12/6/2021
Today from Hiiraan Online:  _
Wararka Maanta- Sabti, Jun 12, 2021
Dowladaha Soomaaliya iyo Azerbaijan oo ka wadahadlay Xiriirka labada dal
 

Sabti, Juun, 12, 2021  (HOL) - Wafdi uu hoggaaminaayo Safiirka Soomaaliya u fadhiyada dalka Turkiga Jaamac Ceydiid Maxamed ayaa gaaray magaalada Baku ee Caasimaadda wadanka Azerbaijan.

Wafdiga Danjire Jaamac Ceydiid ayaa waxaa halkaasi kusoo dhaweeyay wasiirka arrimaha dibadda dalka Azerbaijan Jeyhun Bayramo, waxaayna ka wada hadleen arrimo aay ka mid yihiin sidii loo soo celin lahaa xiriirkii ka dhaxeeyay labada dal.

Danjire Jaamac Ceydiid Maxamed ayaa qoraal uu soo saaray ku sheegay iney ka wada hadleen wafdigiisa iyo wasiirka arrimaha dibadda dalka Azerbaijan dib usoo celinta xiriirkii wanaagsanaa ee ka dhaxeeyay labada dal ee Soomaaliya iyo Azerbaijan, isagoona uga mahadceliyay wasiir Jeyhun Bayramo soo dhaweynta uu u sameeyay wafdigiisa.

Safiirka aya intaasi ku daray in wasiirka arrimaha dibadda Azerbaijan inuu uga xog waramay deegaanadii aay ku dagalaameen Azerbaijan iyo Armeniya, islamarkaana Soomaliya uga mahadceliyay garab istaagii taageerada ahaa aay u muujisay dowladiisa Azerbaijan xiliyadii dagaalada.

" Annaga dhankeyaga waxaanu  uga mahadceliyay sida fiican ee uu noo soo dhaweeyay, waxaana u gudbinay fariinta dowladda Soomaaliya ee ku aadaneyd xiriirka labada dal oo ah mid walaaltinimo, is qadarin iyo iskaashi isku dheelitiran, waxaan xusnay xidhiidhkii soo jireenka ahaa ee walaaltinimo iyo dhaqankii labad dal ka dhaxeeyay" ayuu yiri Safiirka Soomaaliya ee dalka Turkiga u fadhiya Jaamac Ceydiid.

Safiirka Soomaaliya ee dalka Turkiga ayaa sidoo kale sheegay inuu rajo wanaagsan ka qabo dib usoo celinta xiriirkii wanaagsanaa ee ka dhaxeeyay dowladaha Soomaaliya iyo Azerbaijan.

Jamaal Cali Cabdi, Hiiraan Online
[email protected]













Click here
6/12/2021 11:55 AM EST
Sabti, Juun, 12, 2021 (HOL) - Ra’iisul Wasaaraha Soomaaliya Maxamed Xuseen Rooble ayaa magacaabay guddi soo baara cabashada waalidiin Soomaaliyeed oo sheegay in aysan war iyo wacaal ka helin carruurtoodii oo ay sheegeen in tababar loogu diray dalka Eritrea.

6/12/2021 10:58 AM EST
Sabti, Juun, 12, 2021 (HOL) - Guddoomiyaha xisbiga mucaaradka ah ee Waddani Cabdiraxman Maxamed Cabdillaahi (Cirro), ayaa sheegay in isbahaygsigu uu guul u yahay mucaaradka isla markaana aanu wax cusub ahayn.

6/12/2021 9:57 AM EST
Sabti, Juun, 12, 2021 (HOL) - Dowladda Sacuudi ayaa maanta shaacisay in Xajka sanadkan loo ogolaan doono kaliya dadka muwaadiniinta ah ee ku nool gudaha wadanka Sacuudiga.

6/12/2021 9:23 AM EST
Sabti, Juun, 12, 2021 (HOL) - Madaxweynaha Somaliland Muuse Biixi Cabdi, ayaa sheegay in uu qorshaynayo in si xanaf la’aan ah ay doorashada mayorada iyo shirgudoonka wakiiladu kusoo dhamaato.

6/12/2021 8:49 AM EST
Sabti, Juun, 12, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa maanta kulan la qaatay Wakiilka Xoghayaha Guud ee Qaramada Midoobay James Swan kaas diiradda lagu saaray xaalada dalka.

6/12/2021 6:37 AM EST
Sabti, Juun, 12, 2021 (HOL) - Wararka naga soo gaaraya degmada Caabudwaaq ee gobolka Gagaduud ayaa sheegaya in halkaasi nin hubeysnaa uu dil ugu geystay nin oday ahaa oo la sheegay inuu ku sugnaa gurigiisa xiliga la dilay.

6/12/2021 6:24 AM EST
Sabti, Juun, 12, 2021 (HOL) - Puntland ayaa maanta ku dhawaqday in la qaaday xayiraadii lagusoo rogay addeega lacagaha danabaysan ee sintiyada dollarka ee ay bixiyaan shirkaddaha isgaarsiinta ee ka howlgalla deegaanadeeda.

6/12/2021 6:05 AM EST
Sabti, Juun, 12, 2021 (HOL) - Dowladda Soomaaliya ayaa ku baaqday in la sameeyo guddi isku dhaf ah oo ka shaqeeya qaababka dib loogu soo celinayo xiriirkii diblomaasiyadeed ee kala dhexeeyay Kenya.

6/12/2021 5:43 AM EST
Sabti, Juun, 12, 2021 (HOL) - Warar dheeraad ah ayaa kasoo baxaya weerar dhabo gal ah oo aay ciidamo ka tirsan dhaqdhaqaaqa Al-shabaab klu qaadeen Kolanyo gaadiid ah oo aay wateen ciidamada Kenya oo ku socdaalayay deegaano ka tirsan degmada Mandhera ee gobolka waqooyi bari Kenya.

6/12/2021 2:03 AM EST
Sabti, Juun, 12, 2021 (HOL) - Wararka ka imaanaya magaalada Dhuusamareeb ee Caasimada maamulka Galmudug ayaa sheegaya in halkaasi xalay uu ka dhacay weerar sababay dhimasho iyo dhaawac.