3/29/2024
Today from Hiiraan Online:  _
Wararka Maanta- Talaado, May 7 , 2013
MADAXWEYNE XASAN SHEEKH: "Soomaaliya waxay u Baahan tahay Qorshe la mid ah Marshall Plan si ay u soo kabato"

Talaado, May 07, 2013 (HOL) — Madaxweynaha Soomaaliya, Xasan Sheekh Maxamuud oo ku sugan London ayaa u sheegay wargeys kasoo baxa London oo lagu magacaabo Financial Times ayaa sheegay inay u baahan tahay Soomaaliya qorshe la mid ah kii dib loogu habeeyay Yurub ee Marshall Plan-ka loo yaqaan, si ay uga baxdo faqriga, colaadaha sokeeye iyo argagaxisada.

Xasan Sheekh ayaa lagu wadaa inuu ku boorriyay in ka badan 50 xubnood oo ka socda dalal calaamka qaarkood iyo ururro in Soomaaliya ay siiyaan gargaar dhameystiran, si uga kacsabto dhibaatooyinkii soo jiray muddada ka badan 20-ka sano.

“Soomaaliya maanta waxay maraysaa mid ka mid ah dhaawicii gaaray Yurub 1945-kii – waxaana ka socda dhaqdhaqaaq la mid ah kii Yurub looga saaray dhibaatada. Sidoo kale dhaqaale ahaan waxay maraysaa heerkaas oo kale,” ayuu Xasan u sheegay wargeyska Financial Times.

Madaxweynuhu wuxuu sheegay in dhibaatooyinka ka jira Soomaaliya la dhihi karo way ka daran yihiin kuwii xilligaas ka jiray Yurub, isagoo xusay inay la tacaalayso Soomaaliya argagaxiso iyo burcadbadeed oo aan xilligaas jirin.

Qaramada Midoobay ayaa dhawaan baahisay in macluushii ku dhuftay Somalia sannadihii 2011 iyo 2012 ay ku dhinteen 260,000 oo qof oo u badan caruur ay da’doodu ka yar tahay shan sano, waxaana eedda dhibaatadan ay dusha ka saareen Al-shabaab oo ay ku eedeeyeen inay diiday in dadka macluushu ku dhufatay la gaarsiiyo gargaarka ay u baahan yihiin.

Madaxweyne Xasan wuxuu sheegay in xadiga gargaarka la helo ay ku xiran tahay sida ay uga baxayaan dhibaatada dalkooda ka jirta. Isagoo xusay in hadda Muqdisho uu ka socdo dib u dhis, hareeraha waddooyinka waaweynna lagu arkayo dukaamo badan oo laga furay.

Wareysiga uu madaxweynuhu siiyay wargeyskan ayaa wuxuu dhacay xilli ay saacado uun kasoo wareegeen markii uu qarax dilay dad shacab ah uu ka dhacay bartamaha Muqdisho, kaasoo lala beegsaday samafalayaal dalka Qatar u dhashay.

“Waan u jeednaa inay sii dhammaanayaan calaamadihii isku-dhacyada… laakiin weerarrada noocan oo kale ah ida miinooyinka hareeraha jidadka la geliyo, ismiidaaminta waa kuwo weli sii socda, waana kuwo muujinaya in argagaxisada looga adkaaday dagaalladii tooska ahaa,” ayuu yiri Xasan Sheekh.

Sidoo kale, madaxweynuhu wuxuu sheegay in inkastoo khatar badan ay jirto haddana uu dalku uu horay u sii socdo uunka kasii xaluulanayo maalmihii madoobaa ee fowdada.

“Waxaan codsanaynaa qorshe la mid ah Marshall Plan – waxaan doonaynaa in dalalka caalamka ee aan saxiibbada nahay ay sidii Yurub loo caawiyay oo kale,” ayuu madaxweynaha Soomaaliya ku yiri Wareysigiisa.

Ugu dambeyn, madaxweynaha Soomaaliya wuxuu sheegay in Soomaaliya ay ka baxayso 22-sano oo colaado ah, loogana baahan yahay caalamka inay ka geystaan gacan sidii lagu badbaadin lahaa Soomaaliya.

Maxamed Xaaji Xuseen., Hiiraan Online
[email protected]
Muqdisho, Soomaaliya













Click here
5/7/2013 2:51 PM EST
Talaado, May 07, 2013 (HOL) — Shirkii dib u dhiska Soomaaliya ee maanta lagu qabtay magaalada London ayaa waxaa dalalkii kasoo qaybgalay ay ugu yabooheen Soomaaliya boqolaal milyan oo doollarka Mareykanka ah si wax looga qabto ammaanka dib u habeynna loogu sameeyo garsoorka iyo maaliyadda.

5/7/2013 12:31 PM EST
Talaado, May 07, 2013 (HOL) — Madaxweynaha Somaliland, Axmed Maxamed Maxamuud Siillaanyo ayaa ka hadlay geerida afar qof oo daad uu ku qaaday dooxa Dacar-buluq ee u dhexeeya magaalooyinka Hargeysa iyo Berbera, isagoo tacsi u diray ehellada iyo qoysaskii afartaas marxuum.

5/7/2013 11:46 AM EST
Talaado, May 07, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) iyo xubno ka tirsan golihiisa wasiiradda, xildhibaanno, guddoomiyeyaasha degmooyinka gobolka Banaadir, saraakiisha ciidanka, fanaaniin iyo marti sharaf kala duwan ayaa maanta ka qayb-galay dibad-bax lagu taageerayo shirka London oo ka dhacay Muqdisho.

5/7/2013 10:38 AM EST
Talaado, May 07, 2013 (HOL) — Waxaa lasoo gabgabeeyay shirkii London ee looga hadlayay horumarinta Soomaaliya, waxaana lagu wadaa in goor-dhow ay madaxweynaha Soomaaliya, Xasan Sheekh iyo ra’iisul wasaaraha Britain, David Cameron ay saxaafadda u soo bandhigaan warmutiyeedkii shirka kasoo baxay.

5/7/2013 7:44 AM EST
Halkaan ka daawo sawiro laga soo qaaday shirka maanta ka furmay magaalada London ee dalka Britain.

5/7/2013 6:02 AM EST
Talaado, May 07, 2013 (HOL) — Aqalka Lancaster ee magaalada London ee dalka Britain waxaa si rasmi ah uga furmay shirkii looga hadlayay horumarinta Soomaaliya; kaasoo ay kasoo qayb-galeen xubno ka socda illaa 58 dowladood iyo hay’ado caalami ah oo ay ka mid yihiin Midowga Afrika iyo Qaramada Midoobay.

5/7/2013 4:42 AM EST
Talaado, May 07, 2013 (HOL) — Koox dabley ah ayaa xalay fiidkii weerar gaadmo ah ku qaaday saldhigga booliska Miir oo ku yaal xaafadda Horumar ee waqooyiga magaalada Gaalkacyo ee xarunta Gobolka Mudug.

5/7/2013 4:11 AM EST
Talaado, May 07, 2013 (HOL) — Maamulka gobolka Bay iyo Al-shabaab ayaa guulo ka kala sheegtay dagaal shalay ku dhexmaray duleedka degmada Qansax-dheere ee gobolka Bay, dagaalkaas oo la sheegayo inay ku dhinteen lix qof oo dhinacyadii dagaalamay ka tirsan.

5/7/2013 3:44 AM EST
Talaado, May 07, 2013 (HOL) — Ciidanka Booliska Somaliland ayaa Isniintii shalay baaritaan xoogan ku sameeyey guriga ay ku nooshahay hooyada dhashay amiirka Xarakada Al shabaab, Axmed Cabdi Godane oo loo yaqaan Sheekh Mukhtaar C/raxmaan Abuu-Zubeyr oo Hargeysa ku yaalla, iyagoo ku xiray howlgalkaas laba nin oo ay Cabdi Godane walaalo ahaayeen.

5/7/2013 3:37 AM EST
Talaado, May 07, 2013 (HOL) — Shirka London oo looga hadlayo arrimaha Soomaaiya ayaa lagu wadaa inuu saacadaha soo socda uu si rasmi ah uga furmo magaalada London ee xarunta Britain, iyadoo haatan ay wafuudda shirka ka qaybgalaysa ku sugan yihiin goobta loogu talogalay inuu ka dhaco.

5/7/2013 3:36 AM EST
Talaado, May 07, 2013 (HOL) —Maxkamadda degmadda Gabiley ayaa loo soo gudbiyey dacwad xasaasiyad dhalisay oo la xidhiidha xayaawaano dad shacab ahi isku haystaan, haseyeeshee arrintii murugtay ka dib markii wasaaradda Deeganka Somaliland oo loo dhiibay ay maxkamaddii u sheegtay in xayawaankii dhinteen.