed Cabdillaahi (Cirro), ayaa sheegay in isbahaygsigu uu guul u yahay mucaaradka isla markaana aanu wax cusub ahayn.

6/12/2021 9:57 AM EST
Sabti, Juun, 12, 2021 (HOL) - Dowladda Sacuudi ayaa maanta shaacisay in Xajka sanadkan loo ogolaan doono kaliya dadka muwaadiniinta ah ee ku nool gudaha wadanka Sacuudiga.

6/12/2021 9:23 AM EST
Sabti, Juun, 12, 2021 (HOL) - Madaxweynaha Somaliland Muuse Biixi Cabdi, ayaa sheegay in uu qorshaynayo in si xanaf la’aan ah ay doorashada mayorada iyo shirgudoonka wakiiladu kusoo dhamaato.

6/12/2021 8:49 AM EST
Sabti, Juun, 12, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa maanta kulan la qaatay Wakiilka Xoghayaha Guud ee Qaramada Midoobay James Swan kaas diiradda lagu saaray xaalada dalka.

6/12/2021 6:37 AM EST
Sabti, Juun, 12, 2021 (HOL) - Wararka naga soo gaaraya degmada Caabudwaaq ee gobolka Gagaduud ayaa sheegaya in halkaasi nin hubeysnaa uu dil ugu geystay nin oday ahaa oo la sheegay inuu ku sugnaa gurigiisa xiliga la dilay.

6/12/2021 6:05 AM EST
Sabti, Juun, 12, 2021 (HOL) - Dowladda Soomaaliya ayaa ku baaqday in la sameeyo guddi isku dhaf ah oo ka shaqeeya qaababka dib loogu soo celinayo xiriirkii diblomaasiyadeed ee kala dhexeeyay Kenya.

6/12/2021 5:43 AM EST
Sabti, Juun, 12, 2021 (HOL) - Warar dheeraad ah ayaa kasoo baxaya weerar dhabo gal ah oo aay ciidamo ka tirsan dhaqdhaqaaqa Al-shabaab klu qaadeen Kolanyo gaadiid ah oo aay wateen ciidamada Kenya oo ku socdaalayay deegaano ka tirsan degmada Mandhera ee gobolka waqooyi bari Kenya.

6/12/2021 4:46 AM EST
Sabti, Juun, 12, 2021 (HOL) - Wafdi uu hoggaaminaayo Safiirka Soomaaliya u fadhiyada dalka Turkiga Jaamac Ceydiid Maxamed ayaa gaaray magaalada Baku ee Caasimaadda wadanka Azerbaijan.

6/12/2021 2:03 AM EST
Sabti, Juun, 12, 2021 (HOL) - Wararka ka imaanaya magaalada Dhuusamareeb ee Caasimada maamulka Galmudug ayaa sheegaya in halkaasi xalay uu ka dhacay weerar sababay dhimasho iyo dhaawac.