5/18/2021
Today from Hiiraan Online:  _
Wararka Maanta- Sabti, Jan 16, 2021
Madaxweyne Laftagareen oo lagu waddo in uu safar ku taggo degmada Xudur


 

Sabti, Janaayo, 16, 2021 (HOL) - Madaxweynaha dowlad gobolleedka Koonfur Galbeed Cabdicasiis Xassan Maxamed Laftagareen ayaa lagu wadda in saacadaha soo socda uu safar deg deg ah ugu anbabaxo degmada Xudur ee gobolka Bakool.

Degmada waxaa uga sii horreeya oo shalay gaaray xubno ka tirsan golaha Wasiirradda maamulka Koonfur Galbeed Soomaaliya  kuwaa oo u sii gogol xaaraya safarka madaxweynaha 

Safarka Laftagareen ee Xudur ayaa imanaya xili degmada ay ka dhaceen dibadbaxyo aan taariikhda dhaw horay uga dhicin degmada oo dadku uga cabanayeen nolasha adag ee soo food saartay kaddib markii ay go'doomiyeen xoogagga Ururka Al-shabaab.

Dibadbaxayaasha ayaa ku eedeeyay madaxweynaha dowladda Soomaaliya iyo kan Koonfur Galbeed intaba in ay iska dhaga-marinayaan xaalada ay ku sugan tahay Xudur oo odayaasha qaarkood sheegeen in meelaha qaar dadka dhimasho qarka u saaran yihiin.

Inkastoo go'doominta Al-shabaab ee degmada Xudur aheyd mid muddo dheerba iska soo jirtay, haddana bilihii ugu danbeeyay Al-shabaab ayaa bilaabay in ay gubaan gaadiidka isku daya in ay si qarsoodi ah ku galaan degmada, taasoo keentay in gabi ahaanba ganacsatadu joojiyaan dhamaanba wixii maciishad ah ee gali lahaa mar haddii Al- shabaab ay dabqabadsiinayaan gaadiidkooda iyo hantida saaranba.

Cabdiraxmaan Diini, Hiiraan Online
[email protected]    












Click here
1/16/2021 12:36 PM EST
Sabti, Janaayo, 16, 2021 (HOL) - Nicodemus Musyoki Ndalana, Guddoomiyaha Gobolka Waqooyi Bari Kenya ayaa waxba kama jiraan ku tilmaamay hadalkii ka soo yeeray guddoomiyaha Mandera Ali Roba oo sheegay in 50 % Al-shabaab maamulaan degmada.

1/16/2021 9:49 AM EST
Sabti, Janaayo, 16, 2021 (HOL) - Guddiga Puntland u xilsaartay kasoo talo bixinta qiimo dhaca ku yimid lacagta shilinka Soomaaliga ayaa galabta soo saaray go’aamo wax looga qabanayo dhibaatada ka dhalatay sicirka bararka dollarka iyo diidmada shilin Soomaaliga.

1/16/2021 9:13 AM EST
Sabti, Janaayo, 16, 2021 (HOL) -Yoweri Museveni ayaa ugu danbeyntii ku guuleystay doorashadii dalka Uganda markii lixaad isaga oo codadkii la dhiibtay helay 59 %, waxaana natiijada doorashadan dood ka keenay siyaasiga da'da yar ee lagu magacaabo Bobi Wine.

1/16/2021 8:21 AM EST
Sabti, Janaayo, 16, 2021 (HOL) - Madaxweynaha Dowlad Gobolleedka Koonfur Galbeed Cabdicasiis Xassan Maxamed Laftagareen ayaa gaaray magaalada degmada Xudur ee gobolka Bakool oo ay ka jirto xaalad nolaleed oo aad u adag.

1/16/2021 8:04 AM EST
Sabti, Janaayo, 16, 2021 (HOL) - Guddoomiyaha Gobolka Banaadir ahna Duqa Muqdisho Cumar Maxamuud Maxamed (Cumar Filish) ayaa maanta furaha gurigiisa ku wareejiyay muwaadin Soomaaliyeed oo muddo 30 sano ah laga heystay.

1/16/2021 6:18 AM EST
Sabti, Janaayo, 16, 2021 (HOL) - Wararka ka imanaya gobolka Awdal ayaa sheegay in subaxnimadii hore ee saakay xabsiga loo taxaabey Afar Wariye oo ka howlgalayay magaalada Boorame.

1/16/2021 4:52 AM EST
Sabti, Janaayo, 16, 2021 (HOL) - Wararka ka imanaya gobolka Galguduud ayaa sheegaya in ciidamada dowladda wali ku raad joogaan maleeshiyaad shan ruux ku dishay deegaan hoostaga degmada Balanbale.

1/16/2021 3:39 AM EST
Sabti, Janaayo, 16, 2021 (HOL) - Guddoomiyaha maamulka gobolka Hiiraan Cali Jeyte Cismaan ayaa sheegay in ciidamada Liyuu Boolis ee dowlad deegaanka Soomaalida Itoobiya aay dhibaatooyin kala duwan ka geystaan deegaano ka tirsan gudaha gobolka Hiiraan.

1/16/2021 3:17 AM EST
Sabti, Janaayo, 16, 2021 (HOL) - Diowladda Jabuuti ayaa cambaareysay weerar habeen hore lagu qaaday saldhig ku yaala gobolka Tajura waxaana ay ku baaqday dib loo soo celiyo xasiloonida gobolka.

1/16/2021 12:08 AM EST
Sabti, Janaayo, 16, 2021 (HOL) - Dowladda Ingiriiska ayaa Soomaaliya u tababartay 113 askari oo ah dufcadii ugu dambeysay oo qeyb ka ah guud ahaan 500 askari oo qeyb ka qaadandoona la dagaalka Alshabaab iyo xaqiijinta xasilloonida dalka.

1/16/2021 12:04 AM EST
Sabti, Janaayo, 16, 2021 (HOL) - labo sano ayaa kasoo wareegtay weerarkii Al-Shabaab ay weerartay hoteelka Dusit D2 ee bartamaha magaalada Nairobi, halkaas oo ay ku dileen 22 qof.