3/29/2024
Today from Hiiraan Online:  _
Wararka Maanta- Jimco, Sept 10, 2021
Heshiis horudhac ah oo laga gaaray colaadii deegaanka Kabxanley ee gobolka Hiiraan
 

Jimco, September, 10, 2021 (HOL) - Heshiis Horudhac ah ayaa laga gaaray dagaal muddooyinkii dambe Maleyshiyo beeleed ku dhex marayay deegaanka Kabxanley ee gobolka Hiiraan.

Odayaasha beesha Xawaadle, ayaa sheegay  in ay aqbaleen baaq nabadeed oo uu soo saaray  Ugaas Yuusuf Ugaas Xasan Ugaas Khaliif, oo ah in meelaha shaqaaqooyinka ka dhaceen lagu wareejiyo ciiddamada milatariga iyo booliiska.

“Annagoo ah odayaasha beesha Xawaadle, waxaan diyaar u nahay nabad. Wax allaale wixii dhacay gogasha uu Ugaasku fidiyay ayaa looga wada hadli doonaa,” ayay yiraahdeen odayaasha Xawaadle.

Waxay odayaasha Xawaadle sidoo kale sheegeen in deegaanka Kabxanley ay ku wareegtay gacanta ciiddamada amniga, waxayna sheegeen in laga saaray maleyshiyaadka tuulada qabsaday.

Kabxanleey waa tuulo ka tirsan gobolka hiiraan waxaay magaalada Baladwayne ka jirtaa dhinaca waqooyi galbeed waxayna u dhowdahay xadka Itoobiya.

Boqolaal qoys ayaa dagaaladii ka dhacay halkaas uga barakacay, sidoo kale guryo badan oo dad shacab ah lahaayeen ayaa colaada awgeed dab loo qabad siiyay.



Abdiweli M. Sheikh, Hiiraan Online












Click here
9/10/2021 12:16 PM EST
Jimco, September, 10, 2021 (HOL) - Kulan degdeg oo ay maanta isugu yimaadeen golaha midowga musharraxiinta madaxweynaha, waxay ku dhawaaqeen in ay si buuxda u garab istaagan yihiin raysal wasaare Rooble.

9/10/2021 12:06 PM EST
Jimco, September, 10, 2021 (HOL) - Guddoomiyihii hore ee maxkamadda Sare ee dalka, Abukaate Caydiid Ilka Xanaf ayaa sheegay in raysal wasaare rooble uu sharciyan ku saxan yahay magacaabida iyo dhaarinta xubinta kamid ah golihiisa wasiiradda.

9/10/2021 10:34 AM EST
Jimco, September, 10, 2021 (HOL) - Xogeeyaha guud ee xisbiga talada Somaliland haya ee Kulmiye Ibraahin Axmed Raabi, ayaa ku eedeeyay madaxda sare ee xisbiga mucaarad ka ah ee Waddani in anay si buuxda u aaminsanayn qadiyada madaxbannaanida Somaliland.

9/10/2021 9:42 AM EST
Jimco, September, 10, 2021 (HOL) - Guddoomiyaha xisbiga mucaaradka Somaliland ee Waddani Cabdiraxman Maxamed Cabdillaahi (Cirro), ayaa ku dhawaaqay in uu markale u tar tamayo jagada guddoomiyaha xisbiga, doorashada qabsoomi doonta shirwaynaha xisbiga ee la qaban doono 30-31 October.

9/10/2021 4:27 AM EST
Jimco, September, 10, 2021 (HOL) - Puntland ayaa soo bandhigtay qaar katirsan dagaalamayaashii Alshabaab ee weeraray xabsiga magaalada Boosaaso iyo qaar kamid ah maxaabiistii Alshabab ee lasoo qabtay markii ay xabsiga ka fakadeen.

9/10/2021 2:19 AM EST
Jimco, September, 10, 2021 (HOL) - Madaxweynaha dowlad goboleedka Puntland Siciid Cabdullaahi Deni, oo Gaalacyo ku sugan, ayaa ku guddoonsiiyay abaalmarino Ciidamadii iyo Masuuliyiintii kale ee ka qayb qaatay nabadgelyada Gobolka Mudug.

9/10/2021 1:41 AM EST
Jimco, September, 10, 2021 (HOL) - Madaxweynayaasha dowlad goboleedyada Galmudug iyo Koonfur galbeed ayaa Muqdisho u tagay sidii ay waan waan uga dhex bilaabi lahaayeen madaxweyne Farmaajo iyo raysal wasaare Rooble oo khilaafkoodu meel adag uu gaaray.