3/28/2024
Today from Hiiraan Online:  _
Wararka Maanta- Sabti, Mar 23, 2013
Wafdi ka socda Qaramada Midoobay oo Maanta tagay Magaalada Baladweyne ee Xarunta Gobolka Hiiraan (SAWIRRO)


Sabti, Maarso 23, 2013 (HOL) — Wafdigan oo ka koobanaa sagaal xubnood ayaa waxaa ku soo dhaweeyay garoonka diyaaradaha magaalada Baladweyne mas’uuliyiinta ka tirsan maamulka gobollka Hiiraan.

Sida ay HOL u sheegeen saraakiil ka tirsan maamulka gobollka Hiiraan wafdiga ayaa isugu jiray xubno ka socday hay’addaha samafalka iyo mas’uuliyiin ka tirsan xafiiska siyaasada UNPOS, kuwaasoo u kuur-galayay xaalada guud ee gobollka Hiiraan.

Kulan dhaxmaray xubnaha wafdiga iyo mas’uuliyiinta maamulka gobollka Hiiraan ayaa siweyn loogu lafa-guray xaaladaha nabad-galyo iyo nolaleed ee guud ahaan gobollka gaar ahaan deegaannada laga saaray Al-shabaab ee gobollka Hiiraan iyo sidii looga baahin lahaa gargaarka ay dadku u baahan yihiin.

Sidoo kale, waxaa kulanka lagu soo qaaday xaaladihii ugu danbeeyay ee cudurka shuban biyoodka oo faro ba’an ku haya bulshada ku dhaqan magaalada Baladweyne, iyaga oo kormeeray ama tagay xarumaha sida ku-meel-gaarka ah dadka loogu daweynayo.

Mas’uuliyiinta maamulka gobolka Hiiraan qaarkood ayaa sheegay in ay isku afgarteen xubnaha wafdiga maanta booqday Baladweyne dhamaan qodobadii ay ka wada hadlleen, islamarkaana sida ugu dhaqsiyaha badan ugu soo gurman doonaan dadka ay la soo darseen xaalada caafimaad.

Ma ahan markii ugu horeysay oo wafdi ka socda QM ay booqdaan magaalada Baladweyne, laakiin xubnaha maanta tagay ayaa safarkooda waxaa uu ku soo beegmayaa xili dad ka badan 60 ruux oo uu soo ritay cudurka shuban biyoodka ku jiraan xarumo gaar ah oo looga sameeyay dulleedka magaalada Baladweyne.




C/raxmaan Diini, Hiiraan Online
[email protected]
Baladweyne, Soomaaliya













Click here
3/23/2013 2:37 PM EST
Sabti, Maarso 23, 2013 (HOL) — Barakacyaashii ku noolaa Baydhabo ayaa billaabay inay dib ugu laabtaan tuulooyinkii ay markii hore ka yimaadeen kaddib markii ay waayeen cid taakuleysa ama dib u dejin u samaysa.

3/23/2013 2:12 PM EST
Sabti, Maarso 23, 2013 (HOL) — Labo arday oo dhiganayay dugsi Qur’aan ayaa ku dhintay saddex kalena way ku dhaawacmeen kaddib markii ay ku qaraxday walax ay garaaceen sida uu sheegay guddoomiyaha deegaanka Xeraale, Bashiir Daahir Yuusuf.

3/23/2013 1:22 PM EST
Sabti, Maarso 23, 2013 (HOL) — Roobab mahiigaan ah ayaa maanta ka da'ay degaanno badan oo ka tirsan gobolka Sool iyo degaanno ku dhow-dhow oo ay ka mid tahay magaalada Buuhoodle iyo kuwo kale oo hoos yimaada deegaanka Cayn oo ay dhibaato biyo iyo la'aan ahi ay ka jirtay kaddib markii laba xili roobaad ay baaqdeen.

3/23/2013 8:24 AM EST
Sabti, Maarso 23, 2013 (HOL) — Madaxweynaha Somaliland Axmed Maxamed Maxamuud Siillaanyo iyo wefti balaadhan oo uu hoggaaminayo ayaa maanta u ambabaxay dalka imaaraadka Carabta, kaddib markii ay mas'uuliyiinta dalka ka heleen casuumaad rasmi ah.

3/23/2013 8:23 AM EST
Sabti, 23 Maarso, 2013(HOL) - Ciidamada nabadsugidda degmada Kismaayo ayaa maanta soo bandhigay Walxaha qarxa oo ay saaka kasoo bixiyeen mid kamid ah wadooyinka waaweyn ee magaalada Kismaayo.

3/23/2013 8:18 AM EST
Sabti, Maarso 23, 2013 (HOL) — Dowladda Mareykanka ayaa ka bixitaanka ciidamada Itoobiya ee gobollada Bay iyo Bakool ku tilmaantay tallaabo aan loo baahnayn xilligan, iyagoo ku boorriyay ciidamada dowladda iyo kuwa AMISOM inay buuxiyaan goobaha ay banneeyeen ciidamada Itoobiya.

3/23/2013 7:47 AM EST
Sabti, 23 Maarso, 2013(HOL) - Wafdi uu horkacayo gudoomiyaha maamulka KMG ee degmada Kismaayo Sheekh Axmed Max’ed Islaam (Axmed Madoobe) ayaa maanta soo gaaray magaalada Kismaayo iyagoona kasoo kicitimay magaalada Nairobi ee dalka Kenya.

3/23/2013 3:26 AM EST
Sabti, Maarso 23, 2013 (HOL) — Kooxo hubeysan ayaa saakay ku toogtay xaafadda Celdheere ee degmada Dharkeynley haweeney ka mid ahayd shaqaalaha garoonka diyaaradaha Muqdisho, gaa rahaan waaxda socdaalka, iyadoo la toogtay xilli ay u socotay shaqadeeda, waxaana mana jirto sabab la ogyahay oo loo dilay iyo cidda dilkeeda ka dambeysay.

3/23/2013 3:24 AM EST
Sabti, Maarso 23, 2013 (HOL) — Wariye Maxamuud Cabdiraxmaan Beene-Beene oo ka mid ahaa wariyeyaashii ka howlgeli jiray warbaahinta dalka, balse sannadihii ugu dambeeyay ku noolaa dalka Kenya ayaa xanuun awgiis xalay ugu geeriyooday magaalada Gaarisa ee xarunta gobolka Waqooyi-bari ee dalka Kenya.

3/23/2013 3:23 AM EST
Sabti, Maarso 23, 2013 (HOL) — Xaalad cabsi leh ayaa saakay ka taagan degmada Marko ee xarunta gobolka Shabeellada Hoose, kaddib markii uu shalay halkaas ku dhexmaray dagaal khasaare geystay askar kawada tirsan ciidamada dowladda Soomaaliya; iyadoo saakay ay degmadaas aadeen saraakiil ka tirsan kuwa dowladda.