Mareykanka oo sheegay in uu duqeyn ku dilay saraakiil ka tirsan Ururka Al-shabaab
Isniin, December, 30, 2019
(HOL)- War Qoraal ah oo ka soo baxay Taliska Ciidamada Maraykanka ee qaarada
Afrika ee loo yaqaano (AFRICOM) ayaa lagu faah faahiyey duqeymo dhinaca cirka
ah oo uu Mareykanka ka fuliyey deegaanno ka tirsan Gobolka Shabeellaha Hoose
Qoraalka ka soo baxay Taliska Africom ayaa lagu
yiri’’ Ciidamada Mareykanka oo kaashanaya saaxiibadooda Soomaaliya ay 29-kii
Bishan Saddex Duqeyn oo ay fuliyeen oo
laba ka mid ah ay la beegsadeen xarumo Al-Shabaab ku leeyihiin deegaanka
Kuunya-Barow halka midka kale ay ka fuliyeen deegaanka Caliyoow Barrow ee
Gobolka Shabeellaha Hoose.
Duqeymahaaa ayaa sheegeen sidoo kale in ay ku
burburiyeen Gaadiid oo mid ka mid ah lagu dilay Labo Sarkaal oo ka tirsanaa
Ururka Al-Shabaab , balse ay sheegeen in duqeyntaas aysan waxba ku noqon dad
rayid ah.
Madaxa ciidamada Mareyknaka ee Africom William
Gayler, oo ah madaxa howlgalada Ciidamada Mareykanka ee Africa, ayaa yiri “Tan
iyo weerarkii ugu horreeyay ee Al-Shabaab ee sanadkii 2010, kooxdu waxaa ay si
naxariis darro ah u dishay boqolaal isugu jira la-hawlgalayaasha
Afrikaanka ah ee AMISOM iyo xulafadooda,Shacab iyo dadka kale Waana
khatar Caalami ah.
Mareykanka ayaa sanadkaan 2019 waxa uu kordhiyey
weerarada dhinaca cirka ah uu ka fuliyo Soomaaliya,isla markaana uu la
beegsanayo xarumaha Al-Shabaab iyo Daacish-ta ka Soomaaliya ee ka howlgasha
deegaannada Puntland.
C/raxmaan Diini, Hiiraan Online
[email protected]
