3/29/2024
Today from Hiiraan Online:  _
Wararka Maanta- Jimco, May 13, 2016
AMISOM iyo QM oo Maamulka Gobolka Hiiraan kala Hadlay Adkeynta Amniga Guud (SAWIRRO)

Jimco, May 13, 2016 (HOL) — Wafdi ka socday Qaybta Millateriga iyo Rayidka ee Hawl-galka Ciidamada Midowga Afrika ee Soomaaliya [AMISOM] iyo Hay’adda UNOCHA ee Qaramada Midoobay oo doraad safar ku tagay Magaalada Baladweyne ee gobolka Hiiraan, ayaa Maamulka Gobolkaas kala hadlay xoojinta wada-shaqeynta shacabka iyo ciidamada si loo adkeeyo ammaanka iyo kalsoonida shacabka.

Guddoomiye ku xigeenka Amniga iyo Siyaasada ee maamulka Gobolka Hiiraan, Maxamed Ibraahim C/lle, ayaa Warbaahinta u sheegay in Wafdigan ay kala hadleen sidii loo Dar-dar-gelin lahaa Mashaariic Wax-tar leh oo laga Hir-gelinayo Gobolka Hiiraan.

Sidoo kale, Guddoomiye ku xigeenka ayaa xusay in Shacabku ay yihiin kuwa Gaarka ah ee ugu muhiimsan Xoojinta Amaanka, isagoo intaas ku daray in haddii iskaashi uu dhex-maro ciidamada iyo shacabka la adkeyn karo Ammaanka Guud ee Gobolka.

“Mas’uuliyiinta Maamulka Gobolka Hiiraan Waxay kala hadleen Wufuudda AMISOM iyo UNOCHA ka socday, sidii loo xoojin lahaa iskaashi dhexmara shacabka Gobolkan ku nool iyo ciidamada millateriga, Wuxuuna Kulanku kusoo dhamaaday kulanku si guul ah,” ayuu yiri Maxamed Ibraahim C/lle.

Dhanka kale, Madaxa Bani’aadamnimada Hawl-galka AMISOM, Abdul Diabagate oo isna hadlay ayaa sheegay in iskaashiga u dhexeeya AMISOM, UNOCHA, Ciidamada Somalia ee Millateriga iyo Booliiska iyo Maamulka Gobolka Hiiraan uu si weyn u soo hagaagayo.

“Waxaanu Magaalada Baladweyne u nimid sidii aan u ogaan lahayn in ciidamada ku sugan Gobolka ay awood ugu leeyihiin inay is-kaashi la sameeyaan Bulshada iyo in la fududeeyo wada-shaqeynta u dhexeysa,” ayuu yiri Abdul Diabagate.

Ugu dambeyntii, Kulanka ayaa waxaa Goob-joog ka ahaa; ku xigeenka Mas'uulka Guud ee Unugga Millateriga iyo Rayidka ee Hawlgalka Midowga Afrika ee Soomaaliya AMISOM, Col. Nestor Ndarusanze, La-taliyaha dhinaca difaaca Carruurta AMISOM, Mussa Gaabow, Saraakiil ka tirsan Xafiiska UN-OCHA ee Soomaaliya, Mas’uuliyiinta Maamulka Gobolka Hiiraan iyo daneeyayaal kale.

Maxamed X.Xuseen, Hiiraan Online
[email protected]
Muqdisho, Soomaaliya













Click here
5/13/2016 1:51 PM EST
Jimco, May 13, 2016 (HOL) — Warar dheeraad ah ayaa kasoo baxaya Dagaal xoog leh oo deegaan hoos-taga degmada Buula-burte ku dhex-maray ciidamada DF Somalia, AMISOM iyo Xoogagga Al-shabaab.

5/13/2016 1:14 PM EST
Jimco, May 13, 2016 (HOL) — Madaxweynaha Somalia Xasan Sheekh iyo dhiggiisa dalka Uganda, Yoweri K. Museveni ayaa maanta kulan ay ku yeesheen madaxtooyada Uganda ee Entebbe, iyagoo kaga hadleen qodobo dhawr ah oo ay ka mid tahay dib u dhiska ciidamada Soomaaliya.

5/13/2016 1:00 PM EST
Jimco, May 13, 2016 (HOL) — Gudiga Kubadda Cagta ee FIFA ayaa u magacaabay Fatma Samba Diouf Samoura oo u dhalatay Waddanka Senegal in ay noqotay Xoghayaha guud ee Ururkaas.

5/13/2016 12:38 PM EST
Jimco, May 13, 2016 (HOL) — Wararka aan ka helayno Degmada Buula-burte ee Gobolka Hiiraan, ayaa sheegaya inuu dagaalka culus maanta ku dhaxmaray deegaanka Geeda-samo oo ka tirsan degmada Buulo-burte, Ciidammo ka tirsan kuwa Dowladda Somalia oo Gacan ka helaya ciidamada AMISOM iyo Xoogag Taabacsan Xarrakada Al-shabaab.

5/13/2016 10:57 AM EST
Jimco, May 13, 2016 (HOL) — Heshiiskii ay Midowga Yurub iyo Xukuumadda Turkiga dhawaan kala saxiixdeen ee ku saabsanaa hakinta qul-qulka Qoxootiga galaya Yurub ayaa burbur ku dhaw, kaddib markii Midowga Yurub uu shuruudo ku xireen codsigii Turkiga ee ahaa inay Muwaadiniinteedu Yurub galaan iyagoo aan wadan wax dal-ku-gal ama Viso ah.

5/13/2016 8:44 AM EST
Jimco, May 13, 2016 (HOL) — Waddanka New Zealand oo ay ku nool yihiin Somali fara badan oo ka cararay colaadihii Somalia ka taagnaa labaatameeyadii sano ee lasoo dhaafay, ayay dhibaato weyn ka haysataa lacag dirista, kaddib markii xukuumadda dalkaas ay Gabi ahaan Xawaaladihii lacagaha lasii marin jiray joojisay.

5/13/2016 7:47 AM EST
Jimco, May 13, 2016 (HOL) — Xukuumadda Soomaaliya ayaa sheegtay in go'aankii ay ku dhawaaqday Dowladda Kenya ee ay ku xirayso xeryaha Qoxootiga Dhadhaab iyo Kakuma uu sii krodhin karo amni-darrada iyo falalka Argagaxisada, Iyadoo Kenya ay sheegtay inay xeryahaas oo ay ku jiraan Soomaali fara badan dabayaaqada Sannadkaan lagu jiro ee 2016-ka.

5/13/2016 7:17 AM EST
Jimce, Mey 13, 2016 (HOL)-Hayada OXFAM ee samafalka ayaa sheegtay in inkastoo xaalada helitaanka raashinku soo roonaatay Soomaaliya in in ka badan 700,000 oo qof ay ku tiirsan yihiin gargaar baniaadminimo dalka gudihiisa.

5/13/2016 4:00 AM EST
Jimco, May 13, 2016 (HOL) — Maamulka Puntland ayaa War-saxaafadeed ay soo saareen ku sheegay in Guddoonka Baarlamaanka Federaalka Somalia iyo xildhibaanno ay Caqabad ku yihiin Anisxinta iyo Meel-marinta heshiisyadii ay Garoowe ku kala saxiixdeen Puntland iyo Dowladda Federaalka Soomaaliya.

5/13/2016 3:37 AM EST
Jimco, May 13, 2016 (HOL) — Roob dabaylo iyo Danab wata, ayaa Waxyeello xoog leh soo gaarsiiyey deegaanno kala duwan oo degmada Taleex ee gobolka Sool ka tirsan, taasoo dhimasho, dhaawac iyo mid hantiyeedba isugu jirta.

5/13/2016 3:12 AM EST
Jimce, Mey 13, 2016 (HOL)-Ciidamada hawlgalada gaarka ah ee Mareykanka ayaa amar lagu siiyay inay duqeeyaan Al-Shabaab gudaha Soomaaliya kadib markii hawgal la waday uu isu rogay dagaal aanan la fileyn.