3/29/2024
Today from Hiiraan Online:  _
Wararka Maanta- Isniin, Feb 10, 2014
Maamulka G. Hiiraan oo ka warbixiyey dad Beledweyne lagu xiray

Isniin, Feberaayo, 10, 2014 (HOL) - Mas'uuliyiinta maamulka gobolka Hiiraan ayaa faah faahin dheeraad ah ka bixiyay xarigga rag sheegtay in ay madax ka yihiin maamul gobolleedka la baxay Hiiraan State, oo dhawaan soo gaaray magaalada Beledweyne.

Max'ed Ibraahim oo ah guddoomiye ku-xigeenka dhinaca ammniga maamulka gobolka Hiiraan ayaa sheegay in xabsiga la dhigay afar ruux oo sida uu hadalka u dhigay kala sheegtay madaxweyne, ku-xigeen iyo wasiirro, ka tirsan maamul lagu magacaabo Hiiraan State, arrintaasoo uu ku tilmaamay inay tahay mid sharci darro ah.

''Maamul ayaa halkan ka jira, sharci darro ayeey ahayd in ay isaga dhawaaqaan wax aan jirin, qaar ka mid ah raggii la xirray waa la sii diiyay, kadib markii ay qirteen in falka ay ku dhaqaaqeeni uu khalad ahaa,'' ayuu yiri ku-xigeenka maamulka gobolka Hiiraan ee dhinac nabad gelyada.

Dhinaca kale, wuxuu sheegay in labada ruux ee kale oo ay gacanta ku hayaan maalinta berri ah ay u musaafurin doonaan magaalada Muqdisho oo sida uu sheegay markii horeba ay ka yimaadeen.

Ragga la qabtay ayaa ku doodaya in ay madax ka yihiin maamul la baxay Hiiraan State xaqna ay u leeyihiin in ay ka howlgalaan gobolka, waxaana hogaaminayey shaqsiyaadka xabsiga la dhigay Ismaaciil Cilmi Xareed (Ismaaciil Atoore) oo sheegtay inuu yahay madaxweynaha Hiiraan State.

C/raxmaan Diini, Hiiraan Online
[email protected]
Beledweyne, Soomaaliya.












Click here
2/10/2014 10:23 AM EST
Isniin, Febraayo 10, 2014 (HOL) –Wafdi uu hogaaminayo Madaxweeynaha maamulka Jubba Sheekh Axmed Max'ed Islaam (Axmed Madoobe) iyo qaar kamid ah siyaasiyiintii kasoo horjeeday maamulkiisa islamarkaana mudooyinkii u danbeeyay ku sugnaa magaalada Muqdisho ayaa maanta si diiran loogu soo dhaweeyay garoonka diyaaradaha magaalada Kismaayo.

2/10/2014 9:18 AM EST
Isniin, Febaraayo 10, 2014 (HOL) - Faahfaahin dheeraad ah ayaa ka soo baxaya qaraxa Muqdisho lagula eegtay maanta mas'uul sare oo ka tirsan maamulka gobolka Shabeellada Hoose, kaasoo aanay jirin illaa hadda sheegatay mas'uuliyaddiisa.

2/10/2014 8:36 AM EST
Isniin, Febaraayo 10, 2014 (HOL) — Madaxweynaha Puntland, C/wali Maxamed Cali Gaas ayaa maanta shir-guddoomiyey kulankii ugu horreeyay ee ay yeeshan golaha wasiirrada cusub ee Puntland, waxaana looga hadlay arrimo badan.

2/10/2014 8:27 AM EST
Isniin, Febaraayo 10, 2014 (HOL) — Khilaafkii siyaasadeed ee golaha wakiiladda Somaliland ka taagnaa ayaa waxa maanta dajiyey xubno ka tirsan golaha Guurtidda iyo Akadamiga nabadda Somaliland, kuwaas oo muddo todobaad ah ka codsaday golaha inay fasax galaan ka dibna dib la iskugu soo noqdo

2/10/2014 7:33 AM EST
Isniin, Febraayo 10, 2014 (HOL) – Ciidammo ka tirsanaa jabhadda ONLF ayaa la sheegay inay isku soo dhiibeen Taliska amniga dowlad deegaanka Soomaalida Itoobiya, iyadoo ciidamadan lagu qanciyay inay nabadda qaataan si looga gudbo caqabadaha hortaagan is-fahan dhamaystiran oo ay gaaraan dhinacyada dowladda iyo mucaaradka.

2/10/2014 7:27 AM EST
Isniin, Febraayo 10, 2014 (HOL) – Taliska ciidanka nabadgelyada waddooyinka Muqdisho ayaa sheegay in in bishii lasoo dhaafay ee Jannaayo ay dhaceen shilalkii ugu badnaa uguna khasaaraha badnaa, iyadoo ay ku soo badanayaan Muqdisho gaadiidka yar-yar ee sida gaarka ah loo leeyahay.

2/10/2014 7:14 AM EST
Isniin, Febraayo 10, 2014 (HOL) – Guddoomiyaha howlaha baarlamaanka Kenya, Aadan Barre Ducaale ayaa ka hadlay arrimaha ciidanka Kenya ee qaybta ka ah howlgalka AMISOM oo la sheegay inay ka baxayaan magaalada Kismaayo ee xarunta gobolka Jubbada Hoose, isagoo beeniyay in ciidanka Kenya ay ka baxayaan Kismaayo.

2/10/2014 6:46 AM EST
Isniin, Febraayo 10, 2014 (HOL) – Qarax ayaa goor dhow ka dhacay jidka Maka Al-mukarama ee magaalada Muqdisho. Gaari laga soo buuxiyey walxaha qarxa ayaa la sheegay inuu ku qarxay inta u dhexeysa Taree Biyaano iyo KM4.

2/10/2014 1:45 AM EST
Isniin, Febraayo 10, 2014 (HOL) –Xaflad gelinkii dambe ee shalay magaalada Boosaaso ka dhacday, ayaa waxaa si rasmi ah xilka ugula wareegay wasiirka cusub ee madaxweynaha Puntland C/weli Maxamed Cali Gaas uu dhowaan xilkaas usoo magacaabay.