Talaado, November 03, 2015 (HOL) —Gudoomiyaha degmada Kismaayo mudane Ibraahim Max’ed Yuusuf Timajilic ayaa dhagaxdhigay dhismaha warshad sameyn doonta qalabka dhismaha taa oo laga hirgelin doono magaalada Kismaayo ee xarunta gobolka J/hoose.
Warshadan ayaa sameyn doonto qalabka dhismaha, sida bulukeetiyada iyo noocyada kala duwan ee shubabka loo isticmaalo dhismeyaasha, waxaana warshadani loogu magacdaray Kulmiye, iyadoo ay magaalada ka hirgelinayaan qurbajoog u dhalatay deegaanada Jubaland oo ka timid dalka dibadisa.
Xafladda ayaa waxaa sidoo kale kazoo qeybgalay madax katirsan maamulka Jubbaland oo uu kamid yahay Xildhibaan Xuseen Xirsi Max’ed, waxaana ugu horeyn madasha ka hadlay gudoomiyaha degmada Kismaayo Mudane Ibraahim Max’ed Yuusuf, kaa oo sheegay in ay ku faraxsanyihiin shirkaddan laga hirgelin doono Kismaayo.
Gudoomiyaha ayaa dhagaxdhigay dhul bannaan oo ku yaal xeebta Kibooro ee magaalada Kismaayo, halkaasoo laga furi doono warshadan sameyn doonta qalabka dhismaha.
Xildhibaan Xuseen Xirsi Max’ed oo isna madasha ka hadlay ayaa dhankiisa tallaabo hore loo qaaday ku tilmaamay warshadan laga furi doono Kismaayo, isagoo ku booriyay ganacsatada iyo qurbajoogta in ay dalkooda dib ugu soo laabtaan islamarkaana maalgashtaan.
Magaalada Kismaayo ee xarunta gobolka J/hoose ayaa mudooyinkii u danbeeyay u muuqatay mid kazoo kabaneeysa burburkii ay dhaxalsiiyeen dagaalladii sokeeye, ayadoo ay magaalada kusoo badanayaan dhismeyaasha cusub ee laga hirgelinayo iyo dayactir lagu sameeynayo goobihii ku burburay dagaalladii sokeeye.
Xasan Nuur, Hiiraan Online
[email protected]
Kismaayo-Soomaaliya
Maamulka Kismaayo oo Dhagax-dhigay Warshad Cusub oo Qalabka Dhismaha Sameyn Doonta
More News
- Wafdi uu Horkacayo Wasiirka Arrimaha Gudaha Kenya oo booqasho ku tagay Dhadhaab (Sawirro)
- SAWIRRO: Boko Haram oo sameysata Gantaalka loo isticmaalo Qoriga RPG-ga ama Baasuukaha
- Agaasimihii hore ee Hay'adda Nabad-sugidda DF Soomaaliya oo ka hadlay Weerarkii Hotel Saxafi
- Eedeyn cusub oo loosoo jeediyay shan wiil oo ka mid ah dhallinyaro ku xiran Minnesota (Sawirro)
- SIILAANYO: Cidna kama yeelayno in Ammaanka Somaliland ay Waxyeello u Geysato (SAWIRRO)
- DHAGEYSO: Maamulka Puntland oo ka Hadlay Khasaarihii ka dhashay Dabeylo ku dhuftay
- Dagaal Ciidanka Somalia iyo kuwa Al-shabaab ku Dhex-maray Dulleedka Garoonka Balli-doogle
- Dibadbax loogu baroor-diiqayay dadkii lagu dilay Weerarkii Hotel Saxafi oo ka dhacay Muqdisho
- Muslimiinta Minnesota oo loo diiday dhul ay ka dhigan lahaayeen Qubuuro (SAWIRRO+VIEDO)
- JEN. TUUR-YARE: Gaadiidka & Dadka Muqdisho soo galaya waa in Baaritaan Adag lagu Sameeyaa
- SAWIRRO: Wasiirka Maaliyadda oo soo xiray shirkii looga hadlayay nidaamka maaliyada dalka
- Obama oo sheegay in aysan ciidamo dagaalama u diri doonin Suuriya