3/28/2024
Today from Hiiraan Online:  _
Wararka Maanta- Jimco, Jan 11, 2013
Mas'uuliyiin ka kala tirsan maamullada gobollada Hiiraan iyo Galguduud oo ka shiray amniga labada gobol

Jimco, Jannaayo, 11, 2013 (HOL) – Mas’uuliyiin ka tirsan maamulka gobollka Hiiraan oo uu horkacayo guddoomiyaha gobollka C/fitaax Xassan Afrax oo sidoo kale ay wehliyaan saraakiisha ciidamada Jabuuti ee qeybta ka ah howlgalka midowgga Africa AMISOM ayaa kulan kula yeeshay degmada Beer-gadiid ee gobollka Hiiraan mas’uuliyiin ka soctay maamulka dowladda ee gobollka Galguduud.

 

Xubnaha wafdiga ka yimid gobollka Galguduud oo uu horkacayay guddoomiye ku-xigeenka arrimaha amniga Saadiq Shiikh Cumar Yuusuf ayeey isla soo qaadeen mas’uuliyiinta maamulka gobollka Hiiraan sidii iskaashi buuxa looga yeelan lahaa nabad-galyada labada gobol.

 

‘’Kulanka waxaa uu ahaa mid aynu xog isku dhaafsanay mas’uuliyiinta maamulka gobollka Hiiraan, waayo labada gobol Galguduud iyo Hiiraan waa labo gobol oo daris ah dano-badanna ka dhaxeeyaan ayuu yiri,’’ Saadiq Sheekh Cumar Yuusuf guddoomiye ku-xigeenka amniga gobollka Galguduud.

 

Sidoo kale, waxaa uu sheegay in kulanka lagu soo qaaday arrimaha amniga iyo sidii iskaashi buuxa uga yeelan lahaayeen mas’uuliyiinta iyo saraakiisha labada gobol ka hortaga cid kasta oo wax u dhimeysa nabad-galyada, iyadoo leysku afgartay ayuu sheegay dhamaan qodobadii laga wada hadllay.

 

Kulanka ayaa sidoo kale waxaa bar bar socday kulan ay la yeesheen mas’uuliyiinta maamulka gobollka Hiiraan iyo saraakiisha ciidamada Jabuuti odayaasha iyo waxgaradka degmada Beer-gadiid oo ay ka wada hadlleen sugida amniga deegaannada hoos taga degmada, gaar ahaan ka hortaga kooxaha maleeshiyada ah laga yaabo in ay jidgooyada dhigtaan deegaannadaas.

 

Kulanka la sheegay in uu ku dhaxmaray degmada Beer-gadiid mas’uuliyiinta maamulada ka jira gobollada Hiiraan iyo Galguduud uu noqonayaa kii ugu horeeyay ee noociisa ah oo dhaxmara mas’uuliyiin ka kala tirsan labada dhinac.

 

C/raxmaan Diini, Hiiraan Online

[email protected]

Baladweyne, Soomaaliya.













Click here
1/11/2013 1:52 PM EST
Jimco, Jannaayo 11, 2013 (HOL) — Ra’iisal wasaaraha Soomaaliya, Cabdi Faarax Shir-doon (Saacid) ayaa shir jaraa’id oo uu galabta ku qabtay xafiiskiisa ku faahfaahiyay waxqabadka xukuumaddiisa oo dhisan muddo 55 maalmood ah, wuxuuna si gaar ah diiradda u saaray midnimada iyo wadajirka ka dhaxeeya hay’adaha Qaranka, sida madaxtooyada, baarlamaanka iyo xukuumaddiisa.

1/11/2013 7:11 AM EST
Jimco, Jannaayo 11, 2013 (HOL)- Dadweyne Gadoodsan ayaa shalay magaaladda Saylac ku gubay gaadhigii uu wadan jirey maayarkii hore Saylac oo la doonayey in lagu wareejiyo maayarka cusub ee loo doortay magaaladaasi.

1/11/2013 2:25 AM EST
Jimco, Jannaayo 11, 2013 (HOL) — Boqolaal qoxooti Soomaaliyeed ah oo ku jiray xeryaha Dhadhaab-Kenya ayaa billaabay inay dib ugu soo laabtaan deegaannadooda kaddib markii ay u adkeysan waayeen dhibaatooyinka ay kooxaha hubeysan ka geystaan xeryahaas, waxaana qoxootigan qaarkood ay sheegeen in dhibaatooyinka ka taagan xeryaha ay kaga wanaagsan tahay iay ku noolaadaan colaadaha iyo macluusha Soomaaliya.

1/11/2013 2:23 AM EST
Jimco, Jannaayo 11, 2013 (HOL) — Mas’uuliyiinta gobolka Gedo ee dowladda Soomaaliya ayaa sheegay inay wadaan qorshayaal ay xoogagga Al-shabaab uga saarayaan degmooyinka ay kaga sugan yihiin gobolka Gedo oo ku yaalla Koonfurta fog ee Soomaaliya.

1/11/2013 1:21 AM EST
Jimco, Jannaayo 11, 2013 (HOL) — Golaha wasiirrada dowladda Soomaaliya oo kulan ku yeeshay Muqdisho xalay ayaa waxay go’aanno ka gaareen sidii loosoo celin lahaa waxbarashadii lacag la’aanta ahayd iyo sidii dib loogu soo celin lahaa hantada maguurtada ah ee dowladda.