5/9/2021
Today from Hiiraan Online:  _
Wararka Maanta- Talaado, Apr 6 , 2021
Dagaal culus oo u dhexeeya Soomaalida iyo Canfarta oo ka socda gobolka Siti


 

Talaado, April,, 06, 2021 (HOL) - Dagaal u dhexeeya Soomaalida iyo Canfarta ayaa ka socda Gobolka Siti  ee dowlad deegaanka Soomaalida Ethiopia, waxaana lagasoo sheegayaa khasaare xooggan oo dhimasho iyo dhaawac ah.

Ugu yaraan 10 qof oo shacab ah oo ay ku jiraan odayaal caanka ah deegaanka Soomaalida, ayaa lagusoo waramayaa in ay ku dhinteen dagaalka ay Canfarta kusoo qaaday dhulka Soomaalida.

Dagaalka ugu culus ayaa ka socda tuulada Garba-Ciise iyo agagaarkeeda, waxaana wararku sheegayaan in magaaladaas la hareeyay oo ay Canfartu go’doomiyeen, iyagoo jaray waddooyinkii Soomaalida isaga xirnayd.

Ciidamada milatariga Ethiopia ayaa ku sugan magaalada Garba-Ciise, wuxuuna ilaalo ka yahay dadka shacabka ah, isagoo ka hortagaya in magaalada loogusoo galo oo kadibna xasuuq loo geysto.

Balse, waxaa milatariga lagu dhaliilay in aysan kala dhex galin dhinacyada ku dagaalamaya magaalada hareeraheeda iyo meelaha kale ee Canfartu ku laynayso dadka shacabka ah.

Weli macluumaad ah rasmi ah lagama hayo khasaaraha dagaalka dhexamaraya ciidanka dowlad deegaanka Soomaalida iyo kuwa canfarta, walow ay jirto dhimasho badan oo labada dhinac ah.

Boqolaal qoys ayaa ka barakacay colaada ka socota gobolka Siti, iyadoo kusoo beegantay xilli abaar culus lagasoo sheegayo dhulkaas.

Abdiweli M. Sheikh, Hiiraan Online











Click here
4/6/2021 2:21 PM EST
Talaado, April,, 06, 2021 (HOL) - Waxaa magaalada Jigjiga lagu qabtay xuska maalinta xad gudubka maxaabiistii Jeel-ogadeen oo ay soo diyaariyeen Ururka Dhibanayaasha Jeel Ogaden, kuwaas oo dhibaato iyo tacaddi kasoo gaaray mudadii ay ku jireen Jeelkii albaabada loolaabay ee Jeel Ogaden.

4/6/2021 1:56 PM EST
Talaado, April,, 06, 2021 (HOL) - Beesha Caalamka oo garwadeen ka ah kulamada xiriirka ah ee toddobadyadii ugu danbeeyayba u socday hoggaamiyayaasha Soomaalida ayaa qoraal ay soo saareen waxaa ay u rajeeyeen shirarkooda isfaham iyo Guul

4/6/2021 11:41 AM EST
Talaado, April, 6, 2021 (HOL) - kulan dhexmaray Xukuumada Somaliland iyo ganacsatada, ayaa lagu qorsheeyay, sidi loosoo ibin laha tallaal caabuqa Covid-19 lagaga tallalo 300 oo kun oo qof.

4/6/2021 10:12 AM EST
Talaado, April, 6, 2021 (HOL) - Kulan madaxtooyada Somaliland ku dhexmaray wasiirka cadaalada ee Zambia Gavin Labinda iyo madaxwaynaha Somaliland, ayaa lagaga wada hadlay xidhiidh ganacsi oo dhexmari doona Somaliland iyo Zambia.

4/6/2021 9:46 AM EST
Talaado, April,, 06, 2021 (HOL) - Taliska sirdoonka iyo nabad sugida gobalka Banaadir ee NISA ayaa sheegay in ay heleen xog sheegaysa in ay dhinteen labo sarkaal oo u qaabilsanaa Al-Shabaab Gobolka Banaadir gaar ahaan qaybta Qaraxyada Miinooyinka.

4/6/2021 9:26 AM EST
Talaado, April,, 06, 2021 (HOL) - Dawladda Soomaaliya ayaa markii u horreysay gudbisay toddobo heshiis oo calami ah, kuwaaso ku aaddan xaquuqda Shaqaalaha.

4/6/2021 6:51 AM EST
Talaado, April, 06, 2021 (HOL)-Villa Soomaaliya ayaa waxba kama jiraan ku tilmaamtay wararka sheegay in shirka teendhada Afsiyooni qarka u saaran yahay in uu burburo.

4/6/2021 3:19 AM EST
Talaado, April,, 06, 2021 (HOL) - Shirkii wadatashiga ee loo balansanaa maanta inuu dhexmaro dowladda federalka iyo dowlad goboleedyada ayaa maanta dib dhac ku yimid kadib markii madaxweynaha Galmudug uu shalay u safray magaalada Dhuusomareeb.

4/6/2021 1:10 AM EST
Talaado, April,, 06, 2021 (HOL) - Ra'iisal Wasaaraha xukuumadda Soomaaliya Maxmed Xusseen Rooble ayaa ku booqday isbitaalka xoogga qaar ka mid ah askartii uu dhaawaca ka soo gaaray weerarkii cuslaa ee Al-shabaab ay ku qaadeen saldhigyada ciidamada ee Bariirre iyo Awdheegle gobolka Shabeellaha Hoose.