12/1/2022
Today from Hiiraan Online:  _
Wararka Maanta- Talaado, Feb 12, 2013
Boqor lagu xiray Hargeysa iyo Maxkamad xukun ku riday Haweenay fariimo cay ah u dirtay Wasiirka Madaxtooyadda Somaliland

Talaado, Feberaayo 12, 2013 (HOL) — Ciidamadda Amaanka ee magaaladda Hargeysa, ayaa xabsiga u taxaabay boqor Raabi Yuusuf Cabdilaahi oo ka mid ah salaadiinta Somaliland, kaas oo ka soo laabtay magaaladda Muqdisho ee Soomaaliya.

Ciidamadda amnigu kama hadal sababta loo xidhay, haseyeeshee waxa loo malaynayaa in loo xidhay safar uu magaladda muqdisho ku tagay oo uu muddo shan bilood ah ku joogay.

Boqorka maaha markii ugu horeysay ee la xidho, balse waxa hore u xidhay xukuumadii hore ee Daahir Rayaale iyo xukuumaddan Axmed Sillaanyaba, haseyeeshee waa markii labaad ee intii ay xukuumadan jirtay xabsiga loo taxaabay.

Dhinca kale, Maxkamada gobolka Hargeysa, ayaa maanta ka go’aan ka soo saartay dacwada loo haystay Nadra Maxamed Jaamac oo ku eedaysnayd inay Wasiirka Madaxtooyada Xirsi Cali Xaaji Xasan u dirtay fariin aflagaado oo anshaxa ka baxsan ah, taas oo ku xukuntay sideed bilood oo xadhig ah.

Nadra Maxamed Jaamac oo toddobaadyadii u dambeeyey xabsiga ku jirtay waxa la dhagaystay dacwadeeddaa, waxaanay maxkamadda gobolku ka soo saartay go’aan sideed bilood oo xadhig ah ka dib markii ay maxkamadda horteedda ka qiratay inay dambigaasi gashay.

Sidoo kale, waxa raaligelin ka bixiyey falkan ay ku kacday haweenaydani qoyskii ay ka soo jeeday oo sheegay inay ka xun yihiin arrintaasi ay ku kacday, maadaama oo madaxweynaha, marwadiisa iyo wasiirka madaxtooyadddaba u qortay fariimo cay ah oo anshaxa ka baxsan.

Si kastaba ha ahaatee, waa haweenayaddii ugu horeysay ee lagu oogo dambi ah aflagaado ay u geysatay madaxdda qaranka, waxaana la sheegayaa in 18 fariin qoraal ay u dirtay wasiirka madaxtooyadda iyo marwadda madaxweynaha oo ay ku caayeyso.

Barkhad-Ladiif  M. Cumar, Hiiraan Online .
[email protected]
Hargeysa, Somaliland













Click here
2/12/2013 11:41 AM EST
Talaado, Feberaayo 12, 2013 (HOL) — Guddiyada joogtada ah ee baarlamaanka Soomaaliya ayaa kulan ay maanta oo Talaado ah ku yeesheen xarunta golaha shacabka ee Muqdisho ayaa waxay ku ansixiyeen qorshe howleedka baarlamaanka uu ku shaqeynayo sanadkan 2013 iyo arrimmo kale.

2/12/2013 9:57 AM EST
Talaado, February 12, 2013 (HOL) - Waxaa qarax lala eegtay ciidammo Itoobiyaan ah oo ku sugan Magaalada Baydhabo iyo wafdi ka socday taliska xoogga dalka Soomaaliyeed kuwaasi oo uu hoggaaminayay taliyaha ciidanka xoogga dalka Soomaaliyeed Jen. Cabdulqaadir Shiikh Cali Diini oo ku sugnaa Afar Irdoodka magaalada Baydhabo.

2/12/2013 9:18 AM EST
Talaado, Feberaayo, 12, 2013 (HOL) – Warar dheeraad ah ayaa ka soo baxaya khasaaraha uu sababay qarax loo adeegsaday Bam kuwa gacanta laga tuuro ah oo lagu weeraray goob maqaaxi ah oo ku taala agagaarka suuqa xoola xaafadda Howl-wadaag ee magaalada Baladweyne.

2/12/2013 8:53 AM EST
Talaado, Feberaayo, 12, 2013 (HOL) -- Qoysaskii ku nool 22-kii sano ee la soo dhaafay xeradii hore ee ciidamada xoogga dalka Soomaaliyeed Lam-galaay ee magaalada Baladweyne, ayaa hadda bilaabay in ay isaga guuraan halkaa kadib markii ay sidaa amar ku siiyeen saraakiisha ciiidamada dowladda iyo AMISOM.

2/12/2013 7:20 AM EST
Talaado, Feberaayo 12, 2013 (HOL) —Ra’isul wasaaraha dowladda Federaalka Soomaaliya Mudane Cabdi Faarax Shirdoon (Saacid) ayaa maanta xafiiskiisa kulan kula qaatay wafdigii Xildhibaanada ka koobnaa ee ka socday dalka Brundi islamarkaasina mudooyinkii u danbeeyay ku sugnaa magaalada Muqdisho ee caasimadda dalka Soomaaliya.

2/12/2013 6:09 AM EST
Talaado, Feberaayo 12, 2013 (HOL) —Kooxo hubeysan ayaa lagu soo waramayaa in ay gudaha magaalada Mandera ee gobolka waqooyi bari Kenya ay ku dileen sarkaal katirsan ciidamada Kenya, iyadoona kooxahaasi ay sidoo kale qaateen hubkii uu sitay askarigaasi.

2/12/2013 5:40 AM EST
Talaado, Feberaayo 12, 2013 (HOL) —Dagaalyahanno ka tirsan Al-shabaab iyo dad xoolaley ah ayaa lagu soo waramayaa in ay ku dagaalameen deegaanka Cabdi-dhoore oo qiyaastii 20-km dhanka galbeed kaga beegan magaalada Kismaayo ee xarunta gobolka Jubada hoose.

2/12/2013 1:01 AM EST
Talaado, Feberaayo 12, 2013 (HOL) — Howgallo lagu qabqabtay 217 qof ayay ciidamada dowladda xalay ka sameeyeen afar degmo oo ku yaalla magaalada Muqdisho, kuwaasoo ay ka mid yihiin, Xamar-jajab iyo Xamar-weyne.

2/12/2013 1:00 AM EST
Talaado, Feberaayo 12, 2013 (HOL) — Taliyaha gaaska labaad ee ciidamda dowladda Soomaaliya, Jen. C/llaahi Cali Cageyayaa sheegay in la toogan doono askarigii la arko isagoo isbaaro dhiganaya jidka isku xira Muqdisho iyo Afgooye, kaddib markii dhowrkii casho ee lasoo dhaafay ay jidkaas kusoo badanyeen isbaarooyinka loo dhigayo gaadiidka.