3/25/2023
Today from Hiiraan Online:  _
Wararka Maanta- Sabti, Mar 9 , 2013
Xildhibaannada Baarlamaanka Soomaaliya oo Maanta loo Qaybiyay Nuqullada Dastuurka Dalka oo dib loo eegayo

Sabti, Maarso 09, 2013 (HOL) — Xildhibaannada baarlamaanka Soomaaliya ayaa waxaa maanta loo qaybiyay nuqullada dastuurka dalka kaasoo dib u eegis lagu sameynayo, iyadoo kulanka uu khudbad dheer ka jeediyay Prof. Maxamed Sheekh Cismaan (Jawaari) oo sheegay in baarlamaanku uu diyaar u yahay inuu ka shaqeeyo danta shacabka.

Dib u eegista dastuurka ayaa waxaa lagu macneeyay in bulshadu ay fikirro ku yeeshaan dastuurka, sidoo kalena waxaa horay ay madaxda dowladdu u sheegeen in dastuurka la waafajinayo dastuurka.

“Xilka ugu weyn ee xildhibaannada laga sugayo waxaa weeye inay dhayaan wixii ummadda kala gaaray, dajinta sharciyada turxaabixinta iyo dhageysi dadweynaha,” ayuu yiri Prof. Jawaari oo la hadlayay xidhibaannada, isagoo intaas ku daray in xildhibaannada laga doonay inay golaha shacabka u soo bandhigaan warbixinno ku saabsan tabashada shacabka.

Guddoomiyaha baarlamaanka Soomaaliya ayaa sidoo kale khudbadiisa kusoo qaaday dib u eegista dastuurka iyo dhameystirkiisa uu yahay waajib weyn oo saaran mudanayaasha baarlamaanka, isla markaana aan dib loo dhigi karin.

“Dib u eegista dastuurka ee sida KMG ah loosoo ansixiyay waa howsha ugu weynu ee hortaalla baarlamaanka. Shirka dib u eegista dastuurka waa arrin uu qabo qodobka 57-aad ee dastuurka oo dhigaya in dastuurka dib u eegis lagu sameyn karo,” ayuu yiri Prof. Jawaari.

Sidoo kale, guddoomiyaha baaralamaanka wuxuu sheegay in xildhibaannada looga baahan yahay inay suuro-geliyaan in dalka laga hirgeliyo in shacabku ay si xor ah u soo doortaan dowladdii hoggaamin lahayd kaddib in ka badan 40-sano.

Dhanka kale, guddoomiyaha baarlamaanka ayaa sheegay in berri uu imaan doono baarlamaanka wasiirka garsoorka, arrimaha diinta iyo owqaafta si wax looga weydiiyo arrimaha garsoorka dalka.

Kulanka dib loogu eegayo dastuurka ayaan la sheegin muddada uu socon doono, iyadoo dib u eegistan ay noqonayso tii ugu horreysay, afhayeenka baarlamaankuna uu sheegay inay ku timid codsiyo kaga yimid shacabka Soomaaliyeed.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
Xukuumadda Somalia oo soo dhaweysay guushii uu Madaxweynaha cusub ee Kenya ka gaaray doorashadii Madaxweynenimo
3/9/2013 12:05 PM EST
Sabti, Maarso 09, 2013 (HOL) — Xukuumadda Soomaaliya ayaa soo dhaweysay guushii uu madaxweynaha cusub ee Kenay, Uhuru Kenyatta ka gaaray doorashadii madaxnimo ee dalkaas, waxayna ballanqaaday inay xoojin doonto wadashaqeynta kala dhexeysa Kenya.

Kooxaha hubeysan oo Muqdisho ku Toogtay laba Ruux oo la sheegay in ay ka Tirsanaayeen Ciidamada Nabadsugidda
3/9/2013 11:53 AM EST
Sabti, Maarso 09, 2013 (HOL) — Kooxo hubeysan ayaa ku toogtay degmada Kaaraan ee gobolka Banaadir saakay aroortii hore laba qof oo la sheegay in ay ka tirsanaayeen ciidamada nabadsugidda dowladda Soomaaliya.

Ra'iisul Wasaaraha Somalia iyo Wefdi Ballaaran oo uu Horkacayo oo si diirran Loogu soo dhoweeyey Garoowe [SAWIRRO]
3/9/2013 11:07 AM EST
Sabti, Maarso 09, 2013 (HOL) — Ra'iisul wasaaraha dowladda Federaalka ah ee Soomaaliya Cabdi Faarax Shirdoon iyo wefdi ballaaran oo uu horkacayey ayaa maanta soo gaarey magaalada Garoowe ee xarunta maamulka Puntland.

Ciidammo kus Qulqulaya Degmada Baydhabo iyo Munaasabadda 8-da Maarso oo Amni-darro loo Qaban Waayay
3/9/2013 8:08 AM EST
Sabti, Maarso 09, 2013 (HOL) — Ciidamadii Soomaaliya ee dhawaan qatay degmada Ufurow ee gobolka Bay ayaa dib u soo laabtay Baydhabo, kaddib markay ku sugnaayeen labo maalmood, waxaa kaloo magaalada Baydhabo soo buux-dhaafiyey ciidamadii ku sugnaa jiidda hore ee dagaalka, gaar ahaan degmada Berdaale, Qansax-dheere iyo deegaanka Goof-gaduud Shabeelow.

Mas’uuliyiinta Khaatumo State oo beeniyay inuu jiro khilaaf Maamulkooda soo dhex-galay kaddib shir jaraa’id oo ay qabteen
3/9/2013 7:13 AM EST
Sabti, Maarso 09, 2013 (HOL) — Mas’uuliyiinta maamulka Khaatumo ayaa markii ugu horreysay shaaca ka qaaday in aanay jirin khilaaf la sheegay inuu u dhexeeyo mas’uuliyiintaas, kaddib shir jaraa’id oo mas’uuliyiinta ay ku qabteen magaalada taariikhiga ah ee Taleex.

Uhuru Kenyatta oo noqday Madaxweynaha Afraad ee Kenya
3/9/2013 6:55 AM EST
Sabti, March 09, 2013 (HOL) - Gudoomiyaha gudiga doorashada Dalka Kenya ayaa si rasmi ah, daqiiqado ka hor ugu dhawaaqay inuu ku guulaystay doorashadii Kenya, Uhuru Kenyatta oo noqonaya madaxweynihii afraad.

Jaamacadda Banaadir oo u dabaal-degtay Sanad-guuradii Tobanaad ee kasoo wareegtay Markii la asaasay (SAWIRRO)
3/9/2013 6:53 AM EST
Sabti, Maarso 09, 2013 (HOL) — Munasaabad lagu xusayay sannadguuradii 10-aad ee kasoo wareegtay aasaaska Jaamacadda Banaadir ayaa shalay oo Jimco ahayd lagu qabtay hoteelka Safari ee magaalada Muqdisho, iyadoo munaasabaddaas ay kasoo muuqdeen ku dhowaad 100 arday oo xilligan ka qelin-jebisay kuliyadaha ay ka kooban tahay Jaamacaddaas.

Munaasabad lagu xusayay Maalinta Haweenka Adduunka ee 08-da Maarso oo lagu Qabtay Stockholm (SAWIRRO)
3/9/2013 5:30 AM EST
Sabti, March 09, 2013(HOL):Munaasabad lagu weyneynayay maalinta haweenka adduunka ee 8-da Maarso ayaa lagu qabtay magaalada Stockholm ee caasimadda dalka Sweden, iyadoo munaasabaddanna ay ka qeybgaleen xildhibaanno iyo wasiir ka tirsan Dowladda Federaalka Soomaaliya.

Tartan Kubadda Cagta ah oo lagu soo Gabagabeeyay Magaalada Kismaayo ee Xarunta Gobolka Jubbada Hoose [SAWIRRO]
3/9/2013 4:51 AM EST
Sabti, Maarso 09, 2013 (HOL) —Waxaa shalay gelinkii danbe garoonka caalamiga ah ee waamo Stadium ee magaalada Kismaayo lagu soo gabagabeeyay tartan kubadda cagta ah oo kooxaha Zera A-da ee magaalada Kismaayo, kaasoo lagu dhiirigelinayay nabadda iyo isdhaxgalka Bulshada.

Raila Odinga oo sheegay inuu Maxkamadda aadaya, kaddib markii uu diiday in uu qirto in looga guulaystay Doorashada
3/9/2013 3:07 AM EST
Sabti, March 09, 2013 (HOL) - Ra’iisul wasaaraha dalka Kenya Raila Odinga oo ay u muuqato in looga guulaystay doorashadii ka dhacday dalka Kenya ayaa diidan inuu qirto arrinkaas xilli la tiriyay dhammaan codadkii la dhiibtay.

Maalinta Caalamiga ah ee Haweenka Adduunka oo Magaalada Baladweyne ee Gobolka Hiiraan laga xusay (SAWIRRO)
3/9/2013 1:36 AM EST
Sabti, Maarso 09, 2013 (HOL) — Sanad kasta 08-da bisha Maarso oo ku beegneyd maalintii shalay waxaa ay ku asteysan tahay maalinta haweenka aduunka, waxaana meelo badan oo caalam-ka ka tirsan looga dabaal-dagaa xuska maalinta haweenka.

Ra’iisul Wasaaraha Soomaaliya iyo Wafdi uu Hoggaaminayo oo u Ambabaxay Magaalada Garoowe ee Xarunta Puntland
3/9/2013 1:25 AM EST
Sabti, Maarso 09, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa maanta u dhoofay magaalada Garoowe ee xarunta Puntland, iyadoo booqashadan ay noqonayso tii ugu horreysy oo mas’uul ka tirsan dowladda Soomaaliya uu ku aado Puntland.

Fartuun Cabdisalaan oo ka mid noqotay Sagaal Haween ah oo Mareykanku uu Guddoonsiisay Abaalmarino (SAWIRRO)
3/9/2013 12:54 AM EST
Sabti, Maarso 09, 2013 (HOL) — Fartuun Cabdisalaam Xaaji Aadan oo ah madaxa hay’adda Elman ayaa ka mid noqotay sagaal haween ah oo dowladda Mareykanka ay ku abaalmarisay shalay oo Jimco ahayd doorka ay ka qaateen ilaalinta xuquuqda haweenka iyo caruurta.

Uhuru Kenyatta oo ku Guuleysatay Doorashadii Madaxnimada ee dalka Kenya iyo Tirintii codadka oo lasoo Gabagabeeyay
9/3/2013 12:10 PM EST
Sabti, Maarso 09, 2013 (HOL) — Guddoomiyaha isbahaysiga Jubilee ee dalka Kenya, isla marakana ahaa ra'iisul wasaare ku xigeenka xukuumaddii hore, Uhuru Muigai Kenyatta ayaa u muuqda inuu ku guuleystay doorshada madaxnimo ee dalka Kenya, kaddib markii helay codadkii loo baahnaa.