3/29/2024
Today from Hiiraan Online:  _
Wararka Maanta- Sabti, Mar 9 , 2013
Tartan Kubadda Cagta ah oo lagu soo Gabagabeeyay Magaalada Kismaayo ee Xarunta Gobolka Jubbada Hoose [SAWIRRO]


Sabti, Maarso 09, 2013 (HOL) —Waxaa shalay gelinkii danbe garoonka caalamiga ah ee waamo Stadium ee magaalada Kismaayo lagu soo gabagabeeyay tartan kubadda cagta ah oo loo qabtay kooxaha Zera A-da ee magaalada Kismaayo, kaasoo lagu dhiirigelinayay nabadda iyo isdhexgalka Bulshada.

Tartankan kubadda Cagta oo soo bilowday bishii Janaayo ee sanadkan ayaa waxa ku loolamayay kooxaha Zera A-da ee magaalada Kismaayo oo kala matalayay xaafadaha kala duwan ee magaalada, waxaana shalay gelinkii danbe lagu soo gabagabeeyay garoonka Waamo ciyaartii Finalka (kama danbeysta) oo dhexmartay kooxaha Aargo iyo Kisima.

Ciyaartan oo ahayd mid aad u xamaasad badan ayaa waxaa kasoo qeybgalay kumannaan qof oo reer Kismaayo ah oo isugu jiray rag iyo dumar, waxaana sidoo kale goob joog ka ahaa xubno ka tirsan guddiga Isboortiga ee gobolka jubada hoose.

Labada kooxood ayaa soo bandhigay ciyaar aad u wanaagsan, taasoo taageerayaasha labada dhinac ay aad ula dhaceen, waxaana qeybtii hore ee ciyaarta kooxda Aargo gool u saxiixay Ciyaartooygooda qadka weerarka ka ciyaara Cali Xasan C/laahi kadib markii uu ka faa’iideystay kubad gool-ku-laad ahayd oo ay heshay kooxdiisa.

Qeybtii hore ee ciyaarta ayaa lagu kala nastay 1-0, waxaana qeybtii labaad ee ciyaarta ay ahayd mid ka xiiso iyo xamaasad badan tii hore, iyadoona labada kooxoodba ay soo bandhigeen ciyaar aad u kululayd, haseyeeshee kooxda Aargo ayay  markale u suurogashay in ay gool dhaliso, iyadoona gooshaasi uu dhaliyay Qadar Salwiye oo qadka dhexe  uga dheela kooxda Aargo.

Gabagabadii ciyaarta iyadoo ay ka harsantahay daqiiqado yar ayay kooxda Kisima dhalisay Gool, waxaana ay ciyaarta kusoo gabagaboowday 2-1 oo ay guusha ku raacday kooxda Aargo.

C/laahi Ducaale (Big) oo ah gudoomiyaha xiriirka kubadda Cagta ee gobolka J/hoose oo warbaahinta la hadlay ayaa sheegay in tartankani uu ahaa mid lagu dhiirigelinayo Nabadda, wuxuuna xusay in uu kusoo dhamaaday si aad u wanaagsan islamarkaasina Koobkii ay ku guuleysatay kooxda aargo, isagoona ka codsaday qurbajoogta u dhalatay gobolka jubada hoose in ay ka qeybqaataan horumarinta Isboortiga gobolka jubada hoose.

Ciyaartooyda kooxda Aargo ayaa ugu danbeyntii lagu wareejiyay Koobkii tartanka iyadoona kooxda iyo taageerayeesha ay gudaha garoonka ku sameeyeen dabaaldeg aad u sareeya, waxaana sidoo kale ay taageerayaasha kooxda Aargo oo sitay boorar ay ku xardhanyihiin hal-ku-dhigyo ay ku muujinayaan dareenkooda ay socod dheer kusoo mareen qaar katirsan wadooyinka waaweyn eee magaalada Kismaayo.

Dadka reer Kismaayo ayaa si diiran usoo dhaweeyay tartamada kubadda Cagta ee dib uga bilowday gobolka, iyadoona ciyaartii Finalka ee shalay ka dhacday magaalada ilaa maanta laga hadalhayo goobaha ay dadka isugu yimaadaan ee magaalada Kismaayo.








Xasan Nuur, Hiiraan Online
[email protected]
Kismaayo, Soomaaliya













Click here
3/9/2013 12:05 PM EST
Sabti, Maarso 09, 2013 (HOL) — Xukuumadda Soomaaliya ayaa soo dhaweysay guushii uu madaxweynaha cusub ee Kenay, Uhuru Kenyatta ka gaaray doorashadii madaxnimo ee dalkaas, waxayna ballanqaaday inay xoojin doonto wadashaqeynta kala dhexeysa Kenya.

3/9/2013 11:53 AM EST
Sabti, Maarso 09, 2013 (HOL) — Kooxo hubeysan ayaa ku toogtay degmada Kaaraan ee gobolka Banaadir saakay aroortii hore laba qof oo la sheegay in ay ka tirsanaayeen ciidamada nabadsugidda dowladda Soomaaliya.

3/9/2013 11:07 AM EST
Sabti, Maarso 09, 2013 (HOL) — Ra'iisul wasaaraha dowladda Federaalka ah ee Soomaaliya Cabdi Faarax Shirdoon iyo wefdi ballaaran oo uu horkacayey ayaa maanta soo gaarey magaalada Garoowe ee xarunta maamulka Puntland.

3/9/2013 8:08 AM EST
Sabti, Maarso 09, 2013 (HOL) — Ciidamadii Soomaaliya ee dhawaan qatay degmada Ufurow ee gobolka Bay ayaa dib u soo laabtay Baydhabo, kaddib markay ku sugnaayeen labo maalmood, waxaa kaloo magaalada Baydhabo soo buux-dhaafiyey ciidamadii ku sugnaa jiidda hore ee dagaalka, gaar ahaan degmada Berdaale, Qansax-dheere iyo deegaanka Goof-gaduud Shabeelow.

3/9/2013 7:58 AM EST
Sabti, Maarso 09, 2013 (HOL) — Xildhibaannada baarlamaanka Soomaaliya ayaa waxaa maanta loo qaybiyay nuqullada dastuurka dalka kaasoo dib u eegis lagu sameynayo, iyadoo kulanka uu khudbad dheer ka jeediyay Prof. Maxamed Sheekh Cismaan (Jawaari) oo sheegay in baarlamaanku uu diyaar u yahay inuu ka shaqeeyo danta shacabka.

3/9/2013 7:13 AM EST
Sabti, Maarso 09, 2013 (HOL) — Mas’uuliyiinta maamulka Khaatumo ayaa markii ugu horreysay shaaca ka qaaday in aanay jirin khilaaf la sheegay inuu u dhexeeyo mas’uuliyiintaas, kaddib shir jaraa’id oo mas’uuliyiinta ay ku qabteen magaalada taariikhiga ah ee Taleex.

3/9/2013 6:55 AM EST
Sabti, March 09, 2013 (HOL) - Gudoomiyaha gudiga doorashada Dalka Kenya ayaa si rasmi ah, daqiiqado ka hor ugu dhawaaqay inuu ku guulaystay doorashadii Kenya, Uhuru Kenyatta oo noqonaya madaxweynihii afraad.

3/9/2013 6:53 AM EST
Sabti, Maarso 09, 2013 (HOL) — Munasaabad lagu xusayay sannadguuradii 10-aad ee kasoo wareegtay aasaaska Jaamacadda Banaadir ayaa shalay oo Jimco ahayd lagu qabtay hoteelka Safari ee magaalada Muqdisho, iyadoo munaasabaddaas ay kasoo muuqdeen ku dhowaad 100 arday oo xilligan ka qelin-jebisay kuliyadaha ay ka kooban tahay Jaamacaddaas.

3/9/2013 5:30 AM EST
Sabti, March 09, 2013(HOL):Munaasabad lagu weyneynayay maalinta haweenka adduunka ee 8-da Maarso ayaa lagu qabtay magaalada Stockholm ee caasimadda dalka Sweden, iyadoo munaasabaddanna ay ka qeybgaleen xildhibaanno iyo wasiir ka tirsan Dowladda Federaalka Soomaaliya.

3/9/2013 3:07 AM EST
Sabti, March 09, 2013 (HOL) - Ra’iisul wasaaraha dalka Kenya Raila Odinga oo ay u muuqato in looga guulaystay doorashadii ka dhacday dalka Kenya ayaa diidan inuu qirto arrinkaas xilli la tiriyay dhammaan codadkii la dhiibtay.

3/9/2013 1:36 AM EST
Sabti, Maarso 09, 2013 (HOL) — Sanad kasta 08-da bisha Maarso oo ku beegneyd maalintii shalay waxaa ay ku asteysan tahay maalinta haweenka aduunka, waxaana meelo badan oo caalam-ka ka tirsan looga dabaal-dagaa xuska maalinta haweenka.

3/9/2013 1:25 AM EST
Sabti, Maarso 09, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa maanta u dhoofay magaalada Garoowe ee xarunta Puntland, iyadoo booqashadan ay noqonayso tii ugu horreysy oo mas’uul ka tirsan dowladda Soomaaliya uu ku aado Puntland.

3/9/2013 12:54 AM EST
Sabti, Maarso 09, 2013 (HOL) — Fartuun Cabdisalaam Xaaji Aadan oo ah madaxa hay’adda Elman ayaa ka mid noqotay sagaal haween ah oo dowladda Mareykanka ay ku abaalmarisay shalay oo Jimco ahayd doorka ay ka qaateen ilaalinta xuquuqda haweenka iyo caruurta.

9/3/2013 12:10 PM EST
Sabti, Maarso 09, 2013 (HOL) — Guddoomiyaha isbahaysiga Jubilee ee dalka Kenya, isla marakana ahaa ra'iisul wasaare ku xigeenka xukuumaddii hore, Uhuru Muigai Kenyatta ayaa u muuqda inuu ku guuleystay doorshada madaxnimo ee dalka Kenya, kaddib markii helay codadkii loo baahnaa.