4/13/2021
Today from Hiiraan Online:  _
Wararka Maanta- Sabti, Dec 19, 2020
Cabdirashiid Janan oo iska fogeeyay eedeyn uga timid dowladda Soomaaliya


 

Sabti, December, 19, 2020 (HOL) -Wasiirka Amniga Dowlad Gobolleedka Jubbaland Cabdirashiid xassan Cabdinuur Janan ayaa waxba kama jiraan ku tilmaamay eedeyn uga timid dowladda Soomaaliya oo sheegtay in maleeshiyaad uu hoggaaminayo lagu tababarayo degmada Mandera ee dalka Kenya.

Wasiirka Wasaarradda Warfaafinta Xukuumadda Soomaaliya Cismaan Dubbe ayaa ku eedeeyay dowladda Kenya in ay tababar ku waddo sida uu hadalka u dhiggay maleeshiyaad uu hoggaaminayo Cabdirashiid Janan kuwaa oo doonaya in ay weerar ku soo qaadaan qeybo ka mid ah gobolka Gedo gaar ahaan degmada BeledXaawo.

Cabdirashiid Janan ayaa waxba kama jiraan ku sheegay eedeynta uga timid dowladda Soomaaliya ee ah in uu maleeshiyaad ku uruursanayo degmada Mandera ee  dalka Kenya.

Janan ayaa arrintaasi ku gacan seyray waxa uuna sheegay in uu joog  duleedka magaalada Beled-xaawo ee gobolka Gedo isla markaana uu halkaasi u joogo sidii uu u difaaci lahaa danta dadka danyarta ah ee uu sheegay in gobolka Gedo ay dowladda federaalka ah ku dhibaataynayso.

Dowladda Soomaaliya ayaa dhawaan xiriirka u jartay dowladda Kenya oo ku eedeysay in ay fara-galin ba'an ku heyso arrimaha gudaha Soomaalia, laakiin Kenya wey iska diiday eedeyntaas.

Cabdiraxmaan Diini, Hiiraan Online
[email protected]   


 




 












Click here
12/19/2020 3:38 PM EST
Sabti, December, 19, 2020 (HOL) - Raysal Wasaaraha Soomaaliya Maxamed Xuseen Rooble ayaa shir degdeg la qaatay wasiiradda gaashaandhiga, amniga, saraakiisha ciidamada iyo masuuliyiinta Galmudug, kadib markii uu soo dhamaaday aaskii qaran ee Gaalkacyo loogu sameeyay saraakiishii lagu dilay qarixii Gaalkacyo.

12/19/2020 2:22 PM EST
Sabti, December, 19, 2020 (HOL) - Madaxweynaha Somaliland Muuse Biixi Cabdi ayaa xafiiskiisa ku qaabilay wafdi uu horkacayo Wasiirka Arrimaha Dibada Malawi Eisenhower Mkaka oo maanta gaaray magaalada Hargeysa.

12/19/2020 8:46 AM EST
Sabti, December, 19, 2020 (HOL) - Madaxweynaha Soomaaliya Maxamed Cabdullaahi Farmaajo iyo wafdi uu hoggaaminayo ayaa u ambabaxay dalka Jabuuti, halkaas oo uu kaga qeyb geli doono Shir deg-deg ah oo waddamada xubnaha ka ah Urur Goboleedka IGAD ay kaga arrinsanayaan xaaladda Gobolka.

12/19/2020 7:37 AM EST
Sabti, December, 19, 2020 (HOL) - Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa ka qeyb galay aas qaran oo loogu sameeyey Gaalkacyo saraakiishii qaranka ee ku geeriyootay falkii Al-shabaab shalay ka geysteen magaalada Gaalkacyo.

12/19/2020 6:39 AM EST
Sabti, December, 19, 2020 (HOL) -Wafdi uu horkacayo Wasiirka Wasaarradda Arrimaha Dibadda Malawi Eisenhower Mkaka ayaa gaaray magaalada Hargeysa, halkaasoo si heer sare ah loogu soo dhaweeyay.

12/19/2020 6:23 AM EST
Sabti, December, 19, 2020 (HOL) - Dowladda federalka Soomaaliya ayaa maanta magaalada Muqdisho u daabushay qaar kamid ah dadkii ku dhaawaccmay qaraxii ismiidaaminta ahaa ee shalay ka dhacay magaalada Gaalkacyo.

12/19/2020 6:06 AM EST
Sabti, December, 19, 2020 (HOL) - Baarlamaanka Dowlad Gobolleedka Hirshabeelle oo kulan maanta ku yeeshay magaalada Jowhar ayaa cod gacan taag ah ku ansixiyay mudada madaxweyne Cali Maxamed Xusseen Cali Guudlaawe uu ku soo magacaabayo xubnaha Golaha Wasiirrada Hirshabeelle.

12/19/2020 2:11 AM EST
Sabti, December, 19, 2020 (HOL) - Dowladda Federaalka Soomaaliya ayaa Dowladda Kenya ku eedeysay abaabul dagaal iyo in ay hubeyneyso maleeshiyaad qalalaase amni ka abuura Gudaha Soomaaliya.

12/19/2020 12:11 AM EST
Sabti, December, 19, 2020 (HOL) - Maalinta berri ah ayaa lagu waddaa in dalka Jabuuti uu shir uga furmo madaxda Urur gobolleedka IGAD, kaasoo looga wada-hadali doono arrimo la xiriira xaaladihii ugu danbeeyay ee gobolka.

12/19/2020 12:08 AM EST
Sabti, December, 19, 2020 (HOL) - Amaanka magaalada Gaalkacyo ayaa siweyn loo adkeeyay waxaana saacadihii ugu danbeeyay socday baaritaanno xooggan oo ay ciidamado ka waddeen qeybo ka mid ah magaalada.