10/2/2022
Today from Hiiraan Online:  _
Wararka Maanta- Talaado, Oct 5 , 2021
Madaxweyne Farmaajo iyo Raysal wasaare Abiy Axmed oo kulan gaar ah ku yeeshay magaalada Adis Ababa
 

Talaado, October, 5, 2021 (HOL) - Madaxweynaha Soomaaliya Maxamed Cabdullaahi Farmaajoo oo ku sugan magaalada Adis Ababa ee dalka Itoobiya oo uu kaga qeybgalay caleema saarka Raysal wasaaraha dalka Itoobiya oo dib loo doortay dhawaan ayaa kulan gaar ah la qaatay raysal wasaare Abiy Axmed.

Kulanka ayaa labada dhinac waxay iskaga xog wareysteen xaaladda gobolka Geeska Afrika iyo xiriirka labo geesoodka ah ee ka dhaxeeya labada dal oo ay saldhig u tahay daris wanaag, isixtiraam iyo xoojinta la dagaalanka ka dhanka ah Al-Shabaab.

Abiy Axmed ah ayaa uga mahadceliyay madaxweyne Farmaajo sida uu uga soo qeybgalay xaflada caleema saarkiisa, islamarkaana sheegay inuu dowladda Soomaaliya ka taageeri doona dhinacyo badan.

"Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa magaalada Addis-ababa kulan doceed kula qaatay Ra'iisul Wasaaraha dib loo doortay ee dalka Itoobiya Mudane Abiy Ahmed oo ay iska xog wareysteen xaaladda Gobolka Geeska Afrika iyo xiriirka labo geesoodka ah ee labada dal oo ay saldhig u tahay daris wanaag, isixtiraam iyo xoojinta dagaalka ka dhanka ah argagixisada Alshabaab" ayaa lagu yiri war qoraal ah oo lagu daabacay bogga madaxtooyada Soomaaliya.

Madaxweyne Maxamed Cabdullaahi Farmaajo ayaa Sadexdii sano ee la soo dhaafay waxaa uu saaxiib gaar ah la ahaa Raysal wasaaraha dalka Itoobiya Abiy Axmed oo mar booqasho ku yimid magaalada Muqdisho, waxaana safarka madaxweynaha imaanaya xili isaga iyo Raysal wasaaraha Soomaaliya uu ka dhaxeeyo khilaaf aad u xoogan, waxaana  xusid mudan in raysal wasaare Rooble uu isna ku maqan yahay dalka Qatar.

Jamaal Cali Cabdi, Hiiraan Online
[email protected]












Click here
10/5/2021 10:12 AM EST
Talaado, October, 5, 2021 (HOL) - Kulan ay maanta ku yeesheen magaalada Baledweyne ee xarunta gobolka Hiiraan Odayaasha Beesha Xawaadle ayay kaga digeen dowladda Soomaaliya iyo maamulka Hirshabeelle in xilka qaadis iyo beegsi gaar ah ay ku sameeyaan sarakiishii Badbaado Hiiraan.

10/5/2021 8:06 AM EST
Talaado, October, 5, 2021 (HOL) - Raysal wasaaraha Soomaaliya Maxamed Xuseen Rooble oo booqasho ku jooga dalka Qatar ayaa kulan la qaatay dhigiisa dalkaasi Sheekh Khaalid Bin Khalifa Al-Thani.

10/5/2021 6:18 AM EST
Talaado, October, 5, 2021 (HOL) - Xukuumada Somaliland ayaa Raysal Wasaaraha Soomaaliya Maxamed Xuseen Rooble, ku eedeysay in uu ka been sheegay qadiyada dadka reer koonfurka ah lagaga tarxiilayo Laascaanood.

10/5/2021 5:47 AM EST
Talaado, October, 5, 2021 (HOL) - Maxkamadda sare ee ciiddamada qalabka sida ee Puntland ayaa xukun dil ah ku riday siddeed nin oo la sheegay in ay katirsan yihiin Alshabaab, kuwaas oo horay maxkamadda darajada koowaad ay saddex bil ka hor xukun dil ah ugu riday.

10/5/2021 4:14 AM EST
Talaado, October, 5, 2021 (HOL) - Qaar kamid ah haween waynaha magaalada Laascaanood ee gobolka Sool, ayaa soo dhaweeyay raafka ay xukuumada Somaliland ku masaafurinayso dadka reer koonfureedka ah ee ku dhaqnaa gobolka, waxayna ku eedeeyeen in bulshadaasi ka danbeeyeen dilalkii ka dhacay Laascaanood.

10/5/2021 1:57 AM EST
Talaado, October, 5, 2021 (HOL) - Facebook, Instagram iyo adeegga farriimaha WhatsApp-ka ee sida weyn loo adeegsado ayaa dib hawada ugusoo laabtay xalay saqdii dhexe, ka dib muddo illaa lix saacadood ah oo ay dunida ka maqnaayeen.

10/5/2021 1:26 AM EST
Talaado, October, 5, 2021 (HOL) - Hay’addaha arrimaha bini’aadantinimada ka shaqeeya ayaa aad u cambaareeyay xarigga iyo barakicinta khasabka ah ee in ka badan 1,000 qof oo isugu jira haween, carruur iyo rag, kuwaas oo ay Somaliland kasoo barakacisay magaalada Laascaanood ee caasimadda gobolka Sool.